رَسولون اَعمال 24:5 - کتاب مقدس به زبان تالشی شمالی

⁵ «اَمَه را ثابِت بییَه که اِم مِرد، فِتنه گرَه، کسی یَه که گِردِ دنیا یهودیون دیلَه کا شورش بَر پا بَکَردی. هِنتَه نی ناصری فِرقه سَردَسته اون کایَه.

کتاب مقدس به زبان تالشي - گویش مرکزی

⁵ «چَمَرا ثابیت بَیَه کن اِم مِرد، فیتنَه گَرَ آدَمیَه و دِنیا اِم سَر اَسَری یَهودیون دِلَکا شورش راست آرَکَرد. اِم آدَم فِرقَه اِ ناصِری سَرکَردَ اونکارَ.

رَسولون اَعمال 24:5 Iomraidhean Croise

مَتّی 10:25

شاگِردی را وَستَه که اِشتَن اُستادی شیوار بِبو و نوکَری را نی وَستَه اِشتَن اَربابی شیوار بِبو. اَگم کَ صاحیبی نَه بِعِلزِبول یا اِبلیس بَواتین، چِندی وِرتَر چَیی کَ اَهالی، بَدَه نومون نَه دَخونِن؟

مَتّی 2:23

یوسف شَه و ایلَه شهری کا که چَیی نوم ناصره بَه ساکن بَه. اِنتَه بَه تا اَ چیی که پیغمبرون واسطه نَه واتَه بییَه بَه اِتِفاق دَلَکِه که: «اَیینَه ناصری بَواتین.»

مَرقُس 1:24

«اِی عیسایِ ناصری، تِه اَمَه نَه چِه کارِر اِستَه؟ اومیشَه که اَمَه نابود بِکَری؟ بَزنیم تِه کییش! تِه هَ قدوسِ، خِدا ایش!»

انجیل لوقا 23:19

باراباس کسی بَه که شهری کا آشوب کَردِه واسی و آدَمَه کِشی واسی زندانی کا بَه.

انجیل لوقا 23:2

اَوِن دَمَندینَه عیسی متهم کَردِه، واتِشونَه: «اَمَه اِم نتیجه آرَستیمونَه که اِم مِرد چَمَه میلّتی راه کا بَرکَرِه و اَمَه قَدَغَن بَکَردی که رومی اِمپِراطوری خَراج آمَدییَم و اِدعا بَکَردی که اِشتَن مسیح و پاُتشایَه.»

انجیل لوقا 23:25

پیلاتُس اَ، مِردی که آشوبی واسی و آدَمَه کِشی واسی زندانی کا دَلَکَه بَه و جماعت چَیی آزادی پیستِشونَه، آزاد آکَردِشه ولی عیسی آدوشَه چَوون دَس تا هَر کاری که پیستِشونَه اَیی نه بِکَرِن.

انجیل لوقا 23:5

امّا اَوِن اِصرار بَکَردین، بَواتین: «اَ اِشتَن تعلیمون نَه گِردِ یهودیه کا مردمی جوکو ژَنِه که آشوب بِکَرِن. جلیلی ولایتی کا شروع کَردَشه و حتی تا اییا نی آرَستَه.»

رَسولون اَعمال 15:5

ولی بعضی فریسی فِرقه عُلما که ایمان وَردَشون بَه، پِرِشتینَه، واتِشونَه: «واجِبَه که غیریهودیِن ختَنه بِبون و اَوون دستور دوشونَه که موسی شریعتی غَم بَرِن.»

رَسولون اَعمال 21:28

خِلِع ژَنین: «اِی یهودی مردم، کمک بِکَرَه؛ اِم هَ کسی یَه که گِردی، گِردِ جِگا کا چَمَه قوم و چَمَه شریعتی ضِد و اِم جِگا ضِد، تعلیم بَدای. چِمی غِیراز حتی یونانیون نی وَردَشه معبدی دیلَه و اِم مقدّس جِگا نِجِس آکَردَشَه.»

رَسولون اَعمال 22:22

مردم تا اییا پولسی گفون گوش بَداین، امّا وختی اِمی واتِشه، اِشتَن سَسی بِلند آکَردِشونَه، خِلِع ژَندِشونَه: «زَمینی اِنتَه رَه آدَمی وجودی کا پاک آکَرَه، چوم که نَبی اِجازه بِدییَم اِنتَه رَه آدَمی زِندَه بومونِه!»

رَسولون اَعمال 24:14

امّا اِمی شِمَه وَری کا اِقرار بَکَردیم طبق طریقتی که اَوِن، اَیی ایلَه فِرقه بَزنین، چَمَه اَجدادی خِدا پرستش بَکَردیم و هَر چیی نی که توراتی کا و پیغمبرون کیتابی کا نیویشتَه بییَه، اِعتقاد دارِم.

رَسولون اَعمال 24:4

امّا اِمی واسی که اِشتِه وختی وِرتَر مَگِرَم، خواهیشت بَکَردیمون لطف بِکَری و روکَتِه چَمَه گفی دَرَسی.

رَسولون اَعمال 25:7

وختی پولس اومَه دیلَه، یهودیونی که اورشلیمی کا اومَه بینَه، چَیی دُوری کا جمع آبینَه و بَرکَ اِتهامونی اَیی ژَندِشونَه، امّا نِشاستِشونَه اَ اِتهامون ثابِت بِکَرِن.

رَسولون اَعمال 26:5

اَوِن قَدیمی نَه بَزنین و اَگم بِپین، بَشاین شهادتی بِدَن که از ایلَه فریسی بیمَه و چَمَه دینی سختگیرترین فِرقه کا پیروی بَکَردیم.

رَسولون اَعمال 28:22

ولی پیستِمونَه اِشتِه نظری دَرَسَم، چوم بَزنیمون که مردم هَر جِگا کا اِم فِرقه ضِد گَف ژَنِن.»

رَسولون اَعمال 5:17

امّا کاهِن اَعظم و گِردِ کسونی که چَیی همراه بینَه یعنی صَدّوقی فِرقَه، حسودی کا دَس بِه کار بینَه

رَسولون اَعمال 6:13

اَوِن چَن گِلَه دوروعَه شاهد نی وَردِشونَه که بَواتین: «اِم آدَم، اِم کاری کا دَس نِپِگِرِه و هَمش مقدّسَ معبد و شریعتی بَدی بَواتی.

اوّلین نامَه قورَنتیانیرا 11:19

چوم که شِمَه دیلَه کا بَسی اِم دِ دَسته ای بِبو تا اِنتَه شِمَه دیلَه کا کسونی که راس راسی ایمان دارِن، معلوم بِبون.

اوّلین نامَه قورَنتیانیرا 4:13

وختی بَمون بُختون ژَنِن، چاکی نَه جَواو بَدایمون. تا هِم الان، اَمَه دنیا تُفاله و گِردِ چییون آشغال بَییمونه.

پطروسی اوّلین نامَه 2:19

چوم ایلَه کاری یَه که فیضی کا پُورَه، که اَ کسی که چَیی چِم خِدا کایَه، وختی که ناحق رنج بِکَشه، بی اِنصافی تاو بواَرِه.