پطروسی دومین نامه 3:15 - کتاب مقدس به زبان تالشی شمالی

¹⁵ و چَمَه خِداوندی صَبری نجات بِزونِه، هَتَه که چَمَه عَزیزگِرامی یَه بِرا پولُس نی مطابق اَ حکمتی که بَیی آدوعَه بَه، شِمَه را نیویشتِشه.

کتاب مقدس به زبان تالشي - گویش مرکزی

¹⁵ و چَمه خداوندی صبری، نیجات بزنَه، هَتَه کن چَمه خاجَتییَه برا پولوس نی چَی دَست آدوعَه حیکمَتی واتَنه، شِمَرا نِوِشتش.

پطروسی دومین نامه 3:15 Iomraidhean Croise

انجیل لوقا 21:15

چوم اَز، شِمَه اِنتَه قدرت گَف ژَندِه و حکمتی بَدایم که هیچ گِله شِمَه دِشمنون کا نیمَشان اَیی نَه مقاومت یا مخالفت بِکَرِن.

رَسولون اَعمال 15:25

اِمی واسی اَمَه یَکدیل اِنتَه صَلاح ویندِمونَه که مِردَکونی اِنتخاب بِکَرَم و اَوون، بَرنابا و پولسی همراه، که چَمَه عزیزی نَه، ویسا آکَرَم شِمَه وَر،

رَسولون اَعمال 7:10

و یوسفی گِردِ چَیی مصیبتون کا نجات دوشَه، و اَیی حِکمت بَخشستِشه و فرعونی نظری کا اَیی عَزیزگرامی کَردِشه، اِنتَه که یوسفی، مِصری فرمانروا و اِشتَن درباری رَئیس کَردِشه.

رَسولون اَعمال 9:17

بَس حَنانیا راه دَلَکه و شَه اَ کَ دیلَه. اِشتَن دَسون پِنوشه چَیی سَری کا، واتِشه: «شائول، بِرا، خِداوند یعنی هَ عیسی که وختی کارا بومَیش اییا، راه کا بَه تِن ظاهر آبَه، مِن ویسا آکَردَشَه تا هَنی اِشتِه بینایی بِه دَس بواَری و روح القدسی کا پور آبی.»

رومی کلیسارا نامه 2:4

یا اِم که خِدا میهرَوونی، تاو و تحمل و چَیی بَرکَ صَبری روک بَزنیش و نیمَزنیش که خِدا میهرَوونی اِمی واسی یَه که تِه راهنمایی بِکَرِه تا توبَه بِکَری؟

اوّلین نامَه قورَنتیانیرا 12:8

چوم که ایی نفری خِدا روح واسطه نَه، حِکمتی کلام آدوعَه بَبی، هَ روح واسطه نَه به ایی نفر دییَر معرفتی کلام.

اوّلین نامَه قورَنتیانیرا 2:13

و اَمَه هِمی کا گَف ژَنَم، اَ نی نِه گفونی نَه که آدَمی یَه حِکمتی کا آموتَمون بِبو، بَلکَم اَ گفونی نَه که خِدا روح بَمون آموجِه؛ و اِمی واسی روحانی یَه حَقیقَتون، کسونی واسی که خِدا روح اِشتَن دیلَه کا دارِن، بَواتیمون.

اوّلین نامَه قورَنتیانیرا 3:10

اَ فیضی نَه که خِدا بَه مِن آدوشَه، ایلَه ماهرَه معماری شیوار پاکار کَندِمه و ایی نفر دییَر اَ پاکاری سَری کا، ساختمون وَج آکَرِه. هَر کسی بَسی ویرا بِبو که چِنتَه وَج آکَرِه.

نامَه اَفسوسی کلیسارا 3:3

که چِنتَه اَ سِرّ، مکاشفه نَه بَه مِرا آشکار آبَه، هَتَه که شِمَه را مختصر نیویشتَمَه.

اوّلین نامَه تیموتائوسیرا 1:16

ولی اِمی واسی مِن رَحم بَه تا عیسی مسیح اِشتَن صَبری که هرگز تمون آنییَب که گناه کارون دیلَه کا یالتَرین بیمَه نیشون بِدَه، تا کسونی را که اَبَدی یَه زِندگی واسی اَیی ایمان بواَردین سَرمشق بِبوم.

یعقوبی نامَه 1:5

اَگم کسی شِمَه دیلَه کا حِکمت نیشَه، اَیی خِدا کا بِپی. هَ خِدایی که دَس دیل بازی نَه و بیدون سَرکوفت ژَندِه، گِردی آدَه، و اَیی نی آدوعَه بَبی.

یعقوبی نامَه 3:17

امّا اَ حکمتی که آسِمونی کا اِستَه، اوّل پاک اِستَه، دومله صلح‌ جو و آروم اِستَه، نصیحتی گوش آکَرِه، و رحمت و چاکَه ثَمرَه کا لِبآ لِب اِستَه و فرق نوعه و دِ دیمی کا دور اِستَه!

پطروسی اوّلین نامَه 3:20

چوم اَ اَرواحی که قدیمَه اَیامی کا نافرمونی کَردَشون بَه، اَ موقع که نوح دورانی کا، کشتی کارا وَج آبی، خِدا صبری نَه منتظر بَه. اَ کَشتی دیلَه کا فقط چَن گِله آدَم، یعنی هَشت نفر بینَه، که آوی واسطه نَه نِجات پیدا کَردِشونَه.

پطروسی دومین نامه 3:2

تا اَ کلامی که مقدّس پِیغمبرِن پیشتَری واتَشون بَه و خِداوند و چَمَه نجات‌دهندۀ حُکمی که رسولون واسطه نَه شِمَه آدوشَه، ویر بواَرَه.

پطروسی دومین نامه 3:9

بَرعکسِ بعضی اِن گمون، خِداوند اِشتَن وعده اَنجام دوعِه کا عَری آنِکَرِه، بَلکَم شِمَه نَه صَبورَه، چوم نِپیستِشه هیچکَس هَلاک بِبو بَلکَم پیستِشَه گِرد توبه بِکَرِن.