رَسولون اَعمال 21:9 - کتاب مقدس به زبان تالشی شمالی

⁹ اَ، چهار گِله اَذَبَ کِلَه داری که نَبوت بَکَردین.

کتاب مقدس به زبان تالشي - گویش مرکزی

⁹ فیلیپُسِ چار گِلَه مُجَردَ کِلَه داری کن پیش گویی اَکَرینَه.

رَسولون اَعمال 21:9 Iomraidhean Croise

انجیل لوقا 2:36

اوآکا، ایلَه ژِنی زندگی بَکَردی که پیغمبر بَه و چَیی نوم حَنّا بَه. حَنّا فَنوئیلی کِلَه اَشیری قبیله کا بَه که وِر پیر بَه. حَنّا اِزدواج کَردِه پَش هفت سال اِشتَن شو نَه زندگی کَردِشه و دومله چَیی شو مَردَه،

رَسولون اَعمال 13:1

اَنطاکیه کلیسا کا، پیغمبرِن و مُعلِمِنی بینَه: بَرنابا، شَمعون معروف بِه نیجِر، لوکیوسِ قیرَوانی، و مَنائِن که هیرودیسِ حاکمی ناتَنی یَه بِرا بَه و شائول.

رَسولون اَعمال 2:17

«”خِدا بَواتی: آخِرین روزون کا چِمِن روح گِردِ مردمی سَری کا ویکَرِم. شِمَه زوعَه اِن و شِمَه کِلَه اِن نَبوّت بَکَردین، شِمَه جَوونِن رؤیا اون بَویندین و شِمَه پیرِن خاو اون بَویندین.

اوّلین نامَه قورَنتیانیرا 7:38

بَس کسی که اِشتَن پِیوَندی نَه عروسی بَکَردی، چاکَ کاری بَکَردی؛ امّا اَ کسی که عروسی نِکَرِه، حتی ایلَه چاکتَرَه کاری نی بَکَردی.

یوحنا موکاشیفَه 2:20

امّا بَه تِه کا اِم شکایتی هِستِمَه، اَ ژِنَکی را که چَیی نوم ایزابلَ و اِشتَن پیغمبر بَزنی، راحت گِری. اَ که چِمِن نوکرون تعلیم بَدای و اَوون راه کا بَرکَرِه تا بی‌عفتی بِکَرِن و اَ غذا اونی کا که بُتون را تقدیم بَبی، بَرِن.