دِوُّمین نامَه تیموتائوسیرا 2:25 - کتاب مقدس به زبان تالشی شمالی

²⁵ بَسی کسونی که مخالفی نَه، نرمی نَه اِصلاح بِکَرِه، شاید خِدا اَوون توبه عطا بِکَرِه، تا حقیقتی آزونِن،

کتاب مقدس به زبان تالشي - گویش مرکزی

²⁵ پی اَیِنی کن موخالفین آلاونیِه نَه اِصلاح بکرِ، شاید خدا اَیِنِش توبَه عطاکردَ تا حَییقتی آزنن،

دِوُّمین نامَه تیموتائوسیرا 2:25 Iomraidhean Croise

مَتّی 11:29

چِمِن یوغی شِمَه دوشی کا بِگِرَه و بَه مِن کا تعلیم بِگِرَه، چوم از ملایمی مَه و دیلی نَه فروتنی مَه، و شِمَه جانون کا راحتی بَگتیرون.

مَتّی 21:32

چوم یحیی اومَه و صالِح بییِه راه شِمَه نیشون دوشَه امّا شِمَه بَیی ایمان نِوَردِرونَه، ولی باجگیرِن و فاحیشه‌ اِن بَیی ایمان وَردِشونَه، و شِمَه حتّی بعد از اِمکه اِم چییون ویندِرونَه، شِمَه پشیمون نِبیرونَه و بَیی ایمان نِوَردِرونَه.»

مَرقُس 1:15

و بَواتی: «چَیی وخت آرَستَه و خِدا پاُتشایی نِزدیک آبَه. توبَه بِکَرَه و اِم خوشَ خَوَری ایمان بواَرَه.»

یوحنا 5:34

نِه اِم که اَز اِنسانی شهادتی قبول بِکَرم، بَلکَم اِم گَفون بَواتیم تا شِمَه نجات پیدا بِکَرَه.

رَسولون اَعمال 11:18

وختی اَوِن اِم گَفون دَرَسِشونَه، ساکت آبینَه و خِدا ستایش کَردِشونَه، واتِشونَه: «بَس خِدا غیریهودیون نی فرصت بَدای تا اَوِن نی اِشتَن گناه اون کا توبه بِکَرِن و اَبَدی یَه زندگی بِه دَس بواَرِن!»

رَسولون اَعمال 2:38

پطرس اَوون نَه واتِشه: «توبَه بِکَرَه و شِمَه هَر کمیله، عیسایِ مسیح نومی نَه شِمَه گناه اون بَخشِسته را غسل تعمید بِگِرَه که روح القدسی هدیه ویگِرَه.

رَسولون اَعمال 20:21

هَم یَهودییون و هَم یونانیون را، شهادتی دومَه که بَسی توبه نَه آگَردِن خِدا طرفی را و چَمَه خِداوند عیسایِ مَسیح ایمان بواَرِن.

رَسولون اَعمال 5:21

بَس صِبی سَر طبق چیی که اَوون نَه واتَه بییَه بَه شینَه معبدی دیلَه و دَمندینَه مردمی تعلیم دوعِه. وختی کاهِن اَعظم و چَیی هَمراه اِن اومینَه، گِردِ شورا اَهالی و گِردِ یهودی مَشایخون دَخوندِشونَه و چَن نفر ویسا آکَردِشونَه تا رسولون زندانی کا بواَرِن.

رَسولون اَعمال 5:31

و خِدا اَیی بَردِشه کَفا اِشتَن راستَ دَسی وَر، و رهبر و نجات‌ دهنده کَردِشه و فُرصت دوشَه تا یهودی مردم توبه بِکَرِن و چَوون گناه اِن بَخشِسته بِبون.

رَسولون اَعمال 8:22

بَس اِشتِه اِم شِرارتی کا توبه بِکَه و خِداوندی کا درخواست بِکَه تا بَلکَم اِشتِه دیلی اِم فِکر بَخشِسته بِبو؛

نامه غلاطیَه کلیسارا 6:1

اِی بِرااِن، اَگم کسی ایلَه خطایی بِکَرِه، شِمَه که خِدا روح هِستِرونه بَسی ملایم روح نَه اَیی راستَه راه را آگاردِنه. اِشتِه هَواس جمع بِبو که اِشتَن نی وسوسه مَبی.

اوّلین نامَه تیموتائوسیرا 2:4

که پیستِشَه مردم گِرد نجات پیدا بِکَرِن و حقیقتی آزونِن.

اوّلین نامَه تیموتائوسیرا 6:11

امّا تِه که مِردِ خِدا ایش، اِم چییون کا دَوَز، و صالحی، دینداری، ایمان، مُحبت، پابَرجایی و ملایمتی دومله بِبَش.

دِوُّمین نامَه تیموتائوسیرا 3:7

اِم ژِنَکِن هَمیشه تعلیم بَگتین، ولی هَرگز نیمَشان حقیقتی آزونِن.

نامَه تیتوسیرا 1:1

پولُسی طرفی کا، خِدا نوکر و عیسایِ مسیح رسول، که تعیین بیمَه تا خِدا اِنتخاب بییَه اون ایمانی تقویت بِکَرِم و اَ حقیقتی که دینداری نَه مطابقَه بوآجِم،

نامَه تیتوسیرا 3:2

هیچکسی بَدی مَواجِن، دعوا مَکَرِن، آروم بِبون و گِردِ مردمی نه اَدبی نَه رفتار بِکَرِن.

یعقوبی نامَه 1:17

هَر چاکَ هدیه ای و هَر کامل هدیه ای آسِمونی کا اِستَه، نورون دَده طرفی کا که چَیی دیلَه کا هیچ تغییری نییَه، و نِه هیچ سایی که تغییری کا به وجود اومَه بِبو.

پطروسی اوّلین نامَه 3:15

بَلکَم شِمَه دیلی کا مَسیح خِداوندی مقدّس بِزونَه و اَیی اِحترام بِنییَه و هَمیشه حاضر بِبییَه تا هَر کی اَ اُمیدی دلیلی دَفَرسِه که شِمَه دیلَه کایَه، چَیی جَواوی بِدییَه، البته نرمی و اِحترامی نَه.

یوحنا اوّلین نامَه 5:16

اَگم ایی نفر بِوینه چَیی برا گناهی بَکَردی که مرگی را ختم نییَب، دعا بِکَرَه و خِدا بَیی زندگی بَبَخشِستی. اِمی کسی درباره بَواتیم که چَیی گناه مَرگی را ختم نییَب. گناهی اِستَه که مَرگی را ختم بَبی. از اِنتَه رَه گناهی درباره نِواجِم که بَسی دعا بِکَرَه.