رَسولون اَعمال 23:1 - کتاب مقدس به زبان تالشی شمالی

¹ پولس شورا اَعضا زول ژَندِشَه و واتِشه: «بِرا اِن، اَز تا بِه اوری پاکَ وجدانی نَه خِدا پیشی کا زندگی کَردَمه.»

کتاب مقدس به زبان تالشي - گویش مرکزی

¹ پولوس شورا آدَمون سَر چَم دَشتِشَه و واتِش: «برا اِن، اَز تا اُمروج پاجا اَ ووژدانینَه خدا حِضوریکا زندَگی کَردَمَه.»

رَسولون اَعمال 23:1 Iomraidhean Croise

مَتّی 5:22

امّا از شِمَه نَه بَواتیم، هَر کسی اِشتَن بِرا را عصبانی آبو، محاکمه بَبی؛ و هَر کسی اِشتَن بِرا اِهانت بِکَرِه، شورا وَری کا محاکمه بَبی و هَر کس اِشتَن بِرا نَه اَحمق بوآجِه، چَیی جَزا جَهندمی آتشَه.

رَسولون اَعمال 22:1

«اِی بِرا اِن و اِی دَده اِن، چِمِن دفاعیۀ ای که حِسَه شِمَه نَه بَواتیم، گوش بِدییَه.»

رَسولون اَعمال 22:30

صَبایی نَه روز، فرمانده چوم پیستِش بَه بِزونِه که واقعاً چِه چی واسی یَهودی اِن پولسی متهم کَردَشونَه، اَیی زندانی کا آزاد آکَردِشه و دَستور دوشَه سَران کاهنِن و گِردِ یَهودی شورا اَعضا جَمع آبون. دومله، پولسی جیر وَردِشه تا چَوون پیشی کا حاضیر آبو.

رَسولون اَعمال 22:5

کاهِن اَعظم و گِردِ شورای یَهودی اَعضا بَشاین اِم جریانی درباره شهادتی بِدَن، چوم اَوون کا نامه‌ اونی ویگِتِمَه که اِشتَن بِرااون را که دَمشقی کا اینَه نیویشتَه شون بَه تا بِشوم اوآ و اَهل طریقتی دستگیر بِکَرِم و مجازات کَردِه را بواَریم اورشلیم.

رَسولون اَعمال 23:15

بَس حِسَه شِمَه و شورا اَعضا، رومی فرماندۀ کا بِپییَه اَیی بواَرِه شِمَه وَر، اِم بهونه نَه که پیستِرونَه دَقیقتر چَیی درباره تحقیق بِکَرَه. اَمَه آمادَه ایمونَه پیش از اِم که اَ آرَستِه اییا، اَیی بِکِشَم.»

رَسولون اَعمال 23:20

پولسی خُوئَرَه زا اَیی نَه واتِشه: «یَهودی اِن هَمدَس بَیینه شِمَه کا بِپین که صَبا پولسی بواَرَه شورا وَر، اِم بهونه نَه که پیستِشونَه دقیقتر چَیی درباره تحقیق بِکَرِن.

رَسولون اَعمال 23:28

اَز پیستِم بَه بِزونِم چِه چی واسی اَیی اِتهام ژَنِن، اَیی بَردِمه چَوون شورا وَر.

رَسولون اَعمال 23:6

دومله پولس که بَزنی بعضی اَوون کا صَدّوقی فِرقه عُلما کا ایی نَه و بعضی فریسی‌ فِرقه عُلما کا ایی نَه، بِلنده سَسی نَه شورا کا واتِشه: «اِی بِرا اِن، اَز فریسی و فریسی‌ زادَه‌ ایمَه، و اِمی واسی محاکمه بَبیم که مَردَه اون زِندَه آبییِه اُمید دارِم.»

رَسولون اَعمال 24:16

اِمی واسی، همیشه تَقَّلا بَکَردیم تا خِدا و مردمی پیشی کا راحَتَه وجدانی نَه زندگی بِکَرِم.

رَسولون اَعمال 6:15

هَ موقع، گِردِ کسونی که شورا دیلَه کا نِشت بینَه، اِستیفانی زول ژَندِشونَه و ویندِشونَه که اِستیفانی دیم ایلَه ملائیکَه دیمی شیوار بَه.

اوّلین نامَه قورَنتیانیرا 4:4

چوم که خَوَر نِدارِم چیی چِمِن ضِد بِبو ولی اِم مِن تبرئَه نِکَرِه. بَلکَم خِداوندَه که مِن قِضاوت بَکَردی.

دوومین نامه قرنتیانیرا 1:12

چوم چَمَه اِفتخار، چَمَه وجدانَه که گواهی بَدای، که اِم دنیا کا اَمَه رو راستی و صاف و صادقی نَه که خِدا کا یَه رفتار کَردِمونه، نِه آدَمی حِکمَتی نَه، بَلکَم خِدا فیضی نَه رفتار کَردَمونه مخصوصن شِمَه نَه.

دوومین نامه قرنتیانیرا 4:2

بَلکَم نِینَکی راه اون کا و شرم آوَرَه راه اون کا دوری کَردَمونه و کلاهبرداری نَه ناری را نِشییَم و خِدا کلامی دَستکاری نِکَرَم بَلکَم حَقیقَتی واضِح بَواتیمون، تقّلا بَکَردیمون خِدا حضوری کا گِردی وجدانی کا تصدیق بِبییَم.

دِوُّمین نامَه تیموتائوسیرا 1:3

هَتَه که شَواَنده روز یکسرَه چِمِن دعااون کا تِه ویر بواَردیم، خِدا شُکر بَکَردیم، اَ خِدایی که از نی چِمِن دَده اون شیوار پاکَه وجدانی نَه اَیی خِدمت بَکَردیم.

نامَه، عِبرانیه نَتاجَه مسیحیونرا 13:18

اَمَه را دعا بِکَرَه، چوم مطمئنیمونَه که چَمَه وجدان پاکَه و پیستِمونَه هَر لحاظی کا سَربلند بِبییَم.

پطروسی اوّلین نامَه 3:16

شِمَه وجدانی پاک غَم بَرَه، تا کسونی که شِمَه اِفتِرا ژَنِن، کسونی که شِمَه چاکَه رفتاری مسیح کا بَد بَواتین، شَرمَنده بِبون.