رَسولون اَعمال 15:3 - کتاب مقدس به زبان تالشی شمالی

³ بَس کلیسا اَوون رایی کَردِشه؛ و وختی اَوِن فینیقیه و سامِرِه کا کارا دَوییَرین، جزئیاتی نَه تعریف کَردِشونَه که چِنتَه غیریهودیِن ایمان وَردِشونَه و گِردِ بِرا اِن اِم خَوَری کا وِر خوشحال بینَه.

کتاب مقدس به زبان تالشي - گویش مرکزی

³ پس کلیسا اَوون عَندشَه؛ و اَیِن فینقیَه و سامِرَکا دَیوَردِ موقه، جیگیر کردشون کن چِنتَه غَیرِ یَهودییِن ایمان وَردَشونَه و برااِن اِم خبری خونه خَیلی خَش آبین.

رَسولون اَعمال 15:3 Iomraidhean Croise

انجیل لوقا 15:32

امّا حِسَه اَمَه بَسی جَشن بِگِرَم و شادی بِکَرَم، چوم اِشتِه اِم بِرا مَردَه بَه، زِنده آبَه؛ ژون آبَه بَه، پیدا بَه!“»

رَسولون اَعمال 1:15

ایلَه اَ روزون کا، پطرس بِرا اون دیلَه کا؛ که گِرد حدود صد و بیست نفر بینَه، مَندَه

رَسولون اَعمال 13:48

وختی غِیریهودیِن اِمی دَرَسِشونَه، شاد آبینَه و خِداوندی کلامی حُرمت کَردِشونَه؛ و کسونی که اَبَدی یَه زندگی را مُقَدر بَه بینَه، ایمان وَردِشونَه.

رَسولون اَعمال 13:52

شاگِردِن شادی کا و روح القدسی کا پُور بینَه.

رَسولون اَعمال 14:27

وختی پولس و بَرنابا آرَستینَه اوآ، کلیسا آدَمون جَمع آکَردِشونَه، اَوون را واتِشونَه که خِدا چَوون واسطه نَه چِه‌ کارونی کَردَشه و چِنتَه، ایمانی بَری غیر یهودیون را آکَردَشَه.

رَسولون اَعمال 15:1

امّا چَن نفر یهودیه ولایتی نَه اومینَه اَنطاکیَه را. اَوِن بِرا اون تعلیم بَداین و بَواتین که: «اَگم مطابق موسی دَب ختَنه مَبییَه، نیمَشایَه نِجات پِیدا بِکَرَه.»

رَسولون اَعمال 15:12

دومله جماعتْ گِرد ساکت آبینَه و بَرنابا و پولسی گفون گوش دوشونَه. اَوِن علامت و معجِزه اونی که خِدا چَوون واسطه نَه غِیریهودیون دیلَه کا کَردش بَه، هَنی بَواتین.

رَسولون اَعمال 15:22

بَس رسولِن و مَشایخ، گِردِ کلیسا نَه تَصمیم گِتِشونَه اِشتَن دیلَه کا مِردَکونی اِنتخاب بِکَرِن و اَوون پولس و بَرنابا همراه ویسا آکَرِن اَنطاکیَه شهری را. بَس یهودایِ معروف بِه بَرسابا و سیلاسی، که بِرا اون دیلَه کا رَهبر بینَه، اِنتخاب کَردِشونَه.

رَسولون اَعمال 15:32

یهودا و سیلاس نی که پیغمبر بینَه، وِرَه گَفون نَه، بِرااون تَشویق کَردِشونَه و قوّت دوشونَه.

رَسولون اَعمال 15:4

وختی آرَستینَه اورشلیم، کلیسا و رَسولِن و مشایخ، گرمی نَه اَوون قبول کَردِشونَه. پولس و بَرنابا هَر چی که خِدا چَوون واسطه نَه اَنجام دوعَش بَه، چَوون را واتِشونَه.

رَسولون اَعمال 17:15

کسونی که پولسی همرایی کَردِشونَه، اَیی وَردِشونَه تا آتِنی شهر. دومله پولس اَوون دستور دوشَه که آگَردَه بیریَه شهری را و سیلاس و تیموتائوسی، هَر چِه زودتَر ویسا آکَرِن چَیی وَر.

رَسولون اَعمال 20:38

اَ چیی که گِردی کا وِرتَر اَوون ناراحت بَکَردی، پولسی اِم گَف بَه که واتِشه: «دِ مِن نِوینه.» دومله تا کَشتی وَر اَیی نَه شینَه رادِرازی.

رَسولون اَعمال 21:5

وختی روزونی که قرار بَه اوآکا بومونَم تَمون آبینَه، رایی سفر بیمونَه. شاگِردِن گِرد، ژِنکَون و چَوون خِردَنون نَه، اَمَه نَه تا شهری بِرون اومینَه رادرازی. اوآ کا، دَریا وَری کا زِنگ ژَندِمونَه و دعا کَردِمونَه.

رَسولون اَعمال 28:15

وختی اوآ بِرا اِن دَرَسَشون بَه که اَمَه راه کا ایمونَه، اومینَه تا آپیوسی بازار و ایلَه آوادی که چَیی نوم ’سه میخونه‘ یَه، تا بان چَمَه پیشواز. وختی پولس اَوون ویندِشه خِدا شُکر کَردِشه و چَیی دیل قوّت‌ گِتِشه.

رَسولون اَعمال 8:14

وختی رسولِن اورشلیمی کا خَوَردار بینَه که سامِرَه اَهالی خِدا کلامی قبول کَردَشونَه، پطرس و یوحنا ویسا آکَردِشونَه چَوون وَر.

رومی کلیسارا نامه 15:24

اُمید هِستِمه چِمِن راه سَری کا اِسپانیا را، بام شِمَه ویندِه را تا روکَتِه پَش که شِمَه ویندِمه، مِن کمک بِکَرَه بِشوم اوآ سَفری را.

اوّلین نامَه قورَنتیانیرا 16:11

بَس هیچکس اَیی روک بِه حساب مَواَرِه. اَئی سلامتی نَه سَفری را رایی بِکَرَه تا آگَردِه چِمِن وَر؛ چوم از و بِرااِن چَیی چِم بِه راه ایمونه.

اوّلین نامَه قورَنتیانیرا 16:6

شاید روکتِه ای شِمَه وَری کا بومونِم، و یا حتی تمون زوموستون نی شِمَه نَه بومونِم، تا هَر جِگا که بَشیم چِمِن سفری را مِن کمک بِکَرَه.

دوومین نامه قرنتیانیرا 1:16

از پیستِم بَه که چِمِن راه سَری کا بام مقدونیه منطقه را و شِمَه بِوینِم، و مقدونیه کا هَنی آگردِم شِمَه وَر تا مِن رایی بِکَرَه یَهودیه ولایتی را.

نامَه تیتوسیرا 3:13

تا اوآ که بَشای، وکیل زیناس و آپولُسی چَوون سفری کا کمک بِکَه، اِشتِه هَواس جمع بِبو تا کم و کسری مَدارِن.