رَسولون اَعمال 13:5 - کتاب مقدس به زبان تالشی شمالی

⁵ وختی دَشینَه سَلامیسی شهری دیلَه، یَهودییون عبادتگاه اون کا، خِدا کلامی اِعلام کَردِشونَه. اَوِن یوحنایی که مَعروف بِه مَرقُس بَه نی اِشتَن نَه بَردِشونَه تا اَوون کمک بِکَرِه.

کتاب مقدس به زبان تالشي - گویش مرکزی

⁵ وَقتی کن شهر سَلامیسی دِلَه دَرمین، یَهودیون عیبادَت گا اونکا خداوندی کَلامیشون اییلام کردَ. اَیِن یوحنا نی، کن بَی مرقُس خِلِه اَکَرینَه اِشتَنَه بردِشونَه تا چوونرا آرَسِه.

رَسولون اَعمال 13:5 Iomraidhean Croise

مَتّی 20:26

امّا شِمَه دیلَه کا اِنتَه مَبو. هَر کسی پیستِشَه شِمَه دیلَه کا یال بِبو، بَسی شِمَه نوکَر بِبو.

رَسولون اَعمال 12:12

پطرس وختی اِمی فهمِستِشه، شَه مریمی کَ که یوحنای معروف بِه مَرقسی نَنه بَه. اوآ کا وِر کَسِن جَمع آبَه بینَه و دعا بَکَردین.

رَسولون اَعمال 12:25

بَرنابا و شائول اِشتَن ماموریتی تمون آکَردِشونَه، اورشلیمی نَه آگَردِستینَه و یوحنایی که معروف بِه مَرقُس بَه، نی اِشتَن همراه وَردِشونَه.

رَسولون اَعمال 13:14

ولی اَوِن پِرجَه کا دَوییَردینَه و آرَستینَه اَنطاکیۀ پیسیدیَه منطقه. یَهودییون مقدّس شنبه روزی کا، شینَه عِبادتگاه و نِشتینَه.

رَسولون اَعمال 13:46

پولس و بَرنابا جرئتی نَه واتِشونَه: «لازِم بَه خِداوندی کلام گِردی پیش شِمَه را واتَه بِبی. امّا چوم اَیی رَد آکَردِرونَه و اِشتَن اَبَدی یَه زندگی لایق نِزونِستِرونَه، بَس حِسَه اَمَه بَشیمون غِیریهودیون طرفی را.

رَسولون اَعمال 14:1

قونیه شهری کا نی پولس و بَرنابا شینَه یهودیون عبادتگاه دیلَه و اِنتَه گَف ژَندِشونَه که وِر کَسِن یَهودیون و یونانیون کا ایمان وَردِشونَه.

رَسولون اَعمال 15:37

بَرنابا پیستِشَه یوحنایی که معروف بِه مَرقُس بَه نی چَوون همراه بِشو،

رَسولون اَعمال 17:17

اِمی واسی، عِبادتگاه کا یَهودیون و خِدا پَرستَ یونانیون نَه و هِنتَه نی هَر روز شهری مَیدونی کا رادَوییَرون نَه بَحث بَکَردی.

رَسولون اَعمال 18:4

پولس هَر هفته مقدّس شنبه روز، عِبادتگاه کا یَهودیون و یونانیون نَه بَحث بَکَردی و تَقَّلا بَکَردی اَوون قانِع بِکَرِه.

رَسولون اَعمال 19:22

دومله دِ نفر اِشتَن همکارون کا، تیموتائوس و اِراستوسی وَیسا آکَردِشه مقدونیَه را و اِشتَن چَن وخت آسیا ایالتی کا مَندَه.

رَسولون اَعمال 19:29

گِردِ شهری کا بَلوا بَر پا بَه! و اَوِن یَندی نَه هَمدَس بینَه و هُجوم بَردِشونَه مسابقاتی مَیدونی طرفی را. اَوِن گایوس و آریستارخوسی که مقدونیَه شِن بینَه و پولسی هَمراه اوون کا بینَه، ویسویِه ویسویِه نَه اِشتَن نَه بَردِشونَه .

رَسولون اَعمال 19:8

دومله پولس شَه یهودیون عِبادتگاه، اوآ کا سِه مانگ جرئتی نَه گَف ژَنی و دلیل بواَردی و خِدا پاُتشایی درباره اَوون قانع بَکَردی.

رَسولون اَعمال 9:20

اَ، اَلبَحَل عبادتگاه اون کا دَمندَه اِم پَیغومی اِعلام کَردِه که عیسی خِدا زوعَه یَه.

نامَه کُولُسی کلیسا را 4:10

آریستارخوس که مِنه زندانی کا اِستَه، شِمَه را سلام آرِساوونه؛ اِنتَه نی مَرقُس، بَرنابا عمو زوعَه، که پیشتری، دربارَه چَیی شِمَه سفارش کَردِمه که هَر موقع با شِمَه وَر، گَرمینه اَیی قبول بِکَرَه.

دِوُّمین نامَه تیموتائوسیرا 4:11

فقط لوقا چِمِن هَمراه یَه. مَرقُسی پِگه، اِشتَن نَه بوعَه، چوم که اَ چِمِن خدمتی را وِر بِه کار بومَی.