رَسولون اَعمال 27:3 - کتاب مقدس به زبان تالشی شمالی

³ صَبایی نَه روز آرَستیمونَه صِیدونی شهری را. یولیوس میهروونی نَه پولسی اِجازه دوشَه بِشو اِشتَن رَفِقون وَر تا چَیی اِحتیاجاتی بَرطرف بِکَرِن.

کتاب مقدس به زبان تالشي - گویش مرکزی

³ اَ روجی سَوسَه شهر صِیدونیرا آرَستیمون و یولیوس پولوسی لُطف کَردِش، و ایجازَ آداشَه اِشتَن رَفِقون وَر بِشو تا چَی نیازون چَیرا ویگِرِن.

رَسولون اَعمال 27:3 Iomraidhean Croise

مَتّی 11:21

عیسی واتِشه: «وای بَر شِمَه، اِی خورَزینی اَهالی! وای بَر شِمَه، اِی بِیت‌صِیدا اَهالی! چوم اَگم معجزه اونی كه شِمَه کا اَنجام بَه، صور و صیدونی شهرون کا اَنجام بِبی، اَ شهرون مردم خیلی زمان پیش کیل دَکَرین و خاکِستری کا نِشین و توبَه کَرین.

رَسولون اَعمال 12:20

هیرودیس، صور و صیدونی مردمی را غِیض گِتَش بَه. اِمی واسی اَ دِ گِله شهری مردم یَندی نَه شینَه چَیی وَر و اِجازه پیستشونَه تا هیرودیسی بِوینِن. اَوِن بِلاستوسی که پاُتشا خدمتکار بَه راضی آکَردِشونَه تا پاُتشا نَه آشتی بِکَرِن، چوم که چَوون غذا و مایحتاج هیرودیسی مملیکتی کا تهیه بَبی.

رَسولون اَعمال 24:23

دومله اَ، اَفسری نَه که مسئول بَه دَستور دوشَه تا پولسی زیر نظر بِگِرِه، ولی آزادیونی بَیی آدَه و مانع مَبو که چَیی رَفِقِن چَیی اِحتیاجون بَرطرف بِکَرِن.

رَسولون اَعمال 27:1

وختی تصمیم گِتِشونَه که دَریا راه نَه بِشَم ایتالیا را، پولس و بعضی دییَر زِندانیون تحویل دوشونَه ایی نفری که چَیی نوم یولیوس بَه و اِمپراطوری گُردانی اَفسرون کا بَه.

رَسولون اَعمال 27:43

امّا اَ رومی یَه اَفسر که پیستِشَه پولسی جانی نِجات بِدَه، چَوون پیشی گِتِشه و دَستور دوشَه اوّل کَسونی که بَشاین شنا بِکَرِن، اِشتَن دَرَفنِن دریا دیلَه کا، و آرِساوونِن خِشکی را.

رَسولون اَعمال 28:16

وختی آرَستیمونَه روم، پولسی اِجازَه دوشونَه که ایلَه محافظَه سربازی نَه اِشتَن کَ کا بومونِه.