دِوُّمین نامَه تیموتائوسیرا 2:15 - کتاب مقدس به زبان تالشی شمالی

¹⁵ تَقَّلا بِکَه که خِدا وَری کا مقبول بِبی، ایلَه کاریگری شیوار که خجالت نِکَشِه و حقیقتی کلامی دُرست بِکار بَبَردی.

کتاب مقدس به زبان تالشي - گویش مرکزی

¹⁵ چَتین تقلا بَکه کن خدا حِضوریکا مقبول بَبی، هنتَه پاسَریی ایی شیوار کن خَجالت نییَکَشت و حَییقَتی کَلامی دِرِست بَکار بَگَتی.

دِوُّمین نامَه تیموتائوسیرا 2:15 Iomraidhean Croise

مَتّی 13:52

عیسی اَوون نَه واتِشه: «بَس، هَر کمیله توراتی معلمون کا که آسِمونی پاُتشایی درباره تعلیم گِتَش بِبو، ایلَه کَ صاحیبی شیوارَه که اِشتَن خزانَه کا تازه چیی و کَنَه چیی بِرون بَروَره.»

مَرقُس 4:33

عیسی وِر، اِنتَه رَه مَثَّلون نَه تا اوآ که بَشاین درک بِکَرِن، خِدا کلامی چَوون را واتِشه .

انجیل لوقا 12:42

عیسایِ خِداوند واتِشه: «بس اَ وَفادار و عقلمندَه مِتِر کییَه که چَیی اَرباب اَیی اِشتَن کَ نوکَرون سَرپرست بِکَرِه تا چَوون غذا سهمی موقع نَه اَوون آدَه؟

رَسولون اَعمال 2:22

«اِی یَهودیِن، اِمی دَرَسَه: هَتَه که اِشتَن بَزنیرون، عیسایِ ناصری مِردی بَه، که خِدا، مُعجزه اون و عجیب چیون و علامتونی نَه که چَیی دَسی نَه شِمَه دیلَه کا ظاهر آکَردِشه، شهادتی دوشَه که اَ، حقیقتَه.

رَسولون اَعمال 20:27

چوم از کسی حقی کا کوتاهی نِکَردِمَه، بَلکَم خِدا پیغومی کامل، گِردی را اِعلام کَردَمَه.

رومی کلیسارا نامه 14:18

هَر کسی که اِنتَه مَسیح خدمت بِکَرِه، خِدا اَیی قبول دارِه و مردم نی اَیی تصدیق بَکَردین.

رومی کلیسارا نامه 16:10

آپِلیسی را که اِشتَن اِمتحانی مسیح کا پس دوعَشَه، سلام آرِساوونه. آریستوبولُسی خانواده سلام آرِساوونه.

رومی کلیسارا نامه 6:13

شِمَه بَدنی اَعضا آمَدییَه گناه دَس تا ناراستی وسیله بِبون، بَلکَم کَسونی شیوار که مرگی کا آگَردِستَه اینه زِندگی را، اِشتَن آدییَه خِدا دَس تا شِمَه بَدنی اَعضا خِدا دَسی کا راستی وسیله بِبون.

اوّلین نامَه قورَنتیانیرا 2:6

با اِم حال، اَمَه یالَ آدَمون دیلَه کا حِکمتی بَواتیمون، امّا نِه حِکمتی که اِم دورَه زمونه شِن بِبو، یا اِم دوره زمونه حاکِمون شِن بِبو که بِه نابودی مَحکومینه،

دوومین نامه قرنتیانیرا 10:18

چوم اَ کسی که اِشتَن، اِشتَن کا تعریف بِکَرِه مورد قبول نییَب، بَلکَم اَ کسی مورد قبول بَبی که خِدا اَیی کا تعریف بِکَرِه.

دوومین نامه قرنتیانیرا 3:6

خِدا بَه که اَمَه لیاقت آدوشَه تا تازَه عهدی خِدمتکارون بِبییَم- عَهدی که خِدا روح سَری کا پابَرجایَه، نِه اَ چیی سَری کا که فقط ایلَه نِیوشتَیَه. چوم ’نیوشتَه‘ بَکِشتی، امّا خِدا روحْ، زِندگی بَبَخشِستی.

دوومین نامه قرنتیانیرا 4:2

بَلکَم نِینَکی راه اون کا و شرم آوَرَه راه اون کا دوری کَردَمونه و کلاهبرداری نَه ناری را نِشییَم و خِدا کلامی دَستکاری نِکَرَم بَلکَم حَقیقَتی واضِح بَواتیمون، تقّلا بَکَردیمون خِدا حضوری کا گِردی وجدانی کا تصدیق بِبییَم.

دوومین نامه قرنتیانیرا 5:9

بَس چِه بَدنی کا زِندگی بِکَرَم و چِه اَیی کا دور بِبییَم، چَمَه نیّت اِمَه که اَیی راضی آکَرَم.

نامه غلاطیَه کلیسارا 1:10

یعنی حِسَه از مردمی تائیدی دومله کاایمَه یا خِدا تائید؟ یا تَقَّلا بَکَردیم که مردمی راضی آکَرِم؟ اَگم هِنتَه مردمی راضی آکَردِه دومله کا بیمَه، مَسیح خادم نِبیم.

نامَه اَفسوسی کلیسارا 1:13

شِمَه نی اَیی کا، وختی که حقیقتی کلامی، که شِمَه هَ نجاتی اِنجیلَ دَرَسِرونَه و اَیی ایمان وَردِورنَه، روح‌ القدسِ موعودی نَه مُهر بیرونَه،

اوّلین نامَه تَسالونیکی کلیسا را 2:4

بَلکَم هَتَه که خِدا اَمَه تصدیق کَردِشه تا اِنجیلی کاری اَنجام بِدییَم، بَس چَمَه گف ژَندِه، آدَمون راضی آکَردِه واسی نییَه، بَلکَم خِدا راضی آکَردِه واسی یَه، که چَمَه دیلون آزمایش بَکَردی.

اوّلین نامَه تَسالونیکی کلیسا را 5:14

اِی بِرااِن، شِمَه کا خواهیشت بَکَردیم که تَنبلون نصیحت بِکَرَه؛ تَرسو اون تشویق بِکَرَه؛ ضَعیفون کمک بِکَرَه؛ گِردی نَه صبور بِبییَه.

اوّلین نامَه تیموتائوسیرا 4:6

اَگَم اِم چییون بِرااون باموجی، مسیحْ عیسی نوکر بَبیش، که ایمانی کلامی کا و چاکه تعلیمی که چَیی دومله کا ایش، تربیت بَبیش.

نامَه، عِبرانیه نَتاجَه مسیحیونرا 4:11

بَس بایَه تَقَّلا بِکَرَم تا دَشَم اَ آسایشی دیلَه، تا هیچکس اِنتَه رَه نا اِطاعتی کا مَدَلَکِه.

یعقوبی نامَه 1:12

خَسَه بِبو اَ کسی که آزمایشون باری جیری کا صبر و تحملی نَه تاو بواَردی، چوم وختی آزمایشی کا سَربِلند بِرون بومَی، اَ زندگی بَخشَه تاجی ویگِرِه، اَ تاجی که خِدا بِه کسونی وعده دوعَشَه که اَیی نَه خِشینَه.

یعقوبی نامَه 1:18

اَ، اِشتَن اِراده نَه کلامی حقیقتی نَه اَمَه خلق کَردِشه تا چَیی مخلوقاتی نوبَر بِبییَم.

پطروسی دومین نامه 1:10

بَس اِی بِرااِن، وِرتَر تَقَّلا بِکَرَه تا شِمَه دعوت و اِنتخاب بییِه ثابت بِکَرَه، چوم اَگم اِم صِفَتون بِه کار بِگِرَه هرگز نِبَلَکَه.

پطروسی دومین نامه 1:15

و تا بَشایم تَقّلا بَکَردیم تا بِشایَه چِمِن اِم دنیا کا شییِه پَش همیشه اِم چییون ویر بواَرَه.

پطروسی دومین نامه 3:14

بَس اِی عَزیزِن، حِسَه که اِم چییون مُنتظریرونه، تَقَّلا بِکَرَه تا چَیی نظری کا بی لَکه و بی عیب بِبییَه و صُلح و سلامتی کا بومونَه.