دوومین نامه قرنتیانیرا 7:1 - کتاب مقدس به زبان تالشی شمالی

¹ بَس اِی عَزیزِن، حِسَه که اَمَه اِم وعده‌ اون هِستِمونه، بایَه اِشتَن هَرجورَه ناپاکیِ جسم و روح کا پاک آکَرَم و خِدا ترسی نَه، مقدّس بییِه کامل آکَرَم.

کتاب مقدس به زبان تالشي - گویش مرکزی

¹ پس خاجَتی اِن، ایسَه کن اِم وعدَ اِن چَمه شِنَه، بِرَ اِشتَن، روح و جندَکی هر ناپاکیکا پاکیَه آکَرَم و خدا ترسینَه، موقدَّس بِه، کامیل آکَرم.

دوومین نامه قرنتیانیرا 7:1 Iomraidhean Croise

مَتّی 12:33

«اَگم چاکه میوه پیستِرونَه، شِمَه دار بَسی سالِم بِبو، آفَتی نَه دار بَدَه میوه بواَردی؛ چوم داری چَیی میوه کا آزونِن.

مَتّی 5:48

بَس شِمَه بَسی كامِل بِبییَه هَتَه كه شِمَه آسِمونی یَه دَده كاملَه.

مَتّی 5:8

خَسَه بِبو کسونی که دیل پاکی نَه، چوم اَوِن خِدا بَویندین.

رَسولون اَعمال 9:31

اِنتَه کلیسا، گِردِ یهودیه، جَلیل و سامِرَه کا آرامش گِتِشه و قوّت بَگتی. ایماندارِن خِداوندی ترسی کا زندگی بَکَردین و روح القدسی تشویقی نَه هَر روز چَوون تعداد وِر بَبی.

رومی کلیسارا نامه 5:20

حِسَه، شریعت اومَه تا گناه وِر آبو؛ امّا جِگایی که گناه وِر آبَه، فیض نی بَرک وِرتَر آبَه.

اوّلین نامَه قورَنتیانیرا 6:20

چوم شِمَه خِرییِه بییِه را بها آدوعَه بَه، بَس شِمَه بَدنی دیلَه کا خِدا جلال بِدییَه.

دوومین نامه قرنتیانیرا 1:20

چوم خِدا وعده‌ اِن گِرد، عیسایِ مسیح کا ’ها‘ اینه. اِمی واسی چَیی واسطه نَه یَه که اَمَه ’آمین‘ بَواتیمون، تا خِدا جلال بوینِه.

نامَه اَفسوسی کلیسارا 2:3

اَمَه نی گِرد ایی زمانی چَوون دیلَه کا چَمَه جِسمی هَواهوسی دیلَه کا زِندگی بَکَردیمون، و چَمَه جِسمی فیکرون و پیستَه اون اَنجام بَدایمون؛ و بقیه آدَمون شیوار، بینا بِه چَمَه ذات، خِدا غَضَبی محکوم بیمونه.

اوّلین نامَه تَسالونیکی کلیسا را 3:13

و شِمَه دیلون پابَرجا بِکَرِه، تا چَمَه خِداوند عیسی اومِه موقع اِشتَن گِردِ اِشتَن مقدّسون نَه، خِدا و چَمَه آسمونی یَه دَده پیشی کا، بی عیب و مقدّس بِبییَه.

اوّلین نامَه تَسالونیکی کلیسا را 4:7

چوم خِدا اَمَه نِه ناپاکی را، بَلکَم مقدّس بییِه را دَعوت کَردَشه.

اوّلین نامَه تَسالونیکی کلیسا را 5:23

حِسَه، خِدای صُلح و سلامتی، اِشتَن شِمَه تمام کمال تقدیس بِکَرِه، و شِمَه روح و جان و بَدَن تا چَمَه خِداوند عیسایِ مسیح اومِه موقع، بی‌عیب بومونِه.

نامَه، عِبرانیه نَتاجَه مسیحیونرا 12:23

و اوّلین زَندَه اون مجلسی دیلَه کا که چَوون نومِن آسِمونی کا نیویشتَه بییَه، و خِدایی که گِردی داوَرَه و صالِحون روحِن که کامل آبَیینه،

نامَه، عِبرانیه نَتاجَه مسیحیونرا 12:28

بَس بایَه اَ پاُتشایی بِه دَس وَردِه واسی که نِبو اَیی لَرزوندِه، شُکر بِکَرَم. و اِنتَه ایلَه پرستش قابل قبول تقدیم خِدا بِکَرَم که اِحترم و تَرسی نَه بِبو،

نامَه، عِبرانیه نَتاجَه مسیحیونرا 4:1

بَس با اِمکه اَ وعدَه دیلَه دَشییِه چَیی آسایشی دیلَه حَلا پابَرجا یَه، بَترسیمون که نَبادا معلوم بِبو ایی نفر شِمَه دیلَه کا اَ وعده بِه دَس وَردِه را شکست بَرِه.

نامَه، عِبرانیه نَتاجَه مسیحیونرا 6:9

اِی عزیزِن، هَر چَن اِنتَه گَف ژَنَم، امّا شِمَه دربارَه مُطمَیئنیمونَه که چاکتَرَه چییونی که نجاتی شِنی نَه، شِمَه نصیب بَبی.

یعقوبی نامَه 4:8

بِه خِدا نِزدیک آبییَه، که اَ نی شِمَه نِزدیک بَبی. اِی گناه کارِن، شِمَه دَسون پاک آکَرَه، و اِی دِ دیلِن، شِمَه دیلون پاک آکَرَه.

پطروسی اوّلین نامَه 1:15

ولی هَتَه، اَیی که شمه دعوت کَردَشه، قدّوسَه، شمَه نی گِردِ رفتار کرداری کا مقدّس بِبییَه،

پطروسی اوّلین نامَه 1:17

اَگَم اَیی دَده دَخونه که هَر کسی بیدون اِمکه چَیی طرفداری بِکَرِه چَیی اَعمالی داوری بَکَردی، بَس خِداتَرسی نَه غریبی دورانی سَر بِکَرَه،

پطروسی اوّلین نامَه 1:22

حِسَه که حقیقتی کا اِطاعت کَردِه نَه، شِمَه جانون پاک آکَردَرونه، تا بی ریایَه بِرااون نَه محبت بِدارَه، یَندی نَه خالِص و پاکَ دیلی نَه خِش بِبییَه.

پطروسی اوّلین نامَه 2:11

اِی عزیزِن، شِمَه کا که اِم دنیا کا مسافر و غریبیرونَه خواهیشت بَکَردیم که جِسمی هَواهَوسی کا، که شِمَه روح ضِد بَجَنگستین، پَرهیز بِکَرَه.

پطروسی اوّلین نامَه 5:10

و دومله روکَتِه رنج و عذاب کَشِه پَش، خِدای پُور فیض،که شِمَه مسیح کا دَعوت کَردشَه، تا چَیی اَبَدی یَه جلالی کا شریک بِبییَه، شِمَه از نو بینا بِکَردی و پایدار و پُور قدرت و پابَرجا بَکَردی.

یوحنا اوّلین نامَه 1:7

امّا اَگم نوری کا زندگی بِکَرَم، هَتَه که خِدا نوری دیلَه کا یَه، یَندی نَه رَفاقَت اِستِمونه و چَیی زوعَه، عیسی خون، اَمَه گِردِ گناه اون کا پاک آکَرِه.

یوحنا اوّلین نامَه 1:9

اَگم چَمَه گِناه اون اِعتراف بِکَرَم، اَ که وفادار و عادِلَه، چَمَه گناه اون بَبَخشِستی و هَر نادرستی کا اَمَه پاک آکَرِه.

یوحنا اوّلین نامَه 3:3

هَر کسی که اَیی، اِنتَه رَه امیدی اِستِشَه، اِشتَن پاک بَکَردی، هَتَه که اَ پاک اِستَه.