دوومین نامه قرنتیانیرا 6:9 - کتاب مقدس به زبان تالشی شمالی

⁹ اَمَه نَه بی نوم و نیشونون شیوار رفتار بَبی، با اِم حال آزونِسته بَیمونه؛ اَمَه نَه مَردَه اون شیوار رفتار بَبی، با اِم حال بِوینه حَلا زِنده ایمونه؛ اَمَه نَه جوری رفتار بَبی که اِنگاری کارا مجازات بَبیمون، با اِم حال کِشتَه بَه نیمونه؛

کتاب مقدس به زبان تالشي - گویش مرکزی

⁹ امنَه بی نوم و نشونه آدَمی شیوار رفتار بَکن، اِم حالینَه بَمَشون آزنِستَیَه؛ امَنه مردَ آدَمون شیوار رفتار بَکن، اِم حالینه دیسَه هَنوزَنی زِند ایمون؛ اَمنَه هنتَه رفتار بَکن کن اِنگار مجازات بَبیمون، اِم حالینَه، اَمَشون کِشتَشون نی؛

دوومین نامه قرنتیانیرا 6:9 Iomraidhean Croise

رَسولون اَعمال 17:18

ایی گروه فیلسوف اِپیکوری و رَواقی نی اَیی نَه دَمندینَه بَحث کَردِه. بعضی اَوون کا بَواتین: «اِم مِفتَه گفَه ژَن، پیستِشَه چِه بوآجِه؟» بقیه بَواتین: «اِنگاری خِدا اونی تبلیغ بَکَردی که اَمَه را ناشِناسی نَه.» چوم پولس، عیسی و مَردَه اون زندَه آبییِه درباره اَوون را گف ژَنی.

رَسولون اَعمال 19:26

امّا هَتَه که بَویندیرون و دَرَسه، اِم پولس نِه فقط اَفِسُسی کا، بَلکَم تقریباً گِردِ آسیا ایالتی کا، وِرَه یالَ جماعتی قانع و گمراه کَردَشه. اَ بَواتی خِدا اونی که آدَمی دَسی نَه وَج آبَه اینَه، خِداِن نینَه.

رَسولون اَعمال 25:19

بَلکَم اِشتَنِش دینی واسی و عیسی نومی واسی که مَردَه امّا پولس اِدعا بَکَردی که زِنده یَه، اَیی نَه جرّ و بَحث کَردِشونَه.

رَسولون اَعمال 25:26

امّا از حَتمی یَه چیی نِدارِم که اِمپراطوری را بینیویسِم. بَس اَیی وَردِمه شِمَه گِردی وَر، اَلَلخصوص شِمَه وَر، اِی آگْریپاسِ پاُتشا، وَردَمَه تا اَیی کا بازجویی بِکَرَم، و از چیی بِتلَفِم که بینیویسِم.

رومی کلیسارا نامه 15:19

اَ اِمی علامت و مُعجزه اون قدرتی نَه، یعنی خِدا روح قدرتی نَه اَنجام دوعَشَه، هَتَه که اورشلیمی نَه شیمَه تا ایلیریکوم، مسیح اِنجیلی خِدمتی کامل، اَنجام دومَه.

رومی کلیسارا نامه 8:36

هَتَه که مزموری کیتابی کا نیویشته بییَه: «اَمَه، گِردِ روز، اِشتِه واسی مَرگی را بَشیمون؛ و گوسَندونی شِیوار که سَرآبِردِه را حاضیر آبون حساب بَبیمون.»

اوّلین نامَه قورَنتیانیرا 11:32

ولی اَ موقع که خِداوند چَمَه سَر حُکم بَکَردی، اَدَب بَبیمون تا دنیا نَه محکوم مَبییَم.

اوّلین نامَه قورَنتیانیرا 15:31

بِرا اِن، اَ اِفتخاری که چَمَه خِداوند مسیحْ عیسی کا شِمَه درباره اِستِمَه سَر قَسَم، که از هَر روز بَمَردیم.

اوّلین نامَه قورَنتیانیرا 4:9

چوم که از فیکر بَکَردیم خِدا، اَمَه، رسولون گِردی آخِری کا بِه تماشا نوعَشه. کسونی شیوار که مرگی را محکوم بَیینه؛ چوم که اَمَه دنیا، آدَمون و ملائیکه اون را تماشاخانه بَییمونه.

دوومین نامه قرنتیانیرا 11:6

حتی اَگم گفَ ژَنی کا ماهِر مَبوم، دانایی کا چیی کم نیمَه؛ راس راسی اَمَه اِمی هَر لحاظی کا، هَر چی دیلَه کا شِمَه را روشن آکَردَمونه.

دوومین نامه قرنتیانیرا 4:2

بَلکَم نِینَکی راه اون کا و شرم آوَرَه راه اون کا دوری کَردَمونه و کلاهبرداری نَه ناری را نِشییَم و خِدا کلامی دَستکاری نِکَرَم بَلکَم حَقیقَتی واضِح بَواتیمون، تقّلا بَکَردیمون خِدا حضوری کا گِردی وجدانی کا تصدیق بِبییَم.

دوومین نامه قرنتیانیرا 5:11

بَس چوم خِداوندی تَرسی معنی بَزنیمون، مردمی قانع بَکَردیمون. ولی اَ چیی که اِستیمونَه خِدا را آشکارَه و اُمیدوارمَه شِمَه وجدانی را نی آشکار بِبو.