دوّمین نامَه تَسالونیکی کلیسا را 2:13 - کتاب مقدس به زبان تالشی شمالی

¹³ امّا اِی بِرااِنی که خِدا را عزیز گِرامی ایرونه، اَمَه بَسی همیشه خِدا شِمَه واسی شُکر بِکَرَم، چوم خِدا شِمَه نوبری شیوار اِنتخاب کَردِشه که نجات پیدا بِکَرَه، اَ تقدیسی واسطه نَه که خِدا روح نَه اَنجام بَبی و حقیقتی ایمان داشتِه نَه.

کتاب مقدس به زبان تالشي - گویش مرکزی

¹³ ولی اَی برا اِن کن خدارا خاجَتی ایرون، اَمه اوزون پی شمه وِجودی خونه خدا شکر بکَرم، اِمی خونه کن خدا بَشِمَه نوبَری شیوار اینتخاب کردِشَه کن نیجات بیگِرَ، اَ تقدیس بِه واسیطَه نَه کن خدا روح نَه اَنجوم بَبی وحَییقییَه ایمانداشتِه نَه.

دوّمین نامَه تَسالونیکی کلیسا را 2:13 Iomraidhean Croise

انجیل لوقا 1:75

چَیی حضوری کا، قدّوسیت و صالِحی نَه، تا عُمرِمون اِستَه.

یوحنا 1:1

صِفته نَه کَلمه بَه و کَلمه خِدا نَه بَه و کَلمه، خِدا بَه؛

یوحنا 14:6

عیسی اَیی نَه واتِشه: «اَز راه و حقیقت و زندگی اِستیمَه؛ هیچکس نیمَشا بِشو آسِمونی یَه دَده وَر مَگم چِمِن واسطه نَه.

رَسولون اَعمال 13:48

وختی غِیریهودیِن اِمی دَرَسِشونَه، شاد آبینَه و خِداوندی کلامی حُرمت کَردِشونَه؛ و کسونی که اَبَدی یَه زندگی را مُقَدر بَه بینَه، ایمان وَردِشونَه.

رَسولون اَعمال 15:9

خِدا چَمَه و چَوون میانه کا هیچ فرقی نِنوشه، بَلکَم ایمانی واسی، چَوون دیلون پاک آکَردِشه.

رومی کلیسارا نامه 6:17

امّا خِدا را شُکر، شِمَه که پیشتری گناه نوکرون بیرونه، حِسَه صِدق دیلی نَه اَ تعلیمی کا اِطاعت بَکَردیرون که خِدا شِمَه آدوعَشه.

رومی کلیسارا نامه 8:33

کییَه که خِدا اِنتخاب بییَه اون بُختون بِژَنه؟ خِدایَه که اَوون صالِح بِه حساب بواَردی!

رومی کلیسارا نامه 9:11

هَر چَن پیش اَز اِم که اَوِن دنیا بان، و چاکَه کار یا بَدَه کار اَنجام بِدَن- اِمی واسی که خِدا هدف اِشتَنِش اِنتخابی کا پابَرجا بومونِه، نِه کارون واسی، بَلکَم چَیی واسطه نَه که دعوت بَکَردی-

اوّلین نامَه قورَنتیانیرا 1:21

چوم اوآنه که بینا بَر خِدا حکمت، دنیا نِشاستِشَه حکمتی راه نَه خِدا آزونِه، خِدا اِنتَه صلاح ویندِشه که هِم نادونی راه نَه، که اَمَه موعظه بَکَردیمون، کسونی که ایمان بواَردین، نجات بِدَه.

نامه غلاطیَه کلیسارا 3:1

اِی نادونَه غَلاطیِین، کی شِمَه جادو کَردَشه؟ عیسایِ مسیح مَرگ هِندی شِمَه را آشکارا واتَه بَه که اِنگاری اَ شِمَه چِمون پیشی کا مصلوب بَه.

نامَه اَفسوسی کلیسارا 2:8

چوم فیضی نَه و ایمانی واسطه نَه نجات پیدا کَردَرونه. و اِم شِمَه کا نییَه؛ بَلکَم خِدا هدیه یَه،

نامَه کُولُسی کلیسا را 1:5

که اِمِن اَ اُمیدی کا سَرچشمه بَگتین که آسِمونی کا شِمَه را محفوظ اِستَه. اَ اُمیدی که پیشتری چَیی درباره، حَقیقَتی کلامی کا یعنی اِنجیل، دَرَسَرونه،

نامَه کُولُسی کلیسا را 3:12

بَس خِدا اِنتخاب بییَه آدَمون شیوار که مقدّس و عَزیزگِرامی اینه، دیلَسوجی، میهروونی، فروتنی، ملایِم بییِه و صَبری خَلا دَکَرَه.

اوّلین نامَه تَسالونیکی کلیسا را 1:4

چوم اِی بِرااِنی که خِدا را عزیزگِرامی ایرونَه، اَمَه بَزنیمون که خِدا شِمَه اِنتخاب کَردَشه.

اوّلین نامَه تَسالونیکی کلیسا را 2:12

اَمَه هَر کمیله شِمَه، ایلَه ایلَه تشویق کَردِمونه و تَسلی دومونه و سفارش کَردِمونه تا اَتَه که خِدا شئنی کایَه زِندگی بِکَرَه، که شِمَه دعوت بَکَردی اِشتنِش پاُتشایی و جلالی را.

اوّلین نامَه تَسالونیکی کلیسا را 4:7

چوم خِدا اَمَه نِه ناپاکی را، بَلکَم مقدّس بییِه را دَعوت کَردَشه.

اوّلین نامَه تَسالونیکی کلیسا را 5:9

چوم خِدا اَمَه غَضَبی را تعیین نِکَردِشَه، بَلکَم نِجاتی بِه دَس وَردِه را، چَمَه خِداوند عیسایِ مسیح واسطه نَه، تعیین کَردِشه.

دوّمین نامَه تَسالونیکی کلیسا را 1:3

اِی بِرااِن، اَمَه بَسی همیشه خِدا شِمَه واسی شُکر بِکَرَم، دُرُست نی هِمَه، چوم شِمَه ایمان هِنتَه رُشد بَکَردی و شِمَه هَر کمیلَه محبت یَندی را وِرتَر بَبی.

دوّمین نامَه تَسالونیکی کلیسا را 2:10

و گِردِ شَرورانه حیله اون نَه کسونی را که هلاکتی راه کا اینه، چوم که اَوِن نِپیستشونه حقیقتی نَه خِش بِبون تا نجات پیدا بِکَرِن.

دوّمین نامَه تَسالونیکی کلیسا را 2:12

تا گِردِ کسونی که حقیقتی باور کَردَه نیشونه و هَر چیی کا که نادُرستَه، کیف کَردَشونه، محکوم آبون.

دوّمین نامَه تَسالونیکی کلیسا را 2:16

حِسَه چَمَه خِداوند عیسایِ مسیح اِشتَن و چَمَه دَده، خِدا، که اَمَه نَه خِش بَه و فیضی واسطه نَه، اَمَه اَبَدی یَه تَسلی و چاکه اُمیدی آدوشَه،

دِوُّمین نامَه تیموتائوسیرا 1:9

خِدایی که اَمَه نجات دوشَه و ایلَه مقدّسَ زندگی را دَخوندِشه. اِمی نِه چَمَه کارون واسی، بَلکم اِشتَنِش فیض و هدفی واسی، که مسیح عیسی کا دنیا صِفته نَه، آدوشَه اَمَه،

دِوُّمین نامَه تیموتائوسیرا 2:15

تَقَّلا بِکَه که خِدا وَری کا مقبول بِبی، ایلَه کاریگری شیوار که خجالت نِکَشِه و حقیقتی کلامی دُرست بِکار بَبَردی.

دِوُّمین نامَه تیموتائوسیرا 3:15

و چِنتَه خِردَنتی کا مقدّس نیوشته اون بَزنیش، که بَشای بَه تِن حکمت باموجِه و اَ ایمانی واسطه نَه که مسیحْ عیسی کا یَه، نجاتی را آرِساوونه.

نامَه، عِبرانیه نَتاجَه مسیحیونرا 1:10

و: «تِه، اِی خِداوند، صِفتَه نَه زَمینی پاکاری نورَه، و آسمونِن اِشتِه دَسی کاری نَه.

یعقوبی نامَه 1:18

اَ، اِشتَن اِراده نَه کلامی حقیقتی نَه اَمَه خلق کَردِشه تا چَیی مخلوقاتی نوبَر بِبییَم.

یوحنا اوّلین نامَه 4:10

محبت اِمَه، نِه اِم که اَمَه خِدا محبت کَردَمونه، بَلکَم اَ اَمَه محبت کَردَشه و اِشتَن زوعَه ویسا آکَردِشه تا چَمَه گناه اون کفّارَه بِبو.

یوحنا اوّلین نامَه 4:19

اَمَه محبت بَکَردیمون چوم اوّل اَ، بَمون محبت کَردِشه.