رَسولون اَعمال 21:4 - کتاب مقدس به زبان تالشی شمالی

⁴ اوآکا شاگِردون تِلفتِمونَه، هف روز چَوون وَری کا مَندیمونَه. اَوِن خِدا روح هدایتی نَه پولسی نَه واتِشونَه که مَشو اورشلیمی را.

کتاب مقدس به زبان تالشي - گویش مرکزی

⁴ شاگِردِنِمون اَ جِگاکا پَیدا کردَ و هَف روج چَوون وَر مَندیمون. اَیِن خدا روح هیدایَتینَه پولوسیشون واتَه، اورشَلیمیرا نِشو.

رَسولون اَعمال 21:4 Iomraidhean Croise

مَتّی 10:11

هَر شهر یا دِهی دیلَه دَشیرونَه، معتبَره آدَمی دومله بِگَردَه و تا وختی که اوآ کا اِستیرونَه چَیی کَ کا بومونَه.

رَسولون اَعمال 11:26

و وختی اَیی تِلفتِشه، اَیی وَردِشه اَنطاکیه. اَوِن اوآ کا ایی سال تمون، کلیسا آدَمون نَه جَمع آبین و ایلَه وِرَه یالَه جماعتی تعلیم بَداین. اَنطاکیه کا بَه که اوّلین کَرَه عیسی شاگِردون نَه ’مسیحی‘ واتِشونَه.

رَسولون اَعمال 19:1

ولی موقعی که آپولس قُرِنتُسی شهری کا بَه، پولس بعد از اِم که اَ منطقه اون خِشکی راه کا دَوییَردَه، آرَستَه اَفِسُسی شهری را. اوآ کا چَن گِله شاگِردون تِلَفتِشه

رَسولون اَعمال 21:16

بَعضی شاگِردون کا نی که قیصریَه شِن بینَه چَمَه همراه اومینَه و اَمَه بَردِشونَه مِناسونی کَ تا چَیی مهمون بِبییَم. مِناسون، قِپرسی شِن بَه و ایلَه قدیمی یَه شاگِردون کا بَه.

رَسولون اَعمال 28:14

اوآ کا چَن گِله بِرا اونی ویندِمونَه که اَمَه کا دعوت کَردِشونَه هفت روز اَوون نَه بومونَم. آخِرسَر آرَستیمونَه رومی شهر.

رَسولون اَعمال 9:16

چوم که اَز بَیی نیشون بَدایم که چِمِن نومی واسی چِه عذابی بَسی بِکَشه.»

دِوُّمین نامَه تیموتائوسیرا 1:17

بَلکَم وختی اومَه رومی شهری را، چِمِن دومله گَردِستَه تا آخِرسَر مِن تِلفتِشه.

یوحنا موکاشیفَه 1:10

خِداوندی روزی کا، خِدا روح کا پُور آبیمَه، و ایلَه بِلَندَه سَسی، شیپوری سَسی شیوار چِمن پشتی کا دَرَسِمَه