دوّمین نامَه تَسالونیکی کلیسا را 2:15 - کتاب مقدس به زبان تالشی شمالی

¹⁵ بَس، اِی بِرااِن، پابَرجا بِبییَه و دَچیکه اَ تعلیمونی که اَمَه کا آموتَه رونَه، چِه چَمَه گفون کا چِه چَمَه نامه اون کا.

کتاب مقدس به زبان تالشي - گویش مرکزی

¹⁵ پس اَی برا اِن، آمبَست بومونَه و اَ آموجِنیکا کن اَمَکا گَتِرونَه دَچیکَه.

دوّمین نامَه تَسالونیکی کلیسا را 2:15 Iomraidhean Croise

رومی کلیسارا نامه 16:17

اِی بِرااِن، پیستِمَه شِمَه کا خواهیشت بِکَرِم اَ کسونی ویرا بِبییَه که جِدایی باعیث بَبین و شِمَه راه کا سَد بَناین و تعلیمی نَه که شِمَه یاد گِتَرونه، مخالفت بَکَردین؛ اَوون کا دوری بِکَرَه،

اوّلین نامَه قورَنتیانیرا 11:2

حِسَه شِمَه کا تعریف بَکَردیم که گِردِ چیون کا مِن ویر بواَردیرون و حتی اَ رسم و رسوماتی هَتَه که دَسپَردَمَه شِمَه، هِستِرونه.

اوّلین نامَه قورَنتیانیرا 15:58

بَس، چِمِن عَزیزَه بِرااِن، پابَرجا و بَرقرار بِبییَه، همیشه خِداوندی کاری وِرتَر و وِرتَر اَنجام بِدییَه، چوم که بَزنیرون خِداوندی کا شِمَه زحمت کَشِه اَلَکی نییَه.

اوّلین نامَه قورَنتیانیرا 16:13

شِمَه هَواس جَمع بِبو؛ ایمانی کا پابَرجا بومونَه؛ مِرد بِبییَه و قوی بِبییَه.

نامَه فیلیپی کلیسا را 4:1

بَس، اِی چِمِن بِرااِن که از شِمَه نَه خِشیمَه و مُشتاقیمه شِمَه بِوینِم، اِی که شِمَه چِمِن شادی و چِمِن سَری تاجییرونه، اِی عَزیزِن، اِنتَه خِداوندی کا قُرص بِبییَه.

دوّمین نامَه تَسالونیکی کلیسا را 2:2

هیچی شِمَه فیکری خَراو آمَکَرِه و هَراسون مَبییَه چِه ایلَه روح واسطه نَه، چِه ایلَه گفی نَه، چِه ایلَه نامه ای نَه که اِنگاری چَمَه طرفی کایَه که بوآجِه، خِداوندی آگَردِستِه روز آرَستَه.

دوّمین نامَه تَسالونیکی کلیسا را 3:14

اَگم ایی نفر اَ چیی کا که اَمَه اِم نامه کا بَواتیمون اِطاعت مَکَرِه، اَئی نیشون بِکَرَه و اَیی نَه رفت و آمَد مَکَرَه تا خجالت بِکَشِه.

دوّمین نامَه تَسالونیکی کلیسا را 3:6

اِی بِرااِن، چَمَه خِداوندْ عیسایِ مسیح نومی نَه شِمَه را حُکم بَکَردیمون که هَر بِرایی کا که تنبلی بَکَردی و مطابق تعلیمی که اَمَه کا گِتَرونه رفتار نِکَرِه، دوری بِکَرَه.

نامَه تیتوسیرا 1:9

اَ بَسی محکم دَچیکِه اَ قابل اعتمادَه کلامی که آموتَشَه، تا بِشا دُرستَ تعلیم باموجِه و کسونی که اِم تعلیمی ضِدی نه نی، توبیخ بِکَرِه.

یهودا نامه 1:3

اِی عزیزِن، هَر چَن وِر اِشتیاقِم اِستبَه تا اَ نجاتی درباره که اَمَه گِرد اَیی کا سهم هِستِمونه شِمَه را بینیویسِم، امّا لازم ویندِمَه اِم چَند خطی نیویشته نَه، شِمَه کا بِپیم که اَ ایمانی کا که ایی کَرَه همیشه را دَسپَرده بییَه بِه مقدّسین، تَقَّلا بِکَرَه.