رَسولون اَعمال 3:6 - کتاب مقدس به زبان تالشی شمالی

⁶ امّا پطرس اَیی نَه واتِشه: «از نِه نِقره هِستِمَه نِه طِلا، امّا اَ چیی کا که هِستِمه بَه تِن آدَم! عیسایِ مسیحِ ناصری نومی کا پِرِز و راه بِش!»

کتاب مقدس به زبان تالشي - گویش مرکزی

⁶ ولی پِطروس بَش واتَه: «مِرا نقرَ و طِلِه نییَه، ولی اَچیی ایکا کن دارِم بَتِه آمَدا! عیسای مَسیحِه ناصِری نومینَه پِب و گَل بِژَن!»

رَسولون اَعمال 3:6 Iomraidhean Croise

مَتّی 10:9

هیچ طِلا و نُقره یا مِسَ سِکه شِمَه کَمردَوِندون کا اِشتَن نَه مَپِگِرَه.

مَتّی 7:22

داوری یَه روزی کا وِر کَسِن بَه مِنَه بَواتین: ”اِی خِداوند، اِی خِداوند، مَگم اِشتِه نومی نَه نَبوّت نِکَردِمونَه؟ مَگم اِشتِه نومی نَه دیوون بَنِرکَردِمونَه؟ مَگم اِشتِه نومی نَه وِرَه معجِزه اون نِکَردِمونَه؟“

مَرقُس 14:8

اِم ژِن هَر چیی که چَیی دَسی کا بَرای، اَنجام دوشَه. اَ اِشتَن اِم کاری نَه، چِمِن بَدَنی نارنارِه دَفن کَردِه را، عطر ژَندِشَه و آمادَه آکَردِشه.

مَرقُس 16:17

کسونی که بَه مِن ایمان هِستِشونَه اِم علامت و معجزه اون اَنجام بَداین: اَوِن چِمِن نومی نَه دیوون، آدَمون کا بَرکَرِن و تازه زوونون نَه گَف ژَنِن.

یوحنا 19:19

پیلاتُس دَستور دوشَه ایلَه تخته ای چَیی صلیبی کفا کا نصب بِکَرن که اَیی کا نیویشتَه بییَه بَه عیسایِ ناصری، یهودییون پاُتشا.

رَسولون اَعمال 10:38

و خِدا، چِنتَه روح القدس و قدرتی نَه عیسایِ ناصری مَسح کَردِشه، جوری که گِردِ جِگا کا گَردی و چاکَ کارون بَکَردی و گِردِ کسونی که اِبلیسی ظلم و ستمی جیری کا بینَه، شفا بَدای، اِمی واسی که خِدا اَیی نَه بَه.

رَسولون اَعمال 16:18

اَ خاتَک وِر روزون اِم کاری بَکَردی. آخِرسَر پولسی صبر سَر اومَه و آگَردَه اَ روحی نَه که اَ خاتَکی دیلَه کا بَه واتِشه: «عیسایِ مسیح نومی کا تِه دستور بَدایم که اِم کِلَه کا بِرون بای!» هَ لَحظه، روح اَ کِلَه کا اومَه بِرون.

رَسولون اَعمال 2:22

«اِی یَهودیِن، اِمی دَرَسَه: هَتَه که اِشتَن بَزنیرون، عیسایِ ناصری مِردی بَه، که خِدا، مُعجزه اون و عجیب چیون و علامتونی نَه که چَیی دَسی نَه شِمَه دیلَه کا ظاهر آکَردِشه، شهادتی دوشَه که اَ، حقیقتَه.

رَسولون اَعمال 2:36

«بَس گِردِ یهودی قوم یَقینی نَه بِزونِن که، اِم عیسایی که شِمَه اَیی، صلیبی سَری کا کِشتِرونَه، خِدا اَیی هَم خِداوند و هَم مسیح موعود کَردَشه.»

رَسولون اَعمال 3:16

و عیسی نوم و چَیی نومی ایمانی نَه یَه که اِم مِرد قوّت گِتَشَه، اِم مِردی که اَیی بَویندیرون و آزونَه. ایمانی که چَیی نومی واسطه نَه اِم مِردی شِمَه گِردی چِمی پیشی کا کامل شفا دوعَشَه.

رَسولون اَعمال 3:5

اَ شَلَ مِرد اَوون دَیشتَه و منتظر بَه که اَوِن ایی چیی آدَن بَیی.

رَسولون اَعمال 3:7

دومله پطرس اَ شَلَ مِردی راستَ دَسی گِتِشه و اَیی چَیی جِگا کا پِرِزاوندِشه. هَ لَحظه شَلَ مِردی پااِن و چَیی زِنگِن قوّت گِتِشونَه

رَسولون اَعمال 4:10

بَس شِمَه گِرد و یهودی مردم گِرد، بِزونَه که عیسایِ مسیحِ ناصری نومی نَه یَه که اِم مِرد شِمَه پیشی کا سَق و سلامت مَندَه، هَ کسی نومی نَه که شِمَه، صلیبی سَری کا اَیی کِشتِرونَه امّا خِدا اَیی مَردَه اون دیلَه کا زِنده آکَردِشه.

رَسولون اَعمال 4:7

اَوِن پطرس و یوحنا وسطی کا پا داشتِشونَه، اَوون کا دَفَرسِشونَه: «شِمَه چِه قدرت و چِه نومی نَه اِم کاری کَردَرونَه؟»

رَسولون اَعمال 9:34

پطرس اَیی نَه واتِشه: «اینیاس، عیسایِ مسیح تِه شفا بَدای. پِرِز و اِشتِه جِگا جمع آکَه!» اَ، اَلبحَل پِرِشتَه.

اوّلین نامَه قورَنتیانیرا 4:11

اَمَه تا حِسَه وِشی و تِشی ایمونه، اَمَه کَنَه خَلا دَکَردَمونه، لِس هَردَه و آوارَه ایمونه.

دوومین نامه قرنتیانیرا 6:10

اَمَه نَه غمگینون شیوار رفتار بَبی، با اِم حال هَمَش شادیمونه؛ اَمَه نَه نَدارون شیوار رفتار بَبی، با اِم حال وِرکَسون پولدار بَکَردیمون؛ اَمَه نَه جوری رفتار بَبی که اِنگاری هیچی نِدارَم، با اِم حال همه چیی صاحابیمونَه.

دوومین نامه قرنتیانیرا 8:12

چوم اَگم ذوق و شوق بِبو، اَ آدَمی هدیه مُطابق اَ چی که دارِه قَبول بَبی، نِه مطابق اَ چی که نیشَه.

دوومین نامه قرنتیانیرا 8:9

چوم چَمَه خِداوند عیسایِ مسیح فیضی کا خَوَر دارَه که هَر چَن دولتمند بَه، شِمَه واسی نَدار آبَه تا شِمَه چَیی نَداری کا دولتمند بِبییَه.

یعقوبی نامَه 2:5

عزیزَه بِرا اِن، گوش بِدییَه! مَگم خِدا اِم دنیا فَقیرون اِنتخاب کَردَه نیشه تا ایمانی کا دولتمند بِبون و اَ پاُتشایی بِه اِرث بِبَرِن که خِدا، بِه کسونی وعده دوعَشَه که اَیینه خِشینَه؟

پطروسی اوّلین نامَه 4:10

شِمَه هَر کَمیله طبق اَ عَطیه ای که ویگِتَرونَه، اَیی یَندی خدمَت کَردِه را بِه کار بِگرَه، ایلَه خِدمتکاری شیوار که خِدا جور بَه جورَه فیضی را خِدمت بَکَردی.