رَسولون اَعمال 19:2 - کتاب مقدس به زبان تالشی شمالی

² پولُس اَوون کا دَفَرسِشه: «وختی که ایمان وَردِرونَه، روح القدسی ویگِتِرونَه؟» اَوِن جَواو دوشونه: «نِه، اَمَه حتی دَرَسَمون نییَه که روح القدسی نی اِستَه.»

کتاب مقدس به زبان تالشي - گویش مرکزی

² پولوس اوونکا دَپَرسِستَه: «هَنگومی کن ایمان وَردِرونَه، خدا موقدسَه روح ویگَتِرون؟» اَیِن جواب آداشون: «نِه اَمه حتی دَرَستَمون نی کن خدا موقَدَسه روح هِستَه.»

رَسولون اَعمال 19:2 Iomraidhean Croise

یوحنا 7:39

اِم گفی روح القدسی درباره واتِشه، کسونی که بَیی ایمان بواَرِن، اَیی دریافت بَکَردین؛ چوم روح القدس حَلا عطا بَه نِبَه، اِمی واسی که عیسی حَلا جلال گِتَش نِبَه.

رَسولون اَعمال 10:44

پطرس حَلا کارا گَف ژَنی که روح القدس گِردِ کسونی سَر قرار گِتِشه که اَ پَیغومی دَرَسین.

رَسولون اَعمال 19:5

وختی اَوِن اِمی دَرَسِشونَه، عیسایِ خِداوندی نومی نَه غسل تعمید گِتِشونَه.

رَسولون اَعمال 2:17

«”خِدا بَواتی: آخِرین روزون کا چِمِن روح گِردِ مردمی سَری کا ویکَرِم. شِمَه زوعَه اِن و شِمَه کِلَه اِن نَبوّت بَکَردین، شِمَه جَوونِن رؤیا اون بَویندین و شِمَه پیرِن خاو اون بَویندین.

رومی کلیسارا نامه 1:11

چوم مُشتاقیمَه شِمَه بِوینیم تا روحانی یَه بَرکَتون شِمَه ایمانی تقویتی را آدَم شِمَه؛

اوّلین نامَه قورَنتیانیرا 6:19

مَگم نیمَزنَه که شِمَه بَدن روح القدسی معبدَه که شِمَه دیلَه کایَه و اَیی خِدا کا ویگِتَرونه؟ شِمَه دِ شِمَه شِن نیرونه.

نامه غلاطیَه کلیسارا 3:5

اَیی که خِدا روح آدَه شِمَه، و شِمَه دیلَه کا معجزه بَکَردی، اِم کاری شریعتی اَعمالی نه بَکَردی یا ایمان بِه اَ چیی نه که دَرَسَرونه؟