رَسولون اَعمال 2:4 - کتاب مقدس به زبان تالشی شمالی

⁴ دومله گِرد روح القدسی کا پُور آبینَه و هَتَه که خِدا روح اَوون قدرت بَدای گف بِژَنِن، دَمندینَه دییَر زَوونون نَه گَف ژَندِشونَه.

کتاب مقدس به زبان تالشي - گویش مرکزی

⁴ چَی بَه دومله گِرد خدا موقدسَه روح کا پتلَمَه آبین، اَتَه کن خداروح گف ژِ اینجاری اَیِنِش دوعَه، تا دییَرَ زَبانینَه گَف بژَنن.

رَسولون اَعمال 2:4 Iomraidhean Croise

مَتّی 10:19

وختی که اَوِن شِمَه تسلیم بِکَرِن، نگران مَبییَه كه چِنتَه گَف بِژَنَه و یا چِه بوآجَه. چوم هَ موقع اَ چیی که بَسی بوآجَه شِمَه آدوعَه بَبی.

مَرقُس 16:17

کسونی که بَه مِن ایمان هِستِشونَه اِم علامت و معجزه اون اَنجام بَداین: اَوِن چِمِن نومی نَه دیوون، آدَمون کا بَرکَرِن و تازه زوونون نَه گَف ژَنِن.

انجیل لوقا 1:15

چوم اَ، خِداوندی نظَری کا یال بَبی. یحیی نَبی هَرگز شَراو یا عرقی لِو بِژَنه. حتی اَ موقع نَه که اِشتَن نَنه اِشکمی کایَه، روح القدسی کا پور بَبی،

انجیل لوقا 1:41

وختی اِلیزابِت، مریمی سلامی دَرَسِشَه، خِردَن چَیی اِشکَمی کا تَکان هَردِشه و اِلیزابِت روح القدسی کا پور آبَه،

انجیل لوقا 1:67

اَ موقع خِردَنی دَده، زکریا، روح القدسی نَه پور آبَه و اِنتَه نبوّت کَردِشه:

انجیل لوقا 12:12

چوم هَ ساعتی کا، روح القدس شِمَه آموجِه که بَسی چِه بوآجَه.»

انجیل لوقا 21:15

چوم اَز، شِمَه اِنتَه قدرت گَف ژَندِه و حکمتی بَدایم که هیچ گِله شِمَه دِشمنون کا نیمَشان اَیی نَه مقاومت یا مخالفت بِکَرِن.

انجیل لوقا 4:1

عیسی که روح القدسی کا پور بَه، اُردن رِواری نَه آگَردَه و خِدا روح، اَیی بَردِشَه ویاوونی را.

یوحنا 14:26

امّا اَ یاور، یعنی روح القدس، که دَده اَیی چِمِن نومی نَه ویسا آکَرِه، اَ گِرد چییون شِمَه یاد بَدای و هَر چِه اَز شِمَه نَه واتِمَه، شِمَه یاد بواَردی.

یوحنا 20:22

وختی اِمی واتِشه، فو دَکَردِشه و واتِشه: «روح القدسی ویگِرَه.

رَسولون اَعمال 1:5

یحیایِ تعمید دَهنده آوی نَه غسل تعمید بَدای، امّا چَن روز دییَر، شِمَه روح القدسی نَه تعمید بَگتیرون.»

رَسولون اَعمال 1:8

امّا وختی روح القدس شِمَه سَر نازِل بِبو، قدرت بَگتیرون و اورشلیمی شهری کا، گِردِ یهودیه ولایتی کا، سامِره منطقه و دنیا دورتَرین جِگا اون کا، چِمِن شاهِدون بَبیرون.»

رَسولون اَعمال 10:46

چوم دَرَسِشونَه که اَوِن دییَر زوونون نَه نی گَف ژَنِن و خِدا جلال بَداین. اَ موقع پطرس واتِشه:

رَسولون اَعمال 10:47

«حِسَه که اِمِن درست چَمَه شیوار روح القدسی ویگِتَشونَه، کی بَشای چَوون پیشی بِگِرِه که آوی دیلَه کا غسل تعمید مَگِرِن؟»

رَسولون اَعمال 11:15

«وختی دَمَندیمَه گف ژَندِه، روح القدس چَوون سَری کا قرار گِتِشه، دُرست هَتَه که اوّل چَمَه سَری کا قرار گِتِشه.

رَسولون اَعمال 11:24

چوم که بَرنابا چاکَه مِردی بَه و روح القدس و ایمانی کا پُور بَه. اِمی واسی وِرَه یالَ جماعتی بِه خِداوند ایمان وَردِشونَه.

رَسولون اَعمال 13:52

شاگِردِن شادی کا و روح القدسی کا پُور بینَه.

رَسولون اَعمال 13:9

ولی شائول، که اَیی نَه پولس نی بَواتین، روح القدسی کا پُور آبَه، اَ مِردی چِمی دیلَه دَیشتَه و واتِشه:

رَسولون اَعمال 15:8

و خِدایی که دیلی کا خَورِش اِستَه اَوون را گواهی دوشَه اِنتَه که روح القدسی اَوون عَطا کَردِشه، هَتَه که بَمون نی عطا کَردَشه.

رَسولون اَعمال 19:6

و وختی که پولس چَوون سَری دَس پِنوشه، روح القدس چَوون سَر قرار گِتِشه. اَوِن دییَر زَوونون نَه گَف ژَندِشونَه و نبوّت کَردِشونَه.

رَسولون اَعمال 2:11

هَم یهودی و هَم کسونی که یهودی‌ دینی قبول کَردَشون بَه؛ و هِنتَه نی کْرِت و عربستانی مردم- گِرد کارا دَرَسَم که اِمِن چَمَه زوونی نَه خِدا پُور قدرته کارون کا گف ژَنِن.»

رَسولون اَعمال 2:3

اَ موقع ایی چیی آتشی آلاوی شیوار ویندِشونَه که تَقسیم بَه و چَوون هَر کمیله سَری کا نِشتَه.

رَسولون اَعمال 4:31

چَوون دعا کَردِه پَش، جِگایی که اَیی کا جمع آبَه بینَه لَرزِستَه و گِرد روح القدسی کا پُور آبینَه، و خِدا کلامی دیل و جرئتی نَه بَواتین.

رَسولون اَعمال 4:8

دومله پطرس روح القدسی کا پور آبَه، چَوون جَواوی کا واتِشه: «اِی قومی پیلَه تَرِن و شیخِن،

رَسولون اَعمال 6:3

بَس اِی بِرا اِن، اِمی واسی شِمَه دیلَه کا هَف نفر که خوش نومی نَه و خِدا روح و حکمتی کا پور بِبون، اِنتخاب بِکَرَه تا اَوون اِم کاری سَری کا بِنییَم.

رَسولون اَعمال 6:5

گفی که رَسولِن ژَندِشونَه گِردی نظری کا چاک اومَه. اَوِن اِستیفانی اِنتخاب کَردِشونَه. اَ ایلَه مِردی بَه که ایمان و روح القدسی نَه پُور بَه و اِنتَه نی فیلیپُس، پْروخُروس، نیکانور، تیمون، پارمِناس و نیکولائوسی که اَنطاکیه کا یهودی بییَه بَه، اِنتخاب کَردِشونَه.

رَسولون اَعمال 6:8

اِستیفان فیض و قوّتی نَه پور بَه و مردمی دیلَه کا یالَ علامتون و معجزه اونی بَکَردی.

رَسولون اَعمال 7:55

امّا اِستیفان روح القدسی کا پُور آسِمونی زول ژندِشه، خِدا جلالی ویندِشه و عیسی ویندِشه که خِدا راستَ دَسی وَری کا مَندَه بَه.

رَسولون اَعمال 8:17

دومله پطرس و یوحنا اِشتَن دَسون، پِنوشونَه چَوون سَر و اَوِن روح القدسی ویگِتِشونَه.

رَسولون اَعمال 9:17

بَس حَنانیا راه دَلَکه و شَه اَ کَ دیلَه. اِشتَن دَسون پِنوشه چَیی سَری کا، واتِشه: «شائول، بِرا، خِداوند یعنی هَ عیسی که وختی کارا بومَیش اییا، راه کا بَه تِن ظاهر آبَه، مِن ویسا آکَردَشَه تا هَنی اِشتِه بینایی بِه دَس بواَری و روح القدسی کا پور آبی.»

رومی کلیسارا نامه 15:13

بِبو، خِدایی که اُمید بَدای، شِمَه شادی و صُلح و سلامتی کاملی نَه که ایمانی کایَه، پُور آکَرِه، جوری که روح القدسی قدرتی نَه، اُمیدی کا لِبالِب پُور بِبییَه.

اوّلین نامَه قورَنتیانیرا 12:10

ایی نفر دییَری معجزه اَنجام دوعِه قدرت آدوعَه بَبی، ایی نفر دییَری نبوّت، و ایی نَفری اَرواح تشخیص دوعِه قدرت آدوعَه بَبی. ایی نفری گف ژَنده بِه جور بَه جورَه زَوونون، و ایی نفر دییَری جور بَه جورَه زَوونون ترجمه کَردِه آدوعَه بَبی.

اوّلین نامَه قورَنتیانیرا 13:1

اَگم آدَمون و ملائیکه اون زَوونون نَه گف بِژَنِم، ولی محبت مَدارِم، ایلَه سِنجی شیواریمَه که وِر سَرصِدا بَکَردی و ایلَه تِییَه طبلی شیواریمَه.

اوّلین نامَه قورَنتیانیرا 13:8

محبت هَرگز تمون آنییَب. امّا نبوّتِن از بِین بَشین و زَوونِن تمون آبون و دانایی از بِین بَشی.

اوّلین نامَه قورَنتیانیرا 14:18

خِدا شُکر بَکَردیم که شِمَه گِردی کا نی وِرتَر دییَر زَوونون نَه گَف ژَنِم؛

اوّلین نامَه قورَنتیانیرا 14:5

حِسَه از پیستِمَه که گِردِ شِمَه دییَر زَوون نَه گف بِژَنه، امّا وِرتَر پیستِمَه که نبوّت بِکَرَه. اَ کسی که نبوّت بَکَردی، اَ کسی کا که دییَر زَوونون نَه گف ژَنِه، یالتَرَه، مَگم اِم که ایی نَفر ترجمه بِکَرِه تا کلیسا بَنا بِبو.

نامَه اَفسوسی کلیسارا 3:19

و مسیح محبتی که بَشَری یَه معرفتی کا کَفاتَرَه، آزونَه- تا خِدا تمام کمالَ پُوری کا لِبالِب بِبییَه.

نامَه اَفسوسی کلیسارا 5:18

و شَراوی نَه مست آمَبییَه، که شِمَه کَشونِه بَدَه کارون طرفی را؛ بَلکَم خِدا روح کا پور آبییَه.

نامَه اَفسوسی کلیسارا 6:18

و همیشه، هَمه جورَه دعا و مِنَتی نَه، خِدا روح کا دعا بِکَرَه و اِمی واسی آگا و هوشیار بِبییَه و همیشه مقاومتی نَه گِردِ مقدسون را دعا بِکَرَه.

پطروسی اوّلین نامَه 1:12

اَوون را آشکار آبَه که نِه اِشتَن، بَلکَم شِمَه را خدمَت بَکَردین، اَ موقع که اَ چییونی درباره گَف ژَنین که حِسَه اَیی اِنجیلی پیغوم آوَرون کا دَرَسَه. اَوونی کا که روح القدسی واسطه نَه که آسِمونی نَه ویسا آبَه، اَ خوشَ خَوَری شِمَه را بَداین. حتی ملائیکَه اِن نی آرزو دارِن اَ چییون بِوینِن.

پطروسی دومین نامه 1:21

چوم که هیچ نبوّتی، اِنسانی اراده نَه وَردَه نِبَه، بَلکَم آدَمِن روح القدسی واسطه نَه خِدا طَرَفی کا گَف ژَندِشونَه.