رَسولون اَعمال 13:6 - کتاب مقدس به زبان تالشی شمالی

⁶ اَوِن اَ جَزیره گِردی، گَردی نَه تا آرَستینَه پافوسی شهری را. اوآ کا ایلَه یهودیه مِردی ویندِشونَه که چَیی نوم بارْ‌یشوعَ بَه و جادوگر و دروعَه پیغمبر بَه.

کتاب مقدس به زبان تالشي - گویش مرکزی

⁶ اَیِن جَزیرَ اِم سَر اَ سَریکا دَیَوردین تا شهر پافوسیرا آرَستین. اَ جِگاکا یَهودیَه مِردی باریشوعَ نوم گِنینَه کن جاودوگَر و دِروعَه پَیغَمبَر بَه.

رَسولون اَعمال 13:6 Iomraidhean Croise

مَتّی 16:17

عیسی واتِشه: «اِی شَمعون، یونا زوعَه! خَسَه تِه بِبو! چوم اِنسان، اِمی بَه تِرا آشکار آکَردَه نیشَه، بَلکَم چِمِن آسِمونی یَه دَده اِمی بَه تِرا آشکار آکَردِشه.

مَتّی 24:24

چوم دروعَه مسیح اِن و دروعَه پیغمبرِن بومَین، و اِنتَه یالَ نیشونه اونی بواَردین و معجزه اونی بَکَردین که اَگم بِشان، حتی اَ کسونی که اِنتخاب بَیینَه نی گمراه بِکَرِن.

مَتّی 7:15

«دروعَه پیغمبرون کا دوری بِکَرَه. اَوِن گوسَندون خَلا کا بومَین شِمَه وَر، ولی باطنی کا وَرگونی اِستینَه که پِزارنِن.

مَرقُس 10:46

اَوِن اومینَه اَریحا شهری را. هَتَه که عیسی اِشتَن شاگِردون نَه و وِرَه جماعتی نَه اَریحا شهری نَه کارا بَشی بِرون، ایلَه کورَه گدایی راه کَناری کا نِشت بَه. اَ کورَه گدا نوم بارتیمائوس بَه که تیمائوسی زوعَه بَه.

رَسولون اَعمال 13:13

پولس و چَیی هَمراه اِن دَریا راه نَه، پافوسی شهری کا شینَه پِرجۀ را که پامفیلیه منطقه کا بَه. امّا اوآ کا یوحنایی که معروف بِه مرقس بَه اَوون کا جِدا آبَه و آگَردِستَه اورشلیمی شهری را.

رَسولون اَعمال 13:8

امّا اَ جادوگر که چَیی نومی معنی عالِم بَه، اَوون نَه مخالفت کَردِشه و تَقَّلا کَردِشه که مَرزِه فرماندار ایمان بواَرِه.

دوومین نامه قرنتیانیرا 11:13

چوم اِنتَه رَه کسونی، دوروعی نَه رسولِن و دَقَلبازَه کارگرونی اِستینه که اِشتَن مسیح رسولون شیوار وَج آکَرِن.

دِوُّمین نامَه تیموتائوسیرا 3:8

هَتَه که یَنّیس و یَمْبْریس موسی نَه مخالفت کَردِشونه، اِم مِردَکِن نی حقیقتی نَه مخالفت بَکَردین، که چَوون فیکرِن بَدی نَه و چَوون ایمان رَدَّه.

یوحنا اوّلین نامَه 4:1

اِی عَزیزِن، هَر روحی باوَر مَکَرَه، بَلکَم روحون آزمایش بِکَرَه که خِدا کا اینه یا نِه. چوم وِر دروعَه پیغمبرونی دنیا کا اِستینه.

یوحنا موکاشیفَه 19:20

و اَ وحشی یَه حَیوون گیرفتار آبَه و اَیی نَه، اَ دوروعی نَه پیغمبر که اَ وحشی یَه حَیوونی پیشی کا علامت و معجزه اون انجام بَدای تا کسونی گول بِژَنِه که اَ وحشی یَه حَیوونی نیشونَه قبول کَردَشون بَه و چَیی مجسمه پرستش بَکَردین. اَوِن هَر دِگِله زِنده زِنده، آتشی دریاچه دیلَه کا دَرَفَندَه بینَه که گوگِردی نَه بَسیستی.