پطروسی دومین نامه 3:2 - کتاب مقدس به زبان تالشی شمالی

² تا اَ کلامی که مقدّس پِیغمبرِن پیشتَری واتَشون بَه و خِداوند و چَمَه نجات‌دهندۀ حُکمی که رسولون واسطه نَه شِمَه آدوشَه، ویر بواَرَه.

کتاب مقدس به زبان تالشي - گویش مرکزی

² تا اَ کلامی کن موقدَسه پَیغمبَرن چیمی بَه نَه واتَشون بَه، و چَمه خداوند و چَمه نیجات اَدری حِکم کن رسولون واسیطنه شِمَشون دوعَیَه، یاد آرَفنَه.

پطروسی دومین نامه 3:2 Iomraidhean Croise

انجیل لوقا 1:70

درست هَتَه که قدیمی کا اِشتَن مقدّس پیغمبرون زوونی کا وعده دوعَش بَه که

انجیل لوقا 24:27

دومله موسی توراتی کا و گِرد پیغمبرون نیویشته اون کا شروع کَردِشه و اَ چَیونی که گِردِ مقدّس نیویشته اون کا چَیی درباره نیویشته بییَه بَه چَوون را توضیح دوشَه.

انجیل لوقا 24:44

دومله اَوون نَه واتِشه: «اِم هَ چیی یَه که وختی حَلا شِمَه نَه بیمَه بَواتیم. شِمَه نَه واتِمَه هَر چیی که موسی توراتی کا، پیغمبرون نیویشته اون کا و داوودی مزموری کا، چِمِن درباره نیویشته بییَه بَسی اِتِفاق دَلَکِه.»

رَسولون اَعمال 10:43

گِردِ پیغمبرِن عیسی درباره شهادتی بَداین که هَر کسی بَیی ایمان بواَره، چَیی نومی واسطه نَه چَیی گناه اِن بَخشِسته بَبین.»

رَسولون اَعمال 28:23

بَس ایی روز اِنتخاب کَردِشونَه و وِر کَسِن اومینَه پولُسی کَ تا اَیی بِوینِن. اَ صِبی نَه تا شَو، خِدا پاُتشایی درباره اَوون نَه گف ژَنی و تَقَّلا کَردِشه که موسی تورات و پیغمبرون نیویشته اون نَه، عیسی درباره اَوون قانع بِکَرِه.

رَسولون اَعمال 3:18

ولی خِدا هِم راه نَه اَ چیی که گِردِ پیغمبرون زَوونی نَه پیشگویی کَردَش بَه که چَیی مسیح رنج کَشِه، اَنجام دوشَه.

رَسولون اَعمال 3:21

که آسِمون بَسی اَیی قبول بِکَری تا روزونی که گِردِ چییِن طبق اَ چیی که خِدا قَدیمی کا گِردِ اِشتَن مقدّس پیغمبرون زوونی نَه واتَشه، اِتِفاق دَلَکِن.

نامه غلاطیَه کلیسارا 6:2

یَندی بارون بِه دوش بَکَشَه که اِنتَه مَسیح شریعتی بِه جا بواَردیرون.

نامَه اَفسوسی کلیسارا 2:20

شِمَه اَ عِمارتی سَری کا که رسولِن و پِیغمبرِن چَیی پاکار بینَه بینا بیرونه،که مسیحْ عیسی اِشتَن اَ بینا، اَصلی یَه سِنگَه.

نامَه اَفسوسی کلیسارا 3:5

اَ سِرّی که قدیمی یَه نَسلون دیلَه کا، آدَمون زوعَه اون را آشکار آبَه نِبَه، هَتَه که حِسَه روح القدوسی واسطه نَه، چَیی مقدّسَ رسولون و پِیغمبرون را آشکار آبَه.

اوّلین نامَه تیموتائوسیرا 6:14

که اِم حُکمی تا چَمَه خِداوند عیسایِ مَسیح اومِه موقع، بیدون عیب و بیدون سَرکوفت غَم بَری،

پطروسی دومین نامه 2:21

چاکتَر بَه که صِفته نَه، صالح بییِه راه آمَزونین، تا اِم که آزونِستِه پَش، اَ مقدّسَ حُکمی را که اَوون دَسپَرده بییَه، پِشت آکَرِن.

پطروسی دومین نامه 3:15

و چَمَه خِداوندی صَبری نجات بِزونِه، هَتَه که چَمَه عَزیزگِرامی یَه بِرا پولُس نی مطابق اَ حکمتی که بَیی آدوعَه بَه، شِمَه را نیویشتِشه.

پطروسی دومین نامه 3:16

پولُس گِردِ اِشتَن نامه اون دیلَه کا وختی که اِم چییون کا گف ژَنِه، نیویسِه. چَیی نامه اون کا چییونی نیویشته بَیینه که چَوون فَهمِستِه چَتینَه و نادونَ آدَمِن و بی ثُباتِن چَیی دیلَه کا دَس بَبَردین، هَتَه که دییَر مقدّس نیوشته اون نَه اِنتَه بَکَردین، و اِم چَوون نابودی باعیث بَبی.

یوحنا اوّلین نامَه 4:6

اَمَه خِدا کا ایمونه. کسی که خِدا آزونِه، چَمَه گفون گوش بَدای؛ اَ کسی که خِدا کا نییَه، چَمَه گفون گوش نیمَدای. اَمَه، حقیقتی روح و دوروع روح اِنتَه آزونَم.

یهودا نامه 1:17

امّا شِمَه اِی عَزیزِن، چَمَه خِداوند عیسایِ مسیح، رسولون پیشگویی شِمَه ویری کا بِدارَه

یوحنا موکاشیفَه 19:10

دومله چَیی پا پیشی کا بَلَکیمَه تا اَئی پرستش بِکَرِم. امّا اَ مِنَه واتِشه: «اِنتَه مَکَه! چوم که از، تِه و اِشتِه بِرااون نَه که عیسی شهادتی دوعِه مُحکم دَچیکَه ای نَه، هَم خِدمَتی ایمَه. خِدا پرستش بِکَه!» چوم عیسی شهادتی دوعِه، نبوّتی روحَه.