دوومین نامه قرنتیانیرا 8:2 - کتاب مقدس به زبان تالشی شمالی

² چوم که اَوِن مصیبتی واسی، بَرک آزمایش بینَه، ولی بی حَد و اَندازه شادی نَه و با اِم که وِر فقیری نَه، ولی دَس دیل بازی نَه.

کتاب مقدس به زبان تالشي - گویش مرکزی

² اِمی خونه کن اَیِن موصیبَتی خونه، بَرک وَرداورد آبین، ولی بَرک خَشین و با اِمکن خَیلی دَس دَریسین، ولی دستو دلبازینَه.

دوومین نامه قرنتیانیرا 8:2 Iomraidhean Croise

مَتّی 20:15

بَگم اَز حق نِدارِم چِمِن مالی نَه هَر چِه پیستِمَه بِکَرِم؟ چِم نِداری چِمِن دَس و دیل بازی بِوینی؟“

رومی کلیسارا نامه 12:8

اَ کسی که تشویق بَکَردی، تشویق بِکَرِه. اَ کسی که کمک بَکَردی، دَس دیل بازی نَه کمک بِکَرِه. اَ کسی که رَهبری بَکَردی، اِم کاری غیرتی نَه بِکَرِه. و کسی که دییَرون را رَحم بَکَردی و میهروونی بَکَردی، شادی نَه اِم کاری بِکَرِه.

رومی کلیسارا نامه 2:4

یا اِم که خِدا میهرَوونی، تاو و تحمل و چَیی بَرکَ صَبری روک بَزنیش و نیمَزنیش که خِدا میهرَوونی اِمی واسی یَه که تِه راهنمایی بِکَرِه تا توبَه بِکَری؟

دوومین نامه قرنتیانیرا 1:12

چوم چَمَه اِفتخار، چَمَه وجدانَه که گواهی بَدای، که اِم دنیا کا اَمَه رو راستی و صاف و صادقی نَه که خِدا کا یَه رفتار کَردِمونه، نِه آدَمی حِکمَتی نَه، بَلکَم خِدا فیضی نَه رفتار کَردَمونه مخصوصن شِمَه نَه.

دوومین نامه قرنتیانیرا 2:9

چوم اِمی واسی شِمَه را نیویشتِمه تا شِمَه اِمتحان بِکَرِم و بِوینِم که هَر دستوری کا فرمان بَبَردیرون یا نِه؟

دوومین نامه قرنتیانیرا 6:10

اَمَه نَه غمگینون شیوار رفتار بَبی، با اِم حال هَمَش شادیمونه؛ اَمَه نَه نَدارون شیوار رفتار بَبی، با اِم حال وِرکَسون پولدار بَکَردیمون؛ اَمَه نَه جوری رفتار بَبی که اِنگاری هیچی نِدارَم، با اِم حال همه چیی صاحابیمونَه.

دوومین نامه قرنتیانیرا 9:11

شِمَه هَر چیی کا دولتمند بَبیرون تا بِشایَه هَر چیی کا دَس دیل باز بِبییَه، و شِمَه اِم دَس دیل باز بییِه چَمَه واسطه نَه خِدا شُکرکَردِه را ختم بَبی.

دوومین نامه قرنتیانیرا 9:13

و اِم خِدمتی واسی مردم خِدا جلالی بَویندین، چوم که شِمَه نِه فقط اِعتراف بَکَردیرون مسیح اِنجیلی ایمان هِستِرونه، بَلکم اَوون و دییَرون اَ چیی دیلَه کا که هِستِرونه شریک بَکَردیرون.

اوّلین نامَه تَسالونیکی کلیسا را 1:6

شِمَه اَمَه کا و خِداوندی کا سَرمشق گِتِرونه، چوم وِرَه رَنجون کا، خِدا کلامی، اَ شادی نَه که روح القدوس آدَه قبول کَردِرونه.

اوّلین نامَه تَسالونیکی کلیسا را 2:14

چوم اِی بِرااِن، شِمَه خِدا کلیسااونی کا سَرمشق گِتِرونه که یهودیَه ولایتی کا مسیحْ عیسی کا اِستینه. چوم که شِمَه نی شِمَه هموطنون کا، هَ اَذیت آزارون ویندِرونه که اَوِن یهودیون کا ویندِشونَه،

یعقوبی نامَه 2:5

عزیزَه بِرا اِن، گوش بِدییَه! مَگم خِدا اِم دنیا فَقیرون اِنتخاب کَردَه نیشه تا ایمانی کا دولتمند بِبون و اَ پاُتشایی بِه اِرث بِبَرِن که خِدا، بِه کسونی وعده دوعَشَه که اَیینه خِشینَه؟

یوحنا موکاشیفَه 2:9

اِشتِه عذاب و نَداری کا خَوَرداریمَه، ولی تِه دولتمَندیش! و اَ آدَمون اِفترا کا خَوَر دارِم. که بَواتین یهودی نَه ولی نینَه، بَلکَم شیطونی عِبادتگاه اینَه.