رَسولون اَعمال 22:3 - کتاب مقدس به زبان تالشی شمالی

³ «اَز یهودیه مِردیمَه، که تارسوسِ کیلیکیه کا دنیا اومَه ایمَه. امّا اِم شهری کا یال آبَییمَه. چِمِن اَجدادی شریعتی کامِلاً، گامالائیلی وَری کا یاد گِتَمه و خِدا را غیرت داریم، هَتَه که گِردِ شِمَه اوری غیرت اِستِرونَه.

کتاب مقدس به زبان تالشي - گویش مرکزی

³ «اَز یَهودیَه مِردی هِستیم کن، تارسوسِه کیلیکیَه کا دِنیا دگِنستَه ایمه. ولی اِم شَهریکا یال آبَه ایم. اِشتَن بابا اون شَریعَتی کامیل، گامائیلی وَریکا آموج گَتِمَه و خِدارا غَیرَتمَندیم، هَتَه کن شِمَه گِرد اومروج غَیرَت دارَ.

رَسولون اَعمال 22:3 Iomraidhean Croise

انجیل لوقا 10:39

مارتا ایلَه خالاش اِستبَه که چَیی نوم مریم بَه. مریم عیسایِ خِداوندی پااون وَری کا نِشت بَه و چَیی تعلیمون گوش بَدای.

انجیل لوقا 2:46

سه روزَه پَش، عیسی معبدی کا تِلَفتِشونَه. اَ معلمون دیلَه کا نِشت بَه و چَوون گَفون گوش بَدای و اَوون کا سوالونی دَفَرسی.

انجیل لوقا 8:35

بَس مردم اومینَه بِرون که بِوینن چِه اِتِفاقی دَلَکه. وختی آرَستینَه عیسی وَر، اَ مِردی که دیوِن اَیی کا بَرشه بیینَه، ویندِشونَه که خَلا دَکَردَشه و عاقل نِشته عیسی پا وَری کا، اَوِن تَرسی نَه.

رَسولون اَعمال 11:25

بَس بَرنابا شَه تارسوسی شهری را تا شائولی بِتلفِه.

رَسولون اَعمال 15:23

دومله ایلَه نامه چَوون دَسی نَه ویسا آکَردِشونَه، که اَیی کا نیویشته بییَه بَه: « چَمَه طرفی نَه که شِمَه بِرا ایمونَه، هَم رسولِن و هَم مَشایخ، غِیر یهودیَه بِرااونی را که اَنطاکیَه، سوریَه و کیلیکیه کا اینَه، سلام!

رَسولون اَعمال 15:41

وختی پولس، سوریه و کیلیکیه کا دَوییَری، اوآ کلیسا اون تقویت بَکَردی.

رَسولون اَعمال 21:20

اَوِن وختی دَرَسِشونَه، خِدا ستایش کَردِشونَه. دومله پولسی نَه واتِشونَه: «اِی بِرا، هَتَه که بَویندیش هَزارون گِله یَهودی ایمان وَردِشونَه و گِرد، شریعتی را غیرت دارِن.

رَسولون اَعمال 21:39

پولس جَواو دوشَه: «اَز ایلَه یهودیه مِردی ایمَه و تارسوسی کیلیکیَه‌ شِنیمَه، شَهری که بی‌نوم و نِشون نییَه. خواهیشت بَکَردیم اِجازَه بِدییَه مردمی نَه گَف بِژَنِم.»

رَسولون اَعمال 23:34

فرماندار نامه خَندِشه و پولسی کا دَفَرسِشه کَمیله ایالتی شِنَه. وختی زونِستِشه کیلیکیه منطقه شِنَه،

رَسولون اَعمال 23:6

دومله پولس که بَزنی بعضی اَوون کا صَدّوقی فِرقه عُلما کا ایی نَه و بعضی فریسی‌ فِرقه عُلما کا ایی نَه، بِلنده سَسی نَه شورا کا واتِشه: «اِی بِرا اِن، اَز فریسی و فریسی‌ زادَه‌ ایمَه، و اِمی واسی محاکمه بَبیم که مَردَه اون زِندَه آبییِه اُمید دارِم.»

رَسولون اَعمال 26:5

اَوِن قَدیمی نَه بَزنین و اَگم بِپین، بَشاین شهادتی بِدَن که از ایلَه فریسی بیمَه و چَمَه دینی سختگیرترین فِرقه کا پیروی بَکَردیم.

رَسولون اَعمال 26:9

«از نی اِعتقاد داریم که بَسی عیسایِ ناصری نومی ضِد هَرکاری که چِمِن دَسی کا بَرای، بِکَرِم و کوتاهی مَکَرِم.

رَسولون اَعمال 5:34

امّا ایی نفر فریسی فِرقه عُلما کا، که چَیی نوم گامالائیل بَه و شَریعتی معلم بَه و گِردِ مردم اَیی اِحترام بَناین، مِجلِسی کا پا مَندَه و دَستور دوشَه چَن لحظه رسولون بِبَرِن بِرون،

رَسولون اَعمال 6:9

دومله چَن نفر ایلَه عبادتگاهی اَعضا کا که چَیی نوم معروف بِه’آزاد بییَه کَسون عبادتگاه‘، بَه، اِستیفانی نَه بَحث بَکَردین. اَوِن قیرَوانی یهودیون کا و اِسکندریه و کیلیکیه و آسیا اَهالی کا بینَه.

رَسولون اَعمال 9:1

ولی سولُس که هِی خِداوندی شاگِردون تهدید کَردِه و چَوون کِشتِه اِدامه بَدای، شَه کاهِن اَعظمی وَر

رَسولون اَعمال 9:11

خِداوند، حَنانیا نَه واتِشه: «پِرِز و بِش ایلَه کوچه‌ای را که چَیی نوم ’راستَه‘، بِش و یهودا کَ کا سولُسِ تارسوسی سُراغی بِگِه. شائول کارا دعا بَکَردی

رَسولون اَعمال 9:30

وختی بِرا اِن اِم ماجرا کا خَوَر دار بینَه، شائولی بَردِشونَه قیصریه شهری را و اوآکا اَیی رایی کَردِشونَه تارسوسی شهری را.

رومی کلیسارا نامه 11:1

بَس دَفَرسِم: مَگم خِدا اِشتَن قومی رَد آکَردَشَه؟ هَرگز؛ چوم اَز اِشتَن اِسرائیلی ایمَه، اِبراهیمی نسلی کا و بِنیامینی تیر و طایفه کا.

دوومین نامه قرنتیانیرا 11:22

اَوِن عِبرانی‌ اینه؟ از نی اِستیمَه! اَوِن اِسرائیلی‌ اینه؟ از نی اِستیمَه! اَوِن اِبراهیمی خِردَنی نه؟ از نی اِستیمَه!

نامه غلاطیَه کلیسارا 1:14

و از یهودی گَری کا چِمِن هَم سِندسالون کا وِر نارتَر بیمَه، چِمِن مردمی دیلَه کا چَمَه دَده اون رسم و رسوماتی را وِر غیرت داریم.

نامه غلاطیَه کلیسارا 1:21

چَیی پَش، شیمَه سوریه و کیلیکیه منطقه اون طرفی را.