دوومین نامه قرنتیانیرا 6:8 - کتاب مقدس به زبان تالشی شمالی

⁸ عِزّت و ذِلّتی کا، چِه اَمَه بُختون بِژَنِن چِه اَمَه کا تعریف بِکَرِن . اَمَه نَه دَقَلبازون شیوار رفتار بَبی، با اِم حال اَمَه راستَه واجیمونه؛

کتاب مقدس به زبان تالشي - گویش مرکزی

⁸ عیزّت و ذیلّتی کا، چِه اَمه نوم بَندوم بکَن چِه اَمَکا تَریف بِکَن. حیلَه بازون شیوار اَمنَه رفتار بَبییَه، اِم حالینَه اَمه راستَه واج هِستیمون؛

دوومین نامه قرنتیانیرا 6:8 Iomraidhean Croise

مَتّی 10:25

شاگِردی را وَستَه که اِشتَن اُستادی شیوار بِبو و نوکَری را نی وَستَه اِشتَن اَربابی شیوار بِبو. اَگم کَ صاحیبی نَه بِعِلزِبول یا اِبلیس بَواتین، چِندی وِرتَر چَیی کَ اَهالی، بَدَه نومون نَه دَخونِن؟

مَتّی 22:16

فریسییِن اِشتَن شاگِردون، هیرودیسی طَرَفدارون هَمراه ویسا آکَردِشونَه عیسی وَر و دَفَرسِشونَه: «اُستاد، اَمَه بَزنیمون كه تِه مِرد راستگویی اِستیش و خِدا راه، درستی نَه تعلیم بَدایش و بَه تِرا مهم نییِه که خَلک چِه فیکری بَکَردین، چوم که تِه ظاهِری گولی نییَری.

مَتّی 27:63

«آقا! ویرِمون اِستَه كه اَ حُقَّه باز، وختی که حَلا زِنده بَه، واتِشه که، ”از سِه روزه پَش زِنده آبوم.“

مَرقُس 12:14

اَوِن اومینَه عیسی وَر و واتِشونَه: «اُستاد، اَمَه بَزنیمون كه تِه مِرد راستگویی اِستیش و تِرا مهم نییِه که خَلک چِه فیکری بَکَردین، چوم که ظاهِری گولی نییَری، بَلکَم خِدا راه، درستی نَه تعلیم بَدایش. رومی اِمپِراطوری مالیات آدوعِه جایزَه یا نِه؟ بَسی اَیی مالیات آدییَم یا نِه؟»

یوحنا 7:12

و چَیی درباره مردمی دیلَه کا بَرکَ هَمهمه بَه. بعضی بَواتین: «چاکَ مِردی یَه.» امّا بعضی بَواتین: «نِه! بَلکَم مردمی گمراه بَکَردی.»

رَسولون اَعمال 10:22

اَوِن واتِشونَه: «کُرنِلیوس، رومی یَه اَفسر، اَمَه ویسا آکَردَشَه. اَ مِردی دُرستکار و خِدا تَرسَه و یَهودییِن نی گِرد چَیی چاکی بَواتین. اَ ایلَه مقدّس ملائیکه ای کا دَستور گِتَشه که اِشتِه دومله ویسا آکَرِه و تِه دعوت بِکَرِه اِشتَن کَ، و اِشتِه گفون دَرَسِه.»

رَسولون اَعمال 16:39

بَس اومینَه، اَوون کا معذرت خواهی کَردِشونَه و تا زِندانی بِرون اَوون همراهی کَردِشونَه، خواهش کَردِشونَه که شهری کا بِشون.

رَسولون اَعمال 22:12

«دَمِشقی کا، ایلَه مِردی زِندگی بَکَردی که دیندار بَه و شریعتی کاملاً اَنجام بَدای. اَ مِردی نوم حنانیا بَه و گِردِ یَهودیون دیلَه کا، خوشنوم بَه.

رَسولون اَعمال 24:5

«اَمَه را ثابِت بییَه که اِم مِرد، فِتنه گرَه، کسی یَه که گِردِ دنیا یهودیون دیلَه کا شورش بَر پا بَکَردی. هِنتَه نی ناصری فِرقه سَردَسته اون کایَه.

رَسولون اَعمال 28:22

ولی پیستِمونَه اِشتِه نظری دَرَسَم، چوم بَزنیمون که مردم هَر جِگا کا اِم فِرقه ضِد گَف ژَنِن.»

رَسولون اَعمال 4:21

شورا اَعضا، بعد از اِم که پطرس و یوحنا وِر تهدید کَردِشونَه اَوون وِل آکَردِشونَه، چوم مردمی واسی رایی نِتلَفتِشونَه که اَوون مجازات بِکَرِن. چوم که گِردِ مردم، چییونی واسی که اِتِفاق دَلَکه بَه، خِدا ستایش بَکَردین.

رَسولون اَعمال 5:13

امّا بقیه جرئت نِکَرین چَوون مُلحق بِبون، هَر‌ چَن گِردِ مردم اَوون وِر اِحترام بَناین.

رَسولون اَعمال 6:3

بَس اِی بِرا اِن، اِمی واسی شِمَه دیلَه کا هَف نفر که خوش نومی نَه و خِدا روح و حکمتی کا پور بِبون، اِنتخاب بِکَرَه تا اَوون اِم کاری سَری کا بِنییَم.

رومی کلیسارا نامه 3:8

و چیرا مواجَم که: «بایَه بَدی بِکَرَم تا چاکی بِه بار با»؟ هَتَه که بَعضی اَمَه بُختون ژَندَشونه و اِدعا بَکَردین که اَمَه اِنتَه بَواتیمون؟ چِمون محکوم بییِه عادلانه یَه.

دوومین نامه قرنتیانیرا 1:18

خِدا وَفادری سَر قَسَّم، که چَمَه گَف شِمَه نَه ’ها‘ و ’نِه‘ نِبَه.

دوومین نامه قرنتیانیرا 11:21

شَرمندگی نَه بَسی بوآجِم که اَمَه اِم کاری را وِر ضَعیف بیمونَه! امّا اَگم کسی جُرئت بِدارِه چیی را اِفتخار بِکَرَه - از هَنی نادونون شیوار گَف ژَنِم - از نی اِشتَن جُرئت بَدایم اَ جریانی را اِفتخار بِکَرِم.

دوومین نامه قرنتیانیرا 12:16

امّا با اِم که قَبول دارَه از شِمَه دوشی سَری کا باری نوعَه نیمَه، لابُد بَواتیرون از حُقه بازیمَه و حیله نَه شِمَه بِه دَس وَردَمَه.

دوومین نامه قرنتیانیرا 4:2

بَلکَم نِینَکی راه اون کا و شرم آوَرَه راه اون کا دوری کَردَمونه و کلاهبرداری نَه ناری را نِشییَم و خِدا کلامی دَستکاری نِکَرَم بَلکَم حَقیقَتی واضِح بَواتیمون، تقّلا بَکَردیمون خِدا حضوری کا گِردی وجدانی کا تصدیق بِبییَم.

اوّلین نامَه تَسالونیکی کلیسا را 2:3

چوم که چَمَه تشویق، خطا یا ناپاکی یا گول ژَندِه واسی نییَه،

اوّلین نامَه تیموتائوسیرا 3:7

بِعَلاوَه، اَ بَسی کلیسا بِرونی مردمی دیلَه کا نی خوشنوم بِبو تا رِسوا مَبو و اِبلیسی تَلَه کا مَدَلَکِه.

اوّلین نامَه تیموتائوسیرا 4:10

چوم که اَمَه اِمی واسی زحمت کَشَم و تقّلا بَکَردیمون، چوم اَمَه چَمَه اُمیدی خِدای زِنده سَری کا نوعَمونه که گِردِ آدَمون نجات دهنده یَه، بخصوص کسونی که ایمان دارِن.

نامَه، عِبرانیه نَتاجَه مسیحیونرا 13:13

بَس بایَه اَمَه نی اِم اُردوگاه کا بَرشَم بِرون و بِشَم چَیی وَر و چَیی نَنگ و خواری دیلَه کا شریک بِبییَم.

پطروسی اوّلین نامَه 4:14

اَگم مسیح نومی واسی شِمَه فَش بِدَن، خَسَه شِمَه بِبو، چوم روح جلال و خِدا روح شِمَه سَری کا قرار بَگتی.

یوحنا سوّمین نامَه 1:12

گِرد دیمیتریوسی درباره چاک شهادتی بَداین، حتی حقیقت اِشتَن. اَمَه نی اِنتَه شهادتی بَدایمون و بَزنیش که چَمَه شهادتی راستَه.

یوحنا موکاشیفَه 3:9

دَیِس، از کسونی که شیطونی عبادتگاه کا اینَه و اِشتَن یهودی بَزنین ولی نینَه، بَلکَم دوع بَواتین، دَیِس از اَوون وادار بَکَردیم بان و اِشتِه پا جیری کا دَلَکِن تا بِزونِن که از تِنَه خِشیمَه.