دوومین نامه قرنتیانیرا 6:4 - کتاب مقدس به زبان تالشی شمالی

⁴ بَلکَم هَر کاری که بَکَردیمون نیشون بَدایمون که خِدا نوکَرونیمونه: تاو و تحملی نَه مصیبتون کا، سختیون و بَلااون کا،

کتاب مقدس به زبان تالشي - گویش مرکزی

⁴ بَسکَم هر کاری بَکَمون وآمونَم کن خدا وَزییَریمون، موصیبتَونکا، سختییِن و غَرّونکا تاو وَردِ نَه،

دوومین نامه قرنتیانیرا 6:4 Iomraidhean Croise

انجیل لوقا 21:19

شِمَه صبر و تحملی نَه، شِمَه جانی نجات بَدایرون.

یوحنا 16:33

اِم چییون شِمَه نَه واتِمَه تا بَه مِن کا آرامش بِدارَه. دنیا کا شِمَه را بَرکَ زحمت و بَرکَ اَذیت و آزار بَبی؛ امّا شِمَه دیلِن قُرص بِبون، چوم که اَز، دنیا سَر پیروز آبَییمَه.»

رَسولون اَعمال 2:22

«اِی یَهودیِن، اِمی دَرَسَه: هَتَه که اِشتَن بَزنیرون، عیسایِ ناصری مِردی بَه، که خِدا، مُعجزه اون و عجیب چیون و علامتونی نَه که چَیی دَسی نَه شِمَه دیلَه کا ظاهر آکَردِشه، شهادتی دوشَه که اَ، حقیقتَه.

رَسولون اَعمال 20:34

شِمَه اِشتَن بَزنیرون که چِمِن دَسی نَه، چِمِن و چِمِن همراه اون نیازون فَراهم کَردِمَه.

رَسولون اَعمال 9:16

چوم که اَز بَیی نیشون بَدایم که چِمِن نومی واسی چِه عذابی بَسی بِکَشه.»

رومی کلیسارا نامه 14:18

هَر کسی که اِنتَه مَسیح خدمت بِکَرِه، خِدا اَیی قبول دارِه و مردم نی اَیی تصدیق بَکَردین.

رومی کلیسارا نامه 16:10

آپِلیسی را که اِشتَن اِمتحانی مسیح کا پس دوعَشَه، سلام آرِساوونه. آریستوبولُسی خانواده سلام آرِساوونه.

رومی کلیسارا نامه 3:5

امّا اَگم چَمَه ناراستی خِدا راستی آشکار آکَرِه، چِه بَسی بوآجَم؟ مَگم اَ موقع که خِدا اَمَه را غَضَب بِکَردی ظالِمَه؟ از آدَمی شیوار گَف ژَنِم.

رومی کلیسارا نامه 5:8

امّا خِدا اِشتَن محبتی بَمون اِنتَه نیشون دوشَه، اَ موقعی که اَمَه حَلا گناه کار بیمونه، مَسیح چَمَه واسی مَردَه.

اوّلین نامَه قورَنتیانیرا 3:5

مَگم آپولُس کییَه؟ پولُس کییَه؟ اَوِن فقط خادِمونی اِستینه که خِدا هَر کَمیله اَوون ایلَه وظیفه‌ای آدوشَه تا شِمَه چَوون واسطه نَه ایمان بواَرَه.

اوّلین نامَه قورَنتیانیرا 4:1

هَر کسی بَسی بَمون، مسیح خادِمون و مباشِرونی دیدی نَه دَیِسِن که خِدا سِرِن، امّانت دَسپَرده بَیینه بِه اَوون.

اوّلین نامَه قورَنتیانیرا 9:11

اَگم اَمَه روحانی یَه چیون شِمَه دیلَه کا کاشتِمونه، مَگم وِرَه که شِمَه کا کمک مالی ویگِرَم؟

دوومین نامه قرنتیانیرا 11:23

اَوِن مسیح نوکَری نَه؟ از اَوون کا وِرتَریمَه، تورون شیوار گَف ژَنِم! گِردی کا سختتَر کار کَردَمَه، وِرتَر زندان شَه ایمَه، گِردی کا وِرتَر لِس هَردَمَه، وِر مرگی مَزَه چَشَمَه.

دوومین نامه قرنتیانیرا 11:27

بَرک کار کَردَمَه و سختی کَشَمَه، چِه شَوونی که بی‌خواوی کَشَمَه؛ وِشیی و تِشیی کا، وِر وَختون بی غذا مَندَه ایمَه، سَردَه هواکا مَندبیمَه و لُخت و سُخت بیمَه.

دوومین نامه قرنتیانیرا 11:9

و مدتی که شِمَه دیلَه کا بیمَه و محتاج بیمَه، هیچکسی دوشی سَری کا باری پنوعَه نیمَه، چوم بِرااِنی که مقدونیه ولایتی کا اومینَه چِمِن اِحتیاجاتی بَر طرف کَردِشونَه. و از هیچ جورَه شِمَه دوشی سَری کا باری نوعَم نِبَه و چِمی بِه دومله نی نِنَم.

دوومین نامه قرنتیانیرا 12:10

بَس مسیح واسی، ضَعفون کا، فَشون کا، سختیون کا، اَذیت آزارون و بلائون کا، راضی ایمَه. چوم وختی از ضعیفیمَه، بَس قوی ایمَه.

دوومین نامه قرنتیانیرا 12:12

ایلَه واقعی یَه رسولی نیشونه اِن، وِرَه صبر و تحملی نَه شِمَه دیلَه کا آشکار آبَه، علامت و معجزه اونی نَه که قدرتی نَه یَه.

دوومین نامه قرنتیانیرا 2:17

چوم که اَمَه اَ آدَمون شیوار نیمونه که منفعتی را خِدا کلامی خِرَشِن، بَلکَم اَمَه خِدا چِمی پیشی کا، مسیح کا گف ژَنَم. اَ آدَمونی شیوار که خالِصَه نیَّتون دارِن و خِدا طرفی کا ایینه.

دوومین نامه قرنتیانیرا 3:6

خِدا بَه که اَمَه لیاقت آدوشَه تا تازَه عهدی خِدمتکارون بِبییَم- عَهدی که خِدا روح سَری کا پابَرجایَه، نِه اَ چیی سَری کا که فقط ایلَه نِیوشتَیَه. چوم ’نیوشتَه‘ بَکِشتی، امّا خِدا روحْ، زِندگی بَبَخشِستی.

دوومین نامه قرنتیانیرا 4:17

چوم که چَمَه اِم روک و زو دَوییَرِن رَنجِن، اَمَه را اَبَدی یَه جلال بواَردی که اَ رَنجون نَه بَرابری نِکَرِه.

دوومین نامه قرنتیانیرا 4:2

بَلکَم نِینَکی راه اون کا و شرم آوَرَه راه اون کا دوری کَردَمونه و کلاهبرداری نَه ناری را نِشییَم و خِدا کلامی دَستکاری نِکَرَم بَلکَم حَقیقَتی واضِح بَواتیمون، تقّلا بَکَردیمون خِدا حضوری کا گِردی وجدانی کا تصدیق بِبییَم.

دوومین نامه قرنتیانیرا 4:8

اَمَه هَر طَرفی نَه سختی کا ایمونه، امّا خورد آبَه نیمونه؛ سَرگردونیمونه، امّا نا اُمید نیمونَه؛

دوومین نامه قرنتیانیرا 7:11

چوم که دَیِسَه اَ غمی که خِدا را بَه، چِه شوقی شِمَه دیلَه کا بار وَردَشه: البت هِم شوقَه که نیشون بَدای تقصیر کار نیرونه، چِه غِیضی کا، چِه تَرسی کا، چِه دیلتنگی کا، چِه غیرتی کا، چِه مجازاتی کا. شِمَه هَمه جوره ثابت کَردِرونه که اَ قَضییَه کا بی تقصیر بیرونَه.

نامَه کُولُسی کلیسا را 1:11

و تمون قوّتی نَه که چَیی پُرجلال قدرتی کا بومَی، قوّت بِگِرَه تا شادی نَه بَرکَ صبر و تحملی بِدارَه؛

نامَه کُولُسی کلیسا را 1:24

حِسَه اَ زَجرونی کا که شِمَه واسی کَشِمَه شادیمَه و چَیی بَدنی واسی که کلیسا یَه، اَ چیی که مسیح عَذابون کا کَمَه، چِمن جِسمی کا تَلافی بَکَردیم.

اوّلین نامَه تَسالونیکی کلیسا را 3:7

اِمی واسی، اِی بِرااِن، چَمَه گِردِ سَختیون و مصیبتون کا، شِمَه کا شِمَه ایمانی واسطه نَه تَسلی گِتِمونَه.

اوّلین نامَه تَسالونیکی کلیسا را 5:14

اِی بِرااِن، شِمَه کا خواهیشت بَکَردیم که تَنبلون نصیحت بِکَرَه؛ تَرسو اون تشویق بِکَرَه؛ ضَعیفون کمک بِکَرَه؛ گِردی نَه صبور بِبییَه.

اوّلین نامَه تیموتائوسیرا 2:15

امّا ژِن، خِردَن دنیا وَردِه نَه نجات پیدا بَکَردی، اَگم ایمان و مُحبت و مقدّس بییِه کا، نجابَتی نَه بومونِه.

اوّلین نامَه تیموتائوسیرا 4:6

اَگَم اِم چییون بِرااون باموجی، مسیحْ عیسی نوکر بَبیش، که ایمانی کلامی کا و چاکه تعلیمی که چَیی دومله کا ایش، تربیت بَبیش.

اوّلین نامَه تیموتائوسیرا 6:11

امّا تِه که مِردِ خِدا ایش، اِم چییون کا دَوَز، و صالحی، دینداری، ایمان، مُحبت، پابَرجایی و ملایمتی دومله بِبَش.

دِوُّمین نامَه تیموتائوسیرا 1:8

بَس، اِمی واسی که چَمَه خِداوندی را شهادتی بِدَی یا از که چَیی واسی زِندانی کا دَلَکیمَه، عار مَدا، بَلکم تِه نی خِدا قوّتی نَه اِنجیلی واسی عذاب کَشِه کا شریک بِبَش.

دِوُّمین نامَه تیموتائوسیرا 2:24

خِداوندی نوکر نَبی دعوامُرافه بِکَرِه، بَلکَم بَسی گِردی نَه میهروون بِبو، بِشا تعلیم بِدَه و بَدی اون کا صبری نَه تاو بواَرِه.

دِوُّمین نامَه تیموتائوسیرا 4:5

امّا اِشتِه هَواس هَر چیی کا جَمع بِبو؛ عذابون تاو بوعَه، اِنجیلی اِعلام کَردِه کاری اَنجام بِدَه و اِشتِه خدمتی تَمام کمال بِه آخِر آرِساوون.

نامَه، عِبرانیه نَتاجَه مسیحیونرا 12:1

بَس چوم اِنتَه رَه شاهِدونی ایلَه یالَ خِری شیوار اَمَه دور آکَردَشونَه، بایَه اَمَه نی هَر بار و هَر گناهی که بَرک چَمَه دَس و پا کا دَپیچِستَه، اِشتَن کا دور آکَرَم و مقاومتی نَه اِم مسابقه‌ای کا که چَمَه ناری کا نوعَه، بیرویجَم.

یوحنا موکاشیفَه 1:9

از یوحنا، شِمَه بِرا، که عذابی کا و پاُتشایی و مقاومتی که عیسی کایَه، شِمَه نَه شریکیمَه، و خِدا کلام و عیسی شهادتی دوعِه واسی، ایلَه جزیرۀ کا بیمَه که اَیی نَه پاتموس بَواتین.

یوحنا موکاشیفَه 3:10

حِسَه که تِه چِمِن کلامی که مقاومتی دربارَه یَه، غَم هَردِرَه، از نی تِه اَ آزمایشی ساعتی کا غَم بَردیم، اَ ساعتی که تمون دنیا سَر بومَی تا زمینی مردمی، آزمایش بِکَرِه.