رَسولون اَعمال 14:2 - کتاب مقدس به زبان تالشی شمالی

² امّا یهودیونی که ایمان وَردَشون نِبَه، غیریهودیون آنتیریک کَردِشونَه و چَوون فیکری بِرا اون ضد مسموم کَردِشونَه.

کتاب مقدس به زبان تالشي - گویش مرکزی

² ولی یهودیِنی کن ایمان نِوَردَشون بَه، غَیر یَهودیونشون جیکو جیکو ژِشون و چَوون فِکری برااون زِرَبَرا مسموم کردِشون.

رَسولون اَعمال 14:2 Iomraidhean Croise

یوحنا 3:36

کسی که بِه زوعَه ایمان هِستِشه، اَبَدی یَه زندگی هِستِشه؛ کسی که زوعَه کا اِطاعت مَکَرِه، زندگی نییَه ویند، بَلکَم خِدا غَضب چَیی سَری کا بَمَندی.»

رَسولون اَعمال 1:15

ایلَه اَ روزون کا، پطرس بِرا اون دیلَه کا؛ که گِرد حدود صد و بیست نفر بینَه، مَندَه

رَسولون اَعمال 13:45

ولی وختی یَهودییِن جماعتی ویندِشونَه، حسودی کا پُور آبینَه و بی حرمتی نَه پولسی گفون نَه مخالفت کَردِشونَه.

رَسولون اَعمال 13:50

امّا یَهودییِن، متعصب و سَرشِناس ژِنکون و شهری مِردکونی که رهبر بینَه، جوکو ژَندِشونَه. اَوِن نی پولس و بَرنابا اَذیت آزار کَردِشونَه و اَ ناحیه کا بَرکَردِشونَه.

رَسولون اَعمال 14:19

امّا یهودیونی، اَنطاکیَه و قونیَه شهرون کا اومَه بینَه و مردمی اِشتَن نَه هَمدَس کَردِشونَه، و پولسی سِنگسار کَردِشونَه و خَیال کَردِشونَه که پولس مَردَه، اَیی شهری کا بِرون بَردِشونَه.

رَسولون اَعمال 14:4

ولی اَ شهری مردم دِ گروه بینَه؛ ایی گروه یَهودیون طرفدار بینَه و اَ ایلَه گروه رسولون طرفدار.

رَسولون اَعمال 14:5

وختی غیریهودییِن و یَهودییِن اِشتَن پیله تَرون نَه تصمیم گِتِشونَه که پولس و برنابا نَه بَدرفتاری بِکَرِن و اَوون سِنگسار بِکَرِن،

رَسولون اَعمال 17:13

امّا وختی تَسالونیکی یهودییِن زونِستِشونَه که پولس بیریه کا نی خِدا کلامی اِعلام بَکَردی، شینَه اوآ و مَردمی آنتیریک کَردِشونَه و شهری کا بَلوا بِه پا کَردِشونَه.

رَسولون اَعمال 17:5

امّا یَهودی اِن حسودی کَردِشونَه و چَن نفر قالتاقَه آدَم بازاری کا جَمع آکَردِشونَه، ایی دسته راه دَرَفندِشونَه و شَهری کا بَلوا بِه پا کَردِشونَه. اَوِن پولس و سیلاسی دومله گردین و هُجوم بَردِشونَه یاسونی کَ تا اَوون بواَرِن بِرون جماعتی دیلَه.

رَسولون اَعمال 18:12

امّا اَ موقع که گالیو، اَخائیه ولایتی حاکم بَه، یَهودییِن هَمدَس بینَه، ویبینَه پولسی سَر اَیی وَردِشونَه مَحکمه را.

اوّلین نامَه تَسالونیکی کلیسا را 2:14

چوم اِی بِرااِن، شِمَه خِدا کلیسااونی کا سَرمشق گِتِرونه که یهودیَه ولایتی کا مسیحْ عیسی کا اِستینه. چوم که شِمَه نی شِمَه هموطنون کا، هَ اَذیت آزارون ویندِرونه که اَوِن یهودیون کا ویندِشونَه،