رَسولون اَعمال 4:10 - کتاب مقدس به زبان تالشی شمالی

¹⁰ بَس شِمَه گِرد و یهودی مردم گِرد، بِزونَه که عیسایِ مسیحِ ناصری نومی نَه یَه که اِم مِرد شِمَه پیشی کا سَق و سلامت مَندَه، هَ کسی نومی نَه که شِمَه، صلیبی سَری کا اَیی کِشتِرونَه امّا خِدا اَیی مَردَه اون دیلَه کا زِنده آکَردِشه.

کتاب مقدس به زبان تالشي - گویش مرکزی

¹⁰ پس گِردِ شِمَه و گِردِ یهودی آدَمِن، بِزنَه کن عیسای مسیح ناصِری نومینَه یَه کن اِم مِرد شِمَه نَکا سَلامت پامَندَ، هَه کَسی نومینَه کن شِمَه بَی صَلیبی سَردِرِ جیبَستِرون، ولی خدا بَی مَردَاونکا زندَ آکَردِش.

رَسولون اَعمال 4:10 Iomraidhean Croise

مَتّی 2:23

یوسف شَه و ایلَه شهری کا که چَیی نوم ناصره بَه ساکن بَه. اِنتَه بَه تا اَ چیی که پیغمبرون واسطه نَه واتَه بییَه بَه اِتِفاق دَلَکِه که: «اَیینَه ناصری بَواتین.»

انجیل لوقا 18:37

اَیی نَه واتِشونَه: «عیسای ناصری کارا دَوییَره.»

رَسولون اَعمال 2:32

خِدا هِم عیسی زِنده آکَردِشه و اَمَه گِرد چَیی شاهِدیمونَه.

رَسولون اَعمال 2:36

«بَس گِردِ یهودی قوم یَقینی نَه بِزونِن که، اِم عیسایی که شِمَه اَیی، صلیبی سَری کا کِشتِرونَه، خِدا اَیی هَم خِداوند و هَم مسیح موعود کَردَشه.»

رَسولون اَعمال 28:28

«بَس بِزونَه که خِدا نِجات غیریهودیون وَر ویسا آبَه و اَوِن گوش بَداین!»

رَسولون اَعمال 3:6

امّا پطرس اَیی نَه واتِشه: «از نِه نِقره هِستِمَه نِه طِلا، امّا اَ چیی کا که هِستِمه بَه تِن آدَم! عیسایِ مسیحِ ناصری نومی کا پِرِز و راه بِش!»

رومی کلیسارا نامه 1:4

و از لحاظ روح قدوسیت، اِشتَن زِنده آبییِه نَه مَردَه اون دیلَه کا، قوتی نَه اِعلام بَه که خِدا زوعَه یَه، یعنی چَمَه خِداوند عیسایِ مسیح.