دوّمین نامَه تَسالونیکی کلیسا را 1:9 - کتاب مقدس به زبان تالشی شمالی

⁹ چَوون سِزا اَبَدی یَه نابودی خِداوندی حضوری کا و چَیی قدرت جلالی کا بَبی.

کتاب مقدس به زبان تالشي - گویش مرکزی

⁹ چَوون جَزا زَیرونَه نیفلَه آبِه خدا حِضوریکا و چَی خِنَری شکوه جَلالیکا اَ،

دوّمین نامَه تَسالونیکی کلیسا را 1:9 Iomraidhean Croise

مَتّی 16:27

چوم اِنسانی زوعَه، اِشتَن دَده شکوه و جَلالی کا اِشتَن ملائیکه اون نَه بومَی و اَ موقع هَر کسی طبق چَیی اَعمال، عوض بَدای.

مَتّی 22:13

اَ موقع پاُتشا اِشتَن نوکَرون نَه واتِشه: ”چَیی دَس و پا دَوَسَه و دَرَفَنَه بِرونی تاریکی کا، جِگایی که داد بَکَردین و دَندون دَندونی سَر فیشار بَداین.“

مَتّی 24:30

اِم موقع اِنسانی زوعَه نیشونه، آسِمونی کا ظاهر آبو و زمینی قبیله اِن گِرد شیون بَکَردین و اِنسانی زوعَه بَویندین كه قدرت و بَرک جلالی نَه، آسِمونی خِرون سَری نَه بومَی.

مَتّی 25:41

«دومله پاُتشا کسونی نَه كه چَیی چَپ طرفی کا مَندینَه بَواتی: ”اِی مَلعونِن، بَه مِن کا دور آبییَه و اَ اَبَدی یَه آتشی دیلَه بِشییَه که اِبلیس و چَیی ملائیکه اون را آمادَه آبَه،

مَتّی 25:46

بَس اَوِن بَشین اَبَدی یَه عَذابی دیلَه، ولی صالِحِن بَشین اَبَدی یَه زِندگی دیلَه.»

مَتّی 26:24

اِنسانی زوعَه را هَ چیی که مقدّس نیویشته اون کا نیویشته بییَه هَتَه اِتِفاق دَلَکِه، امّا وای بِه حال اَ کسی كه اِم اِتِفاق چَیی خیانتی نَه اِنسانی زوعَه سَر با. اَییرا چاکتَر بَه كه هَرگز دنیا مای.»

مَتّی 7:23

اَ موقع اَز اَوون نَه عَلَنی بَواتیم، ”اَز هَرگز شِمَه آزونِستَه نیمَه. چِمِن چِمی پیشی کا دور آبییَه، اِی بَدکارِن!“

انجیل لوقا 13:27

امّا اَ شِمَه نَه بَواتی: ”از شِمَه آنِزونِم؛ نیمَزنِم کییا کا اومَیرونَه. چِمِن چِمی پیشی کا دور آبییَه، اِی بَدکارِن!“

یوحنا 5:14

روکَتِه پَش، عیسی اَ مِردی معبدی کا تِلَفتِشه و اَیی نَه واتِشه: «دَیِس حِسَه وَج آبیش، دِ گناه مَکَه تا اِمی کا بَدتر اِشتِه سَر ما.»

نامَه فیلیپی کلیسا را 3:19

چَوون عاقبت هَلاکتَه. چَوون خِدا چَوون اِشکَمَه و نَنگ‌آوَرَه چیون را فَخر بَکَردین، اَوِن زَمینی یَه چییون درباره فیکر بَکَردین.

اوّلین نامَه تَسالونیکی کلیسا را 5:3

اَ موقع که مردم بَواتین: «صُلح و سلامتی و اَمن و اَمانَ»، دومله ایی دَفعه هَلاکت چَوون دومَنی بَگتی، هَتَه که ایلَه حامیله ژِنی زَندِه داجی بِگِرِه، و اَوِن نیمَشان دَوَزِن.

دوّمین نامَه تَسالونیکی کلیسا را 2:8

اَ موقع اَ بی‌دینَ آدَم بومَی، که خِداوندْ عیسی اِشتَن گَ نَفَسی نَه اَئی هلاک بَکَردی و اِشتَن پُرشکوهَ اومِه نَه، اَیی نابود بَکَردی.

نامَه تیتوسیرا 2:13

و چَمَه اَ مِوارکَه اُمیدی مُنتظِر بومونَم، یعنی چَمَه خِدای عظیم و چَمَه نجات دَهنده عیسایِ مسیح جلالی آشکار آبییِه،

نامَه، عِبرانیه نَتاجَه مسیحیونرا 10:29

شِمَه خَیال بَکَردیرون اَ کسی حق که خِدا زوعَه پا جیر بِنَه، و اَ عهدی خون که اَیی را وقف بییَه بی حُرمت کَردَشَه، و فیضی روح بی عزّت کَردشَه، چِه چَتین تَرَه مجازاتی چَیی سَر بومَی؟

پطروسی دومین نامه 2:17

اِم دوروعَه مُعلِمِن، خِشک آبییَه خانیون و خِرونی شیواری نَه که تورَه وا اون نَه حرکت بَکَردین و جَهَندمی ظُلمات چَوون را حاضیرَه.

پطروسی دومین نامه 3:7

ولی هَ کلامی نَه، آسِمونون و زمینی که حِسَه بَویندیرون، آتشی را ذخیره بینَه و تا روز داوری، بی دینون هلاکت بییِه را غَم هَرده بَبی.

یهودا نامه 1:13

اِمِن دریا پُور تلاطُمَه موجون شیواری نَه که چَوون بَدَه اَعمال دریا کفی شیوار بِرون ژَنِه، و سرگَردونَ ستاره اون شیواری نَه که اَبَدی یَه ظُلمات اَوون را تعیین بییَه.

یوحنا موکاشیفَه 20:11

دومله ایلَه یالَ ایسبی یَه تختی ویندِمَه، و ایی نفر که چَیی سَری کا نِشت بَه. آسمون و زمین چَیی حضوری کا دَوَشتینَه و چَوون را هیچ جِگایی پیدا نِبَه.

یوحنا موکاشیفَه 20:14

دومله مرگ و مَردَه اون دنیا دَرَفَنده بینَه آتشی دریاچه دیلَه کا. اِم آتشی دریاچه، دوّمین مرگَه.

یوحنا موکاشیفَه 21:8

ولی تَرسو اِن و بی ایمانِن و فاسِدِن و آدَمکِشِن و زِنا کارِن و جادوگرِن و بُت‌پرستِن و گِردِ دروعَه واجِن، چَوون گِردی سهم، دریاچه ای بَبی که گوگِرد و آتشی نَه وَش گِتَشه. اِم دوّمین مَرگَه.»

یوحنا موکاشیفَه 22:15

اِسبَه اِن و جادوگرِن و زنا کارِن و آدَمکِشِن و بُت‌پرستِن و گِردِ کسونی که دوروع نَه خِشی نَه و اَیی انجام بَداین، شهری بِرونی کا بَمَندین.