دوّمین نامَه تَسالونیکی کلیسا را 1:8 - کتاب مقدس به زبان تالشی شمالی

⁸ آلاو دارَه آتشی دیلَه کا و خِدا نَشناسون و کسونی که چَمَه خِداوند عیسی اِنجیلی کا اِطاعت نِکَرِن، تقاص ویگِرِه.

کتاب مقدس به زبان تالشي - گویش مرکزی

⁸ کولوستارَ آرا دلَکا اَ خدانشناسون و اَیِنی کن چَمه خداوند عیسی اِنجیلیکا نافِرمونی اَکَرینَه، تَقاص ویرَگت.

دوّمین نامَه تَسالونیکی کلیسا را 1:8 Iomraidhean Croise

مَتّی 25:41

«دومله پاُتشا کسونی نَه كه چَیی چَپ طرفی کا مَندینَه بَواتی: ”اِی مَلعونِن، بَه مِن کا دور آبییَه و اَ اَبَدی یَه آتشی دیلَه بِشییَه که اِبلیس و چَیی ملائیکه اون را آمادَه آبَه،

مَتّی 25:46

بَس اَوِن بَشین اَبَدی یَه عَذابی دیلَه، ولی صالِحِن بَشین اَبَدی یَه زِندگی دیلَه.»

یوحنا 3:19

و محکومیت اِمَه که نور اومَه بِه دنیا، امّا مردم تاریکی نَه نوری کا وِرتَر خِش بینَه، چیرا که چَوون اَعمال بد بَه.

یوحنا 8:19

بَس اَوِن عیسی نَه واتِشونَه: «اِشتِه دَده کییاره؟» عیسی جَواو دوشَه: «شِمَه نِه مِن آزونَه و نِه چِمِن دَده. اَگم مِن آزونیرون چِمِن دَده نی آزونیرون.»

رَسولون اَعمال 6:7

بَس خِدا کلام گِردِ جِگا کا کارا پَخش آبی و شاگِردون تعداد اورشلیمی کا بَرک وِر آبَه و یهودی کاهِنون کا نی، ایلَه یالَ جماعت ایمان وَردِشونَه.

رومی کلیسارا نامه 1:28

اوآنه که خِدا آزونِستِه چَوون را اِرزِشِشی نِبه، خِدا نی اَوون، چَوون فاسِدَه فیکرون نَه وِل آکَردِشه تا اِشتَن بَدَه کارون اَنجام بِدَن.

رومی کلیسارا نامه 1:5

خِدا مسیح واسطه نَه اَمَه فیض دوشَه تا چَیی رسولون بِبییَم و گِردِ قومون راهنمایی بِکَرَم که مسیح نومی ایمان بواَرِن و اَیی کا اِطاعت بِکَرِن.

رومی کلیسارا نامه 10:16

امّا اَوِن گِرد اِنجیلی قَبول نِکَردِشونه، چوم اِشعَیای پیغمبری کیتابی کا بَواتی که: «اِی خِداوند، کییَه که چَمَه پَیغومی باوَر کَردَشه؟»

رومی کلیسارا نامه 15:18

چوم جرئت نِکَرِم که چیی کا گَف بِژَنِم، اَ چیی غِیراز که مَسیح چِمِن واسطه نَه اَنجام دوعَشَه، تا غیریهودیون ایمانی مطیع بِکَرِم، چِه چِمِن گَفون نَه و چِه چِمِن کارون نَه.

رومی کلیسارا نامه 16:26

امّا حِسَه بینا بَر پِیغمبرون نیویشته اون و اَبَدی یَه خِدا حُکمی نَه، گِردِ قومون را آشکار آبَه، تا اَوِن ایمان بواَرِن و اِطاعت بِکَرَن-

رومی کلیسارا نامه 6:16

مَگم نیمَزنه که اَگم اِشتَن نوکرونی شیوار که اِطاعت بَکَردین، آدییَه ایی نفری دَس اَ آدَمی نوکرون بَبیرون که اَیی کا اِطاعت بَکَردیرون، چِه گناه نوکر، که مرگی را خَتم بَبی، چِه خِدا اِطاعتی نوکر، که صالحی را خَتم بَبی؟

اوّلین نامَه قورَنتیانیرا 15:34

اِم بیخودی یَه گفون کا که چَوون مَست آبَه ایرونه بِه اِشتَن بایَه و دِ گناه مَکَرَه؛ چوم بعضی اِن اِستینه که خِدا آنِزونِن. اِمی بَواتیم تا شرمَنده بِبییَه.

دوومین نامه قرنتیانیرا 10:5

اَمَه، هر بحثی و هَر کسی که خِدا دانایی ضِد یال یالَه نظر بَدای، از بِین بَبَردیمون و هَر فیکری، مجبور بَکَردیمون مسیح کا اِطاعت بِکَرِه.

نامه غلاطیَه کلیسارا 3:1

اِی نادونَه غَلاطیِین، کی شِمَه جادو کَردَشه؟ عیسایِ مسیح مَرگ هِندی شِمَه را آشکارا واتَه بَه که اِنگاری اَ شِمَه چِمون پیشی کا مصلوب بَه.

نامه غلاطیَه کلیسارا 4:8

چِمی بَه پیش، اَ وختی که خِدا آنِزونیرون، چیونی نوکر بیرونَه، که حقیقتَن خِدا اون نینَه.

اوّلین نامَه تَسالونیکی کلیسا را 4:5

نِه شهوت و هَواهَوسی کا، اَ غیریهودیونی شیوار که خِدا آنِزونون؛

نامَه، عِبرانیه نَتاجَه مسیحیونرا 10:27

ولی اَ چیی که باقی بَمَندی، تَرسی نَه منتظر بییِه، مجازات و ایلَه بَرکَ آتشی که خِدا دِشمَنون ویبَره.

نامَه، عِبرانیه نَتاجَه مسیحیونرا 10:30

چوم اَمَه اَ کسی که اِمی واتَشه آزونَم: «قِصاص چِمِن شِنَه؛ اَز سِزا بَدایم.» و هِنتَه نی واتَشه: «خِداوند اِشتَن قومی داوری بَکَردی.»

نامَه، عِبرانیه نَتاجَه مسیحیونرا 11:8

ایمانی نَه بَه که وختی اِبراهیم دعوت بَه، اِطاعَت کَردِشه و رایی بَه، شَه اَ جگایی که بَسی بِه ارث بِبَری، و بیدون اِمکه بِزونِه کییا کارا بَشی رایی بَه.

نامَه، عِبرانیه نَتاجَه مسیحیونرا 12:29

چوم که چَمَه خِدا «آتشی شیوارَه که سونِه.»

نامَه، عِبرانیه نَتاجَه مسیحیونرا 2:3

بَس اَگم اَمَه اِنتَه رَه یالَه نجاتی کا غافل بِبییَم، چِنتَه چَیی مجازاتی کا دَوَزَم؟ اِم نِجات اوّل خِداوندی واسطه نَه اِعلام بَه و دومله کسونی واسطه نَه که اَیی دَرَسِشونَه اَمَه را ثابت بَه،

نامَه، عِبرانیه نَتاجَه مسیحیونرا 5:9

و اَ موقع که کامل آبَه، گِردِ کسونی را که اَیی کا اِطاعَت بَکَردین، اَبَدی یَه نجاتی سَرچِشمه بَه.

پطروسی اوّلین نامَه 1:2

کسونی را که طبق خِدای دَده پیشدانی و خِدا روح کاری واسطه نَه که تقدیس‌ بَکَردی، عیسایِ مَسیح اِطاعت کَردِه کا و چَیی خون که چَوون سَری کا پِشَندَه بَه، اِنتخاب بَیینه: فیض و صُلح و سلامتی فَت و فَراوون شِمه را با.

پطروسی اوّلین نامَه 3:6

هَتَه که سارا، اِبراهیمی مطیع بَه و اَیی اِشتَن آقا دَخونی. و اَگَم شِمَه نی چاکی بِکَرَه و اَ چیی کا که تَرس دارِه، مَتَرسَه، سارا خِردَنِن بَبیرون.

پطروسی اوّلین نامَه 4:17

چوم زمانی آرَستِه که داوری، خِدا کَ کا شروع بِبو؛ و اَگم اَمَه کا شروع بِبو، کسونی آخِرعاقبت که خِدا اِنجیلی کا اِطاعت نِکَرِن، چِه بَبی؟

پطروسی دومین نامه 3:7

ولی هَ کلامی نَه، آسِمونون و زمینی که حِسَه بَویندیرون، آتشی را ذخیره بینَه و تا روز داوری، بی دینون هلاکت بییِه را غَم هَرده بَبی.

یهودا نامه 1:7

هِنتَه، سُدوم و عَمورَه و اَطرافی شَهرِن، که چَوون شیوار بی عفتی کَردِشونه و شینَه اَ هَرزگی دومله که بَدَنی را غِیر طبیعی بَه، اَبَدی یَه آتشی دیلَه کا مجازات بَبین، تا ایلَه درس عِبرتی بِبون گِردی را.

یوحنا موکاشیفَه 20:10

و اِبلیس، که اَوون گول ژَندَش بَه، آتش و گوگِردی دریاچه دیلَه کا دَرَفَنده بَه، جِگایی که اَ وَحشی یَه حَیوون و اَ دوروعی نَه پیغمبر دَرَفَندَه بینَه. اِمن شَو اَندَه روز تا اَبَد و تا اَبَد عذاب بَکَشدین.

یوحنا موکاشیفَه 21:8

ولی تَرسو اِن و بی ایمانِن و فاسِدِن و آدَمکِشِن و زِنا کارِن و جادوگرِن و بُت‌پرستِن و گِردِ دروعَه واجِن، چَوون گِردی سهم، دریاچه ای بَبی که گوگِرد و آتشی نَه وَش گِتَشه. اِم دوّمین مَرگَه.»

یوحنا موکاشیفَه 6:10

اَوِن بِلند سَسی نَه خِلِع بَکَردین و بَواتین: «اِی خِداوندی که قادر و قدّوس و حَقّیش، تا کَینی داوری نِکَری و چَمَه خونی تقاصی زمینی مردمی کا، نِویگِری؟»