رَسولون اَعمال 20:4 - کتاب مقدس به زبان تالشی شمالی

⁴ پولسی هَمراه اِن اِمِن بینَه، سوپاتِر، پیرروسی زوعَه که بیریَه مردمی کا بَه، آریستارخوس و سِکوندوس که تَسالونیکی مردمی کا بینَه، گایوس و تیموتائوس که دِربِه مردمی کا بینَه، تیخیکوس و تْروفیموس که آسیا مردمی کا بینَه.

کتاب مقدس به زبان تالشي - گویش مرکزی

⁴ اَیِنی کن پولوسینَه دَرِ بین: پیرروسی زوعَه سوپاتِر کن بیریَه آدَمونکا بَه، و آریستارخوس و سِکوندوس کن تَسالونیکی آدَمونکا بین، گایوس و تیموتائوس دِربِه آدَمونکا، و تیخیکوس و تروفیموس کن آسیا آدَمونکا بینَه.

رَسولون اَعمال 20:4 Iomraidhean Croise

رَسولون اَعمال 14:20

امّا وختی شاگِردن پولسی دور جمع آبینَه، پولس پِرِشتَه و آگَردِستَه شهری را. صَبایی نَه روز، پولس و برنابا رایی بینَه و شینَه دِربِه شهری را.

رَسولون اَعمال 14:6

پولس و بَرنابا اِم ماجرا کا خَوَر دار بینَه، و دَوشتینَه شینَه لِستْرِه و دِربِه را، که لیکائونیَه شهرون کا بَه،

رَسولون اَعمال 16:1

پولس شَه دِربِه و لِستْرِه شهرون را. اوآ کا ایلَه شاگِردی زِندگی بَکَردی که چَیی نوم تیموتائوس بَه که چَیی نَنه یَهودی و ایماندار بَه، امّا چَیی دَده یونانی بَه.

رَسولون اَعمال 16:6

دومله، اَوِن فْریجیه و غَلاطیه منطقه اِم سَر تا اَ سَری کا دَوییَردینَه، چوم روح القدس اِجازه نِدوشَه اَوِن خِدا کلامی آرِساوونِن آسیا ایالتی را.

رَسولون اَعمال 17:1

پولس و سیلاس، آمْفیپولیس و آپولونیا شهرون کا دَوییَردینَه و آرَستینَه تَسالونیکی شهری، که اوآ کا یَهودی اِن عِبادتگاه شون اِستبَه.

رَسولون اَعمال 17:13

امّا وختی تَسالونیکی یهودییِن زونِستِشونَه که پولس بیریه کا نی خِدا کلامی اِعلام بَکَردی، شینَه اوآ و مَردمی آنتیریک کَردِشونَه و شهری کا بَلوا بِه پا کَردِشونَه.

رَسولون اَعمال 19:29

گِردِ شهری کا بَلوا بَر پا بَه! و اَوِن یَندی نَه هَمدَس بینَه و هُجوم بَردِشونَه مسابقاتی مَیدونی طرفی را. اَوِن گایوس و آریستارخوسی که مقدونیَه شِن بینَه و پولسی هَمراه اوون کا بینَه، ویسویِه ویسویِه نَه اِشتَن نَه بَردِشونَه .

رَسولون اَعمال 2:9

پارتی اِن و مادی اِن و عیلامی اِن، بین‌النهرینی مردم، یهودیه و کاپادوکیَه، پونتوس و آسیا،

رَسولون اَعمال 20:16

پولس تصمیم گِتِشه دَریا راه کا اَفِسُسی وَری نَه دَوییَره تا آسیا ایالتی کا اِشتَن وختی هَدَر مَدَه، چوم عجله ش اِستبَه که اَگم ممکن بِبو، پِنتیکاستَه روزی را اورشلیمی شهری کا بِبو.

رَسولون اَعمال 20:18

وختی اَوِن اومینَه، پولس اَوون نَه واتِشه: «شِمَه بَزنیرون که از هَ اوّلین روز که اومیمَه آسیا ایالتی را، چِنتَه گِردِ چِمِن وختی شِمَه را نومَه.

رَسولون اَعمال 21:29

چوم که اَوِن پیشتری تْروفیموسِ اَفِسُسی، پولسی نَه شهری کا ویندَشون بَه و خَیال بَکَردین پولس اَیی بَردَشه معبدی دیلَه.»

رَسولون اَعمال 27:2

ایلَه کشتی‌ای که اَدرامیتینوسی شهری کا اومَه بَه و بَشی آسیا ایالتی بَندَرون را، اَیی دَنِشتیمونَه و حرکت کَردِمونَه. آریستارخوسِ مقدونی که تَسالونیکی شهری شِن بَه نی چَمَه همراه بَه.

رومی کلیسارا نامه 16:21

چِمِن همکار تیموتائوس شِمَه را سلام ویسا آکَرِه. چِمِن خویشِن لوکیوس، یاسون و سوسیپاتِر نی شِمَه را سلام ویسا آکَرِن.

رومی کلیسارا نامه 16:23

گایوس که از و گِردِ کسونی کا که اییا کلیسا کا اینه میهمونداری کَردِشَه، شِمَه را سلام ویسا آکَرِه. اِراستوس که شهری خزانه‌دارَه، و چَمَه بِرا کوآرتوس شِمَه را سلام ویسا آکَرِن.

دوومین نامه قرنتیانیرا 1:1

پولُسی طرفی کا که خِدا پیسته نَه، مسیح عیسی رسولَه، و چَمَه بِرا کا تیموتائوس، خِدا کلیسا را قُرِنتُسی شهری کا، و گِردِ مقدسون را، اَخائیه ولایتی سَرتاسری کا:

دوومین نامه قرنتیانیرا 1:19

چوم که خِدا زوعَه، عیسایِ مسیح، که از و سیلاس و تیموتائوس اَیی شِمَه دیلَه کا اِعلام کَردِمونه، ’ها‘ و ’نِه‘ نِبَه، بَلکَم اَیی کا همیشه ’ها‘ یَه.

نامَه اَفسوسی کلیسارا 6:21

اِمی واسی که چِمِن اَحوالاتی کا خَوَردار بِبییَه و بِزونَه چِه بَکَردیم، تیخیکوس که عزیزَه بِرا و خِداوندی وفادارَه خادِمَه، گِردِ چییون شِمَه را بَواتی.

نامَه فیلیپی کلیسا را 2:19

خِداوند عیسی کا اُمید هِستِمه که هِم زودییون تیموتائوسی ویسا آکَرِم شِمَه وَر تا شِمَه اَحوالاتی کا خَوَر دار بِبوم و چِمِن دیل‌ شاد آبو.

نامَه کُولُسی کلیسا را 4:10

آریستارخوس که مِنه زندانی کا اِستَه، شِمَه را سلام آرِساوونه؛ اِنتَه نی مَرقُس، بَرنابا عمو زوعَه، که پیشتری، دربارَه چَیی شِمَه سفارش کَردِمه که هَر موقع با شِمَه وَر، گَرمینه اَیی قبول بِکَرَه.

نامَه کُولُسی کلیسا را 4:7

تیخیکوس چِمِن اَحوالاتی شِمَه را کامل بَواتی. اَ عَزیزَه بِرا، وَفادارَه خادم و خِداوندی کا چِمِن هَمخدمتَه.

اوّلین نامَه تیموتائوسیرا 1:1

پولُسی طرفی کا، که چَمَه نجات‌دهندۀ خِدا حُکمی نه و چَمَه اُمید مسیحْ عیسی، مسیحْ عیسی رسول اِستَه؛

دِوُّمین نامَه تیموتائوسیرا 1:2

چِمِن عزیزَه زوعَه، تیموتائوسی را: فیض و رحمت و صُلح و سلامتی خِدای دَده طرفی کا و چَمَه خِداوند مسیحْ عیسی کا بَه تِرا با.

دِوُّمین نامَه تیموتائوسیرا 4:12

تیخیکوسی ویسا آکَردِمه اَفِسُسی شهری را.

دِوُّمین نامَه تیموتائوسیرا 4:20

اِراستوس، قُرِنتُسی شهری کا مَندَه، و اَز تْروفیموسی که مریض بَه، میلیتوسی شهری کا نومَه.

نامَه تیتوسیرا 3:12

هَتَه که آرتِماس یا تیخیکوسی ویسا آکَرِم اِشتِه وَر، تا بَشای تَقّلا بِکَه تا بای چِمِن وَر نیکوپولیسی شهری را، چوم تصمیم گِتَمَه که زوموستون اوآکا بومونِم.

نامَه فیلیمونیرا 1:24

اِنتَه نی چِمِن همکارِن، مَرقُس، آریستارخوس، دیماس و لوقا بَه تِه را سلام ویسا آکَرِن.

یوحنا سوّمین نامَه 1:1

شیخی طرفی کا، عزیزَه گایوسی را که از اَئی نَه ’حقیقتی‘ کا خِشیمَه.