دوومین نامه قرنتیانیرا 7:2 - کتاب مقدس به زبان تالشی شمالی

² شِمَه دیلی دیلَه کا اَمَه جِگا بِدییَه. اَمَه کسی حَقی کا بَدی کَردَه نیمونَه، هیچکسی خَراو کَردَه نیمونَه و هیچکسی کا سواِستفاده کَردَه نیمونَه.

کتاب مقدس به زبان تالشي - گویش مرکزی

² اَمه شمَه دِلیکا جِگا بدَرَ. امَه کَسی حقیکا بدی کَردمون نییَه، کَسیمون خراو آکَردَ نی و کَسیکا سوایستفادَمون نِکردیَه.

دوومین نامه قرنتیانیرا 7:2 Iomraidhean Croise

مَتّی 10:14

اَگم کسی شِمَه قبول مَکَرِه یا شِمَه گفون گوش مَدَه، وختی‌ اَ کَ یا اَ شهری کا بَشیرون، اوآ خاکی شِمَه پا کا نی تَکان بِدییَه.

مَتّی 10:40

«هَر کسی شِمَه قبول بِکَرِه، مِن قبول کَردَشه و کسی که مِن قبول بِکَرِه، اَ کسی که مِن ویسا آکَردَشَه قبول بَکَردی.

انجیل لوقا 10:8

هَر وخت ایلَه شهری دیلَه دَشیرونَه و شِمَه قَبول کَردِشونَه، هَر چیی که شِمَه ناری کا بَناین، بَرَه.

رَسولون اَعمال 20:33

چِمِن چِم هیچکسی طِلا، نقره و یا خَلا دومله نِبَه.

رومی کلیسارا نامه 16:18

چوم که اِنتَه رَه آدَمِن چَمَه خِداوند مسیح خِدمت نِکَرِن، بَلکَم اِشتَن اِشکمی فیکری کا اینه و قَشنگَ گفون و چاپلوسی نَه، سادَه آدَمون گول ژَنِن.

دوومین نامه قرنتیانیرا 1:12

چوم چَمَه اِفتخار، چَمَه وجدانَه که گواهی بَدای، که اِم دنیا کا اَمَه رو راستی و صاف و صادقی نَه که خِدا کا یَه رفتار کَردِمونه، نِه آدَمی حِکمَتی نَه، بَلکَم خِدا فیضی نَه رفتار کَردَمونه مخصوصن شِمَه نَه.

دوومین نامه قرنتیانیرا 11:16

هَنی بَواتیم: کسی مِن بیفَهم مَزونه. امّا اَگم اِنتَه بَکَردیرون نی، حداقل ایلَه بیفَهمَه آدَمی شیوار مِن قبول بِکَرَه، تا از نی بِشام روکَتِه اِفتخار بِکَرِم.

دوومین نامه قرنتیانیرا 11:9

و مدتی که شِمَه دیلَه کا بیمَه و محتاج بیمَه، هیچکسی دوشی سَری کا باری پنوعَه نیمَه، چوم بِرااِنی که مقدونیه ولایتی کا اومینَه چِمِن اِحتیاجاتی بَر طرف کَردِشونَه. و از هیچ جورَه شِمَه دوشی سَری کا باری نوعَم نِبَه و چِمی بِه دومله نی نِنَم.

دوومین نامه قرنتیانیرا 4:2

بَلکَم نِینَکی راه اون کا و شرم آوَرَه راه اون کا دوری کَردَمونه و کلاهبرداری نَه ناری را نِشییَم و خِدا کلامی دَستکاری نِکَرَم بَلکَم حَقیقَتی واضِح بَواتیمون، تقّلا بَکَردیمون خِدا حضوری کا گِردی وجدانی کا تصدیق بِبییَم.

نامَه فیلیپی کلیسا را 2:29

بَس خِداوندی کا، اَیی تمون شادی نَه قبول بِکَرَه و اِنتَه رَه کسون حُرمتی بِدارَه،

نامَه کُولُسی کلیسا را 4:10

آریستارخوس که مِنه زندانی کا اِستَه، شِمَه را سلام آرِساوونه؛ اِنتَه نی مَرقُس، بَرنابا عمو زوعَه، که پیشتری، دربارَه چَیی شِمَه سفارش کَردِمه که هَر موقع با شِمَه وَر، گَرمینه اَیی قبول بِکَرَه.

اوّلین نامَه تَسالونیکی کلیسا را 2:10

شِمَه شاهدیرونه و خِدا نی شاهِدَه که اَمَه شِمَه ایماندارون نَه، چِنتَه مقدّس و صالح و بی‌عیب رفتار کَردِمونه.

نامَه فیلیمونیرا 1:12

از چِمِن جیگر گوشه ویسا آکَرِم اِشتَه وَر.

نامَه فیلیمونیرا 1:17

بَس اَگم مِن اِشتِه رَفِق بَزنیش، اَیی هَتَه قبول بِکَه که مِن قبول بَکَردیش.

یوحنا دوّمین نامَه 1:10

اَگم کسی بومَی شِمَه وَر و اِم تعلیمی مَواَرِه، اَئی شِمَه کَ کا راه مَدییَه و اَیی نَه موآجَه خِش اومَیش؛