دِوُّمین نامَه تیموتائوسیرا 2:19 - کتاب مقدس به زبان تالشی شمالی

¹⁹ با اِم حال، اَ مُحکمَه پاکاری که خِدا نوعَشه، پابَرجایَه و اِمی نَه مُهر بییَه که: «خِداوند اِشتَن آدَمون آزونِه،» و «هَر‌ کسی خِداوندی نومی اِقرار بِکَرِه، بَسی نادُرستی کا دوری بِکَرِه.»

کتاب مقدس به زبان تالشي - گویش مرکزی

¹⁹ اِم حالیکا، سختَه هیمی کن خدا نوعَشه، آمبسته و اِم گفینه موهر بیَه کن: «خداوند اِشتَن آدَمون آرَزنِست،» و «هر کَم خداوندی نومی ایقرار بکرِ، پی نادِرستیکا رَت آبو.»

دِوُّمین نامَه تیموتائوسیرا 2:19 Iomraidhean Croise

مَتّی 24:24

چوم دروعَه مسیح اِن و دروعَه پیغمبرِن بومَین، و اِنتَه یالَ نیشونه اونی بواَردین و معجزه اونی بَکَردین که اَگم بِشان، حتی اَ کسونی که اِنتخاب بَیینَه نی گمراه بِکَرِن.

مَتّی 28:19

بَس بِشَه و گِردِ میلَّتون چِمِن شاگِرد بِکَرَه و اَوون دَده نومی نَه، زوعَه نومی نَه و رو‌ح القدسی نومی نَه غُسل تعمید بِدییَه،

مَتّی 7:23

اَ موقع اَز اَوون نَه عَلَنی بَواتیم، ”اَز هَرگز شِمَه آزونِستَه نیمَه. چِمِن چِمی پیشی کا دور آبییَه، اِی بَدکارِن!“

مَتّی 7:25

وارِش بَوارستی، سیل بومَی، وا وَزِه و اَ کَ سَری زور بواَردی، ولی اَ کَ خَراو نییَب چوم چَیی پاکاری سِنگی سَری کا بینا کَردَشَه.

مَرقُس 12:16

اَوِن ایلَه سکه‌ ای وَردِشونَه. عیسی اَوون کا دَفَرسِشه: «چیکی دیم و چیکی نوم سکه سَری کایَه؟» اَوِن جَواو دوشونَه: «رومی اِمپِراطوری شِن.»

مَرقُس 13:22

چوم دروعَه مسیح اِن و دروعَه پیغمبرِن بومَین، و اِنتَه رَه نیشونه اونی بواَردین و معجزه اونی بَکَردین که اَگم بِشان، اِنتخاب بییَه اون گمراه بِکَرِن.

انجیل لوقا 13:27

امّا اَ شِمَه نَه بَواتی: ”از شِمَه آنِزونِم؛ نیمَزنِم کییا کا اومَیرونَه. چِمِن چِمی پیشی کا دور آبییَه، اِی بَدکارِن!“

انجیل لوقا 6:48

اَ، کسی شیوارَه که کَ وَج آکَردِه را، زَمینی عمیق کَندِشه و کَ پاکاری بینا سِنگی سَری کا نوشه. وختی سیل اومَه، سیل آو، اَ کَ هجوم وَردِشه و نِشاستِشه اَ کَ تَکان بِده چوم که اَ کَ محکم وَج آبَه بَه.

یوحنا 10:14

اَز چاکَه شوونَه ایمَه. اَز چِمِن گوسَندون آزونِم و چِمِن گوسَندِن مِن آزونِن،

یوحنا 13:18

«شِمَه گِردی درباره گف نِژَم. اَز اَوون که اِنتخاب کَردَمه، آزونِم. امّا مقدّس نیویشته اِم گف بَسی اِتِفاق دلَکه که ”اَ کسی که چِمِن نونی بَردی، مِنَه دِشمنی بَکَردی.“

یوحنا 3:33

هَر کسی که چَیی شهادتی قبول بِکَرِه، تائید بَکَردی که خِدا حقیقتَه.

رَسولون اَعمال 11:26

و وختی اَیی تِلفتِشه، اَیی وَردِشه اَنطاکیه. اَوِن اوآ کا ایی سال تمون، کلیسا آدَمون نَه جَمع آبین و ایلَه وِرَه یالَه جماعتی تعلیم بَداین. اَنطاکیه کا بَه که اوّلین کَرَه عیسی شاگِردون نَه ’مسیحی‘ واتِشونَه.

رَسولون اَعمال 15:17

تا اَوِنی که اِنسانون نَسلی کا بِجا مَندینَه، و گِردِ غِیر یهودیونی که چمِن نومی اِشتَن کا هِستِشونَه، خِداوندی طلب بِکَرِن. خِداوند بَواتی، خِداوندی که،

رَسولون اَعمال 9:14

و اییاکا نی سَران کاهِنون کا اِم اِختیاری اِستِشه تا هَر کسی که اِشتِه نومی بَواتی دستیگر بِکَرِه.»

رومی کلیسارا نامه 11:2

خِدا اِشتَن قومی که پیشتری جِدا آکَردَش بَه، رَد آکَردَه نیشه. مَگم نیمَزنه مقدّس نیویشته اِن ایلیا درباره چِه بَواتی؟ اِم که اَ چِنتَه، قوم اِسرائیلی ضِد خِدا وَری کا گیلایَه کَردِشه و واتِشه:

رومی کلیسارا نامه 12:9

محبت بَسی خالِص بِبو. بَدی کا دوری بِکَرَه و مُحکم دَچیکَه اَ چیی که چاکَه.

رومی کلیسارا نامه 15:20

چِمِن آرزو همیشه اِم بَه جِگایی کا اِنجیلی موعظه بِکَرِم که مَسیح نومی دَرَسَشون مَبو، تا نَبادا که از ایی نفر دییَری پاکاری سَری کا بینا وَج آکَرِم،

رومی کلیسارا نامه 15:9

و تا غیریهودیِن، خِدا چَیی رحمتی واسی جلال بِدَن. هَتَه که مقدّس نیویشته اون کا نیویشتَه بییَه که: «بَس از، تِه غیریهودیون دیلَه کا ستایش بَکَردیم، و اِشتِه نومی کا آواز بَخَندیم.»

رومی کلیسارا نامه 8:28

بَزنیمون کسونی حقی کا که خِدا نَه خِشی نَه و طبق چَیی پیستَه دعوت بَیینه، گِردِ چییِن یَندی نَه چَوون خیریَتی را کار بَکَردین.

رومی کلیسارا نامه 9:11

هَر چَن پیش اَز اِم که اَوِن دنیا بان، و چاکَه کار یا بَدَه کار اَنجام بِدَن- اِمی واسی که خِدا هدف اِشتَنِش اِنتخابی کا پابَرجا بومونِه، نِه کارون واسی، بَلکَم چَیی واسطه نَه که دعوت بَکَردی-

اوّلین نامَه قورَنتیانیرا 1:2

خِدا کلیسا را که قُرِنتُسی شهری کایَه، و کسونی که مسیحْ عیسی کا تقدیس بَیینه و دَعوت بَیینه تا یَندی نَه مقدّس بِبون، گِردِ کَسونی همراه که هَر جِگایی کا چَمَه خِداوند مسیحِ عیسی نومی دَخونِن، که چَمَه خِداوند و چَوون خِداوندَه:

اوّلین نامَه قورَنتیانیرا 8:3

امّا اَ کسی که خِدا نَه خِشَه، خِدا اَیی آزونِه.

دوومین نامه قرنتیانیرا 7:1

بَس اِی عَزیزِن، حِسَه که اَمَه اِم وعده‌ اون هِستِمونه، بایَه اِشتَن هَرجورَه ناپاکیِ جسم و روح کا پاک آکَرَم و خِدا ترسی نَه، مقدّس بییِه کامل آکَرَم.

نامه غلاطیَه کلیسارا 4:9

امّا حِسَه که خِدا آزونَه، یا چاکتَر بوآجِم، خِدا شِمَه آزونِه، چِنتَه یَه که هَنی آگَردَه اِم دنیا سُست و بی‌ اِرزشَ قانونون طرفی را؟ یعنی پیستِرونه اَز نو چَوون نوکری بِکَرَه؟

نامَه اَفسوسی کلیسارا 2:20

شِمَه اَ عِمارتی سَری کا که رسولِن و پِیغمبرِن چَیی پاکار بینَه بینا بیرونه،که مسیحْ عیسی اِشتَن اَ بینا، اَصلی یَه سِنگَه.

نامَه اَفسوسی کلیسارا 3:15

که هَر خانواده‌، آسِمونی کا و زمینی سَر، اَیی کا نوم بَگتین،

نامَه اَفسوسی کلیسارا 4:30

خِدا قدوسَ روح که اَیی نَه آزادی روزی را مُهر بَه ایرونه، ناراحت آمَکَرَه.

اوّلین نامَه تیموتائوسیرا 3:15

اَگم چِمِن اومِه عَری آبَه، بِزونی که خِدا خانوادَه دیلَه کا، که خِدای زِنده کلیسا و ستون و حَقیقَتی پایَه یَه، چِنتَه بَسی رَفتار کَردِه.

اوّلین نامَه تیموتائوسیرا 6:19

اِنتَه، ایلَه گنجی اِشتَرا اَنبار بَکَردین که چَاکَه پاکاری آینده را یَه، تا بِشان اَ چیی که حقیقی یَه زِندگی یَه بِه دَس بواَرِن.

نامَه، عِبرانیه نَتاجَه مسیحیونرا 11:10

چوم اَ شَهری چِم بِه راه بَه که پاکارون هِستِشَه، که چَیی معمار و بنّا خِدا یَه.

پطروسی دومین نامه 3:14

بَس اِی عَزیزِن، حِسَه که اِم چییون مُنتظریرونه، تَقَّلا بِکَرَه تا چَیی نظری کا بی لَکه و بی عیب بِبییَه و صُلح و سلامتی کا بومونَه.

یوحنا اوّلین نامَه 2:19

اَوِن چَمَه دیلَه کا شیینه بِرون، امّا اَمَه کا نِبینَه؛ چوم اَگم اَمَه کا بِبین، اَمَه نَه بَمَندین. ولی چَوون شییِه نیشون دوشَه که اَوِن هیچ کمیله اَمَه کا نِبینَه.

یوحنا موکاشیفَه 17:8

اَ وحشی یَه حَیوون که ویندِرَه اِستبَه، حِسَه دِ نییَه، هِم زودیون هاویَه چاه کا بِرون بومَی و بَشی هلاکتی طرفی را. و کسونی که زمینی سَری کا اینَه و چَوون نوم دنیا خَلق بییِه نَه دفتر حَیاتی دیلَه کا نیویشته بییَه نییَه، اَ وحشی یَه حَیوونی ویندِه کا مات بَبین، چوم که اَ اِستبَه، حِسَه نییَه، و بومَی.

یوحنا موکاشیفَه 2:13

بَزنیم کییا کا ایش، اوآ که شیطانی پاُتشایی تختَه. با اِم حال مُحکم دَچیکیستَه ایش چِمِن نومی، و حتّی اَ روزونی کا که آنتیپاس، چِمِن اَ وفادارَه شاهِد که شِمَه دیلَه کا، اوآ که شیطان مَندَه، اَیی کِشتِشونَه، ایمانی که بَه مِن داری حاشا نِکَردِرَه.

یوحنا موکاشیفَه 21:14

و شهری حصار دونزَه گِله پِی داری، که چَوون سَری کا وَرَه دونزَه گِله رسولی نوم نیویشته بَه.

یوحنا موکاشیفَه 22:4

اَوِن چَیی دیمی بَویندین و چَیی نوم چَوون تَقالی کا بَبی.

یوحنا موکاشیفَه 3:8

از اِشتِه کارون کا خَوَرداریمَه. دَیِس، ایلَه آواجَه بَری اِشتِه ناری کا نوعَمَه که هیچ‌کس نیمَشا اَیی دَوِندِه. بَزنیم که اِشتِه قُوّت کَمَه، امّا چِمِن کلامی غَم هَردِرَه و چِمِن نومی حاشا نِکَردِرَه.