رَسولون اَعمال 2:5 - کتاب مقدس به زبان تالشی شمالی

⁵ اَ روزون کا، دیندارَه یهودییِن، آسِمونی جیری گِردِ مملیکَتون کا اومَه بینَه اورشلیمی شهری را.

کتاب مقدس به زبان تالشي - گویش مرکزی

⁵ اَ روجونکا، دیندارَ یهودیِن، آستامونی بِنی گِردِ وِلَتونکا، اورشَلیمیکا مند بین.

رَسولون اَعمال 2:5 Iomraidhean Croise

مَتّی 24:14

خِدا پاُتشایی خوشَ خَوَر گِردِ دنیا مردمی را اِعلام بَبی تا گِردِ میلتون را شهادتی بِبو. چَیی پَش دنیا بِه آخِر آرَستِه.

انجیل لوقا 17:24

چوم هَتَه که گِرخونَه شفق ژَنِه و آسِمونی اِنسَر تا اَ سَری روشون آکَرِه، اِنسانی زوعَه نی اِشتَن روزی کا هَتَه بَبی.

انجیل لوقا 2:25

اَ زمانی کا، اورشلیمی شهری کا ایلَه مِردی زندگی بَکَردی که چَیی نوم شمعون بَه. اَ صالِح و خِدا ترس بَه و اَ کسی مُنتظر بَه که قوم اِسرائیلی آزاد آکَرِه. شمعون روح القدسی کا پور بَه.

انجیل لوقا 24:18

دومله ایلَه اَوون کا که چَیی نوم کلِئوپاس بَه جَواو دوشَه: «مَگم اورشلیمی کا تنخا مسافِر تِه ایش که اَ چیونی کا که اِم روزون کا اوآکا اِتِفاق دَلَکه بیخَبریش؟»

یوحنا 12:20

کَسونی دیلَه کا که عیدی عبادتی را اومَه بینَه اورشلیم، بعضی یونانی بینَه.

رَسولون اَعمال 10:2

کُرنِلیوس ایلَه دیندارَه مِردی بَه، اَ، و چَیی خانواده گِرد خِداتَرس بینَه. کُرنِلیوس دَس و دیل بازی نَه فَقیر فُقرا کمک بَکَردی و هَمیشه خِدا درگا کا دعا بَکَردی.

رَسولون اَعمال 10:7

وختی اَ ملائیکه ای که اَیی نَه گَف ژَنی چَیی وَری نَه شَه، کُرنِلیوس دِ نفر اِشتَن خادِمون کا و ایلَه اِشتَن وفادارَه سَربازون کا، دَخوندِشه اِشتَن وَر.

رَسولون اَعمال 13:50

امّا یَهودییِن، متعصب و سَرشِناس ژِنکون و شهری مِردکونی که رهبر بینَه، جوکو ژَندِشونَه. اَوِن نی پولس و بَرنابا اَذیت آزار کَردِشونَه و اَ ناحیه کا بَرکَردِشونَه.

رَسولون اَعمال 2:1

وختی پِنتیکاستی عیدی روز آرَستَه، گِرد یَکدیل ایی جِگا کا جمع آبَه بینَه

رَسولون اَعمال 22:12

«دَمِشقی کا، ایلَه مِردی زِندگی بَکَردی که دیندار بَه و شریعتی کاملاً اَنجام بَدای. اَ مِردی نوم حنانیا بَه و گِردِ یَهودیون دیلَه کا، خوشنوم بَه.

رَسولون اَعمال 8:2

چَن گِله خِدا شناسَه مِردَکِنی اِستیفانی جِنازه دَفن کَردِشونَه و اَیی را بَرک یالَه عزاداری گِتشونَه.

رَسولون اَعمال 8:27

فیلیپُس پِرِشته و رایی بَه. راه دیلَه کا ایلَه خواجه مِردی بَه که حَبَشه شِن بَه. اَ، حَبَشه ملکه ایلَه درباریون کا بَه که چَیی نوم ’کَنداکِه‘ بَه و ملکه خزانه دار بَه. اَ خواجه مِرد اومَه بَه اورشلیم تا خِدا پرستش بِکَری.

نامَه کُولُسی کلیسا را 1:23

بِه شرطی که راس راسی شِمَه ایمانی کا قُرص و پابَرجا بومونه و اَ اِنجیلی اُمیدی کا تَکان مَرَه. اِم هَ اِنجیلی یَه که گِردِ خِلقتی را آسِمونی جیری کا اِعلام بَه، و اَز، پولُس، چَیی خادم بَییمَه.