رَسولون اَعمال 13:51 - کتاب مقدس به زبان تالشی شمالی

⁵¹ پولس و بَرنابا نی اَ شهری خاکی اِشتَن پا اون کا چَوون ضِد تَکان دوشونَه و شینَه قونیَه شهری را.

کتاب مقدس به زبان تالشي - گویش مرکزی

⁵¹ پولوس وبَرنابا نی چَوون زِرَبَرا، اَ شهری خاکی اِشتَن لِنگونکا ویراشِندِشون و شَهر قونیَه را شینَه.

رَسولون اَعمال 13:51 Iomraidhean Croise

مَتّی 10:14

اَگم کسی شِمَه قبول مَکَرِه یا شِمَه گفون گوش مَدَه، وختی‌ اَ کَ یا اَ شهری کا بَشیرون، اوآ خاکی شِمَه پا کا نی تَکان بِدییَه.

مَرقُس 6:11

اَگم جِگایی کا شِمَه قبول نِکَردِشونَه و شِمَه گفی گوش نِدوشونَه، وختی اوآنَه بَشیرون، اوآ خاکی شِمَه پا کا تَکان بِدییَه، تا چَوون ضِد ایلَه شهادتی بِبو.»

انجیل لوقا 10:11

”اَمَه حتّی شِمَه شهری خاکی که چَمَه پا کا دَچیکه، شِمَه ضِد تَکان بَدایمون. ولی اِمی بِزونَه که خِدا پاُتشایی نِزدیک آبَه.“

انجیل لوقا 9:5

هَر جِگایی که مردم شِمَه قبول نِکَردِشونَه، وختی چَوون شهری کا بَشیرون، اوآ خاکی شِمَه پا کا تَکان بِدییَه تا چَوون ضِد ایلَه شهادتی بِبو.»

رَسولون اَعمال 14:1

قونیه شهری کا نی پولس و بَرنابا شینَه یهودیون عبادتگاه دیلَه و اِنتَه گَف ژَندِشونَه که وِر کَسِن یَهودیون و یونانیون کا ایمان وَردِشونَه.

رَسولون اَعمال 14:19

امّا یهودیونی، اَنطاکیَه و قونیَه شهرون کا اومَه بینَه و مردمی اِشتَن نَه هَمدَس کَردِشونَه، و پولسی سِنگسار کَردِشونَه و خَیال کَردِشونَه که پولس مَردَه، اَیی شهری کا بِرون بَردِشونَه.

رَسولون اَعمال 14:21

اَوِن اَ شهری کا نی بشارت دوشونَه و وِر کَسون نی عیسی شاگِرد کَردِشونَه. دومله آگَردِستینَه لِستْرِه و قونیه و اَنطاکیه را.

رَسولون اَعمال 16:2

لِستْرِه و قونیه کا بِرااِن چَیی چاکی بَواتین.

رَسولون اَعمال 18:6

امّا وختی یهودییِن، پولسی نَه مخالفَت کَردِشونَه و عیسی فَش دوشونَه، پولس اَ شهری خاک و خُلی اِشتَن خَلااون کا چَوون ضِدّ تَکان دوشَه و اَوون نَه واتِشه: «شِمَه خون شِمَه گَردن بِبو! اَز تقصیر کار نیمَه. چِمی پَش، بَشیم غیریهودیون وَر.»

دِوُّمین نامَه تیموتائوسیرا 3:11

و اَ رنج و اَذیت آزارونی که اَنطاکیه، قونیه و لِسترَه شَهرون کا چِمِن سَر اومَه و رنج و اَذیت آزارونی که تاو وَردَمه، امّا خِداوند چَوون گِردی کا مِن نجات دوشَه.