پطروسی دومین نامه 2:3 - کتاب مقدس به زبان تالشی شمالی

³ و اِشتَن طمع راه دیلَه کا، دروعَه گفون نَه شِمَه غارت بَکَردین. چَوون محکوم بییِه که پیشتَرون تعیین بییَه بَه، بیکار نِشتَه نییَه و چَوون نابودی خِتَه نییَه!

کتاب مقدس به زبان تالشي - گویش مرکزی

³ اَیِن اِشتَن طمع خونه، حیلَه بازَ گفونَّه بَشِمَه پِنَّتارِست. چیمی بَه نَه چَوون محکومیَت تَیین بَیَه، بیکار نشتَه نییَه و چَوون نیفیت آبِه نِخِتیَه.

پطروسی دومین نامه 2:3 Iomraidhean Croise

مَتّی 23:14

«وای بَر شِمَه، اِی توراتی معلِمِن و فریسییِن، اِی دِ دیمِن! شِمَه ایی طرفی نَه ویوه ژِنکون کَ غارت بَکَردیرون و اَ طرفی نَه نی شِمَه نیشون دوعِه واسی طولانی یَه دعا بَکَردیرون. اِمی واسی، شِمَه مکافات بَرک چَتین تَر بَبی.]

انجیل لوقا 18:8

شِمَه نَه بَواتیم که اَلبَحَل چَوون دادی آرَستِه. امّا وختی اِنسانی زوعَه بومَی، زمینی کا ایمانی کا اَثری پیدا بَکَردی؟»

انجیل لوقا 20:20

بَس اَوِن عیسی زیر نظر گِتِشونَه و جاسوسونی ویسا آکَردِشونَه که اِشتَن صاف و صادِق نیشون بَداین تا عیسی گفون کا بهونه ای پیدا بِکَرِن، که عیسی بِکَشونِن فرمانداری مَحکمَه را.

انجیل لوقا 22:47

عیسی حَلا کارا گَف ژَنی که ایلَه یالَه جماعتی راه نَه آرَستینَه. یهودا که ایلَه اَ دونزَه گِله شاگِردون کا بَه، اَوون هدایت بَکَردی. یهودا اومَه عیسی وَر تا اَیی ماچ بِکَرِه،

یوحنا 2:16

و کَفتر خِرَشون نَه واتِشه: «اِمون اییا کا بِرون بِبَره، چِمِن دَده کَ محل کسب و کار آمَکَرَه!»

رومی کلیسارا نامه 16:18

چوم که اِنتَه رَه آدَمِن چَمَه خِداوند مسیح خِدمت نِکَرِن، بَلکَم اِشتَن اِشکمی فیکری کا اینه و قَشنگَ گفون و چاپلوسی نَه، سادَه آدَمون گول ژَنِن.

دوومین نامه قرنتیانیرا 2:17

چوم که اَمَه اَ آدَمون شیوار نیمونه که منفعتی را خِدا کلامی خِرَشِن، بَلکَم اَمَه خِدا چِمی پیشی کا، مسیح کا گف ژَنَم. اَ آدَمونی شیوار که خالِصَه نیَّتون دارِن و خِدا طرفی کا ایینه.

اوّلین نامَه تَسالونیکی کلیسا را 2:5

چوم که اَمَه هرگز دِجِگا بوگویی کَردَه نیمونه، هَتَه که بَزنیرون، خِدا شاهِدَه- چَمَه گفِن بهونه ای نِبَه طمع کردِه را.

اوّلین نامَه تَسالونیکی کلیسا را 5:3

اَ موقع که مردم بَواتین: «صُلح و سلامتی و اَمن و اَمانَ»، دومله ایی دَفعه هَلاکت چَوون دومَنی بَگتی، هَتَه که ایلَه حامیله ژِنی زَندِه داجی بِگِرِه، و اَوِن نیمَشان دَوَزِن.

اوّلین نامَه تیموتائوسیرا 3:3

نِه عَرقَ هَر و زور گو، بَلکَم آروم بِبو؛ و نِه جنگی و پولدوست.

اوّلین نامَه تیموتائوسیرا 3:8

اِنتَه نی شَماسِن بَسی باوَقار بِبون، دِ دیم مَبون، شَراوی گیریفتار مَبون، نادُرستَ سودی را حِرص مَژَنِن.

اوّلین نامَه تیموتائوسیرا 6:5

و دائم مردمی دیلَه کا جنگ و جَدلی باعث بَبی که چَوون فیکر فاسد بییَه و حقیقتی کا بی نصیبی نَه و خَیال بَکَردین دینداری، وسیله ای اِستَه منفعتی را.

نامَه تیتوسیرا 1:11

چَوون گَ بَسی دَوَسی، چوم که اَوِن گِردِ خانواده اون پاشونِن، و ناحَقَ سودی واسی اَ چییونی تعلیم بَداین که نَبی تعلیم بِدَن.

نامَه تیتوسیرا 1:7

چوم که ایلَه ناظر که خِدا مُباشِرَه، چَیی زندگی کا نَبی چیی بِبو که چَیی واسی سرکوفت بَرِه. اَ نَبی مغرور بِبو یا تِند اَخلاق یا عَرقَ هَر بِبو یا زورگو بِبو یا پولی را حرص بِژَنِه،

پطروسی اوّلین نامَه 2:8

و، «سِنگی که لغزشی باعیث بِبو، و صخره‌ای که بَلَکِه باعیث بِبو.» اَوِن بَلَکِن زمین چوم خِدا کلامی کا اِطاعت نِکَرِن، هَتَه که اِم کاری را مُعَین بییَه.

پطروسی اوّلین نامَه 5:2

رَمَه ای که خِدا شِمَه دَس دَسپاردَشَه شوونَه تی و نظارت بِکَرَه، نِه زور زورکی، بَلکَم میل و رِغبتی نَه، هَتَه که خِدا پیستِشَه؛ و نِه شرم آوَرَه سودی را بَلکَم شوقی نَه.

پطروسی دومین نامه 1:16

چوم اَ موقع که چَمَه خداوند عیسایِ مَسیح قوّت و چَیی اومِه شِمَه را اِعلام بَکَردیمون، داستانونی دومله نِشیمونَه که زیرنگی نَه وَج آبَیینه، بَلکَم چَیی شکوه و جلالی چَمَه چِمون نَه ویندَمون بَه.

پطروسی دومین نامه 2:1

امّا قوم اِسرائیلی دیلَه کا، دروعَه پِیغَمبرِن نی بینَه، هَتَه که شِمَه دیلَه کا نی دوروعَه مُعلمِن نی بومَین، که نِینکی غَلطَه تعلیمون بواَردین که بَشای بِکِشِه و هَ اَربابی که اَوون خِرییَشه، حاشا بَکَردین و اِنتَه، نا خَوَرِه بَلایی اِشتَن سَر بواَردین.

پطروسی دومین نامه 2:9

بَس خِداوند بَزنی که چِنتَه صالحَ آدَمون آزمایشون کا نِجات بِدَه و آدَمی که صالِح نییَه داوریَ یَه روزی مکافاتی را غَم بَرِه،

یهودا نامه 1:11

وای بِه حال اَوون! چوم هَ راهی شینَه که قائن شَه، و اِشتَن منفعتی واسی، بَلعامی غَلَطَه راه دیلَه کا دَلَکینه و قورَح شورشی دیلَه کا، هلاک بینَه.

یهودا نامه 1:15

تا گِردی داوری بِکَرِه و گِردِ بی دینون چَوون گِردِ شَرورانه کارون واسی که بی دینی کا کَردَشونه محکوم بِکَرِه، و گِردِ اَ زِشته گفونی واسی که بی دینَ گناهکارِن چَیی ضِد واتَشونه، محکوم بِکَرِه.»

یهودا نامه 1:16

اِمِن غُرغُر بَکَردین و دائِم ایراد گِرِن و اِشتَن گناه آلودَه پیسته اون دومله اینه؛ اَوِن مغروری نَه و تَکَبُری نَه گَفون بَواتین و اِشتَن منَفتعی را مردمی دیلَه کا فرق بَناین.

یهودا نامه 1:4

چوم مردمونی که قدیمی نَه چَوون محکومیت تعیین بییَه، نِینَکی شِمَه دیلَه کا رَخنه کَردَشونه. اِمِن بی دینونی اِستینه که چَمَه خِدا فیضی تبدیل بِه عَیاشی بَکَردین و عیسایِ مسیح، تنها ارباب و چَمَه خِداوندی، هاشا بَکَردین.

یهودا نامه 1:7

هِنتَه، سُدوم و عَمورَه و اَطرافی شَهرِن، که چَوون شیوار بی عفتی کَردِشونه و شینَه اَ هَرزگی دومله که بَدَنی را غِیر طبیعی بَه، اَبَدی یَه آتشی دیلَه کا مجازات بَبین، تا ایلَه درس عِبرتی بِبون گِردی را.