دوومین نامه قرنتیانیرا 8:6 - کتاب مقدس به زبان تالشی شمالی

⁶ اِمی واسی، اَمَه تیتوسی کا پیستِمونه هَتَه که پیشتری اِشتَن اوّلین قدمون پِگِتَش بَه، حِسَه نی اَ خیرَه کاری شِمَه دیلَه کا تَمون آکَرِه.

کتاب مقدس به زبان تالشي - گویش مرکزی

⁶ هِمی خونه، تیتوسیکا اَپیمون بَه هَتَه کن چیمی بَه نَه اِشتَن اولین قدمِش پِگتَه به، ایسَه نی خَیرَ کاری شمَه دلَکا تَمون آکَرَ.

دوومین نامه قرنتیانیرا 8:6 Iomraidhean Croise

رَسولون اَعمال 24:17

«حِسَه اَز چَن سالَه پَش، شیمَه اورشلیم تا چِمِن قومی نیازمندون را صدَقه اونی بِبَرم و قِربونیونی بِکَرِم.

رومی کلیسارا نامه 15:25

حِسَه اورشلیمی را رایی ایمه تا اوآکا مقدّسون را کمک مالی بِبَرِم،

دوومین نامه قرنتیانیرا 12:18

از تیتوسی کا خواهیشت کَردِمَه که با شِمَه وَر و چَمَه بِرا نی چَیی همراه ویسا آکَردِمَه. مَگم تیتوس شِمَه کا منفعتی بَردِشه؟ مگم اَمَه ایلَه روح کا عمل نِکَردِمونه؟ مَگم اَمَه یَندی نَه ایلَه راه نِشیمونه؟

دوومین نامه قرنتیانیرا 2:13

امّا هَنی آروم قَرار نِداریم چوم که چِمِن بِرا، تیتوسی نِتلَفتِمَه. بَس اوآ اَهالی نَه خِداحافظی کَردِمه، شیمَه مقدونیَه منطقه را.

دوومین نامه قرنتیانیرا 8:10

از چِمِن نظری اِم جریانی درباره بَواتیم: اِم بِه نفع شِمَه یَه، پارسال، شِمَه نِه فقط اِم خِیرَه کاری اَنجام دوعِه کا، بَلکَم چَیی اَنجام دوعِه ذوق و شوقی کا نی پیش دَلَکیرونه.

دوومین نامه قرنتیانیرا 8:19

و نِه فقط اِم، بَلکَم اَ بِرا کلیسااون طرفی نَه مُعیَن بییَه تا اِم خِیرَه کاری اَنجام دوعِه و اِدارَه کَردِه کا که چَمَه وظیفه یَه اَمَه نَه هَمسَفَر بِبو. اَ کاری که خِداوندی جلالی رایَه و چَمَه خیرخواهی نیشون بَدای.

دوومین نامه قرنتیانیرا 8:23

تیتوسی درباره بَسی بوآجِم که اَ خِدمتی کا که شِمَه بَکَردیرون چِمِن شریک و همکارَه؛ و چَمَه برااون دربارَه نی بَسی بوآجِم که اَوِن کلیسااون ویسا آکَردَه و مسیح جلالی نَه.

دوومین نامه قرنتیانیرا 8:4

بیدون دِدیمی وِر اَمَه مِنت کَردِشونه و پیستِشونَه اِم خِدمتی کا که مُقدسون را یَه شریک بِبون.

دوومین نامه قرنتیانیرا 9:5

بَس واجِب ویندِمَه که بِرااون کا بِپیم که نارنارِه شِمَه ویندِه را بان و اَ هدیه اونی که وعده دوعه رون بَه، تدارک بِوینِن. تا اِم هدیه، هدیه‌ای بِبو که شِمَه میلی نَه آدوعَه رونه نِه زوری نَه.

نامَه فیلیپی کلیسا را 4:18

شِمَه کُمکِن کامل آرَستینَه چِمِن دَس و چِمِن اِحتیاجی کا نی وِرتَر هِستِمه. حِسَه که شِمَه کمکی که اِپافْرودیتوسی واسطه نَه بَه مِرا ویسا آکَردَرونَه، ویگتَمَه، حسابی تامینیمَه، شِمَه هدیه خوشبویَه عطر و مَقبولَه قِربونی یَه که خِدا راضی بَکَردی.

پطروسی اوّلین نامَه 4:10

شِمَه هَر کَمیله طبق اَ عَطیه ای که ویگِتَرونَه، اَیی یَندی خدمَت کَردِه را بِه کار بِگرَه، ایلَه خِدمتکاری شیوار که خِدا جور بَه جورَه فیضی را خِدمت بَکَردی.