دوومین نامه قرنتیانیرا 5:10 - کتاب مقدس به زبان تالشی شمالی

¹⁰ چوم که اَمَه گِرد بَسی مسیح داوری یَه تختی پیشی کا حاضر آبییَم، تا هَر کسی بینا بَر اَ چاک و بَدَه اَعمالی که اِشتَن بَدنی کا زِندگی بَکَردی اَنجام دوعَشَه، سِزا بوینِه.

کتاب مقدس به زبان تالشي - گویش مرکزی

¹⁰ اِمی خونه کن اَمه گِرد پی مَسیح دیوون کَردِ تختی نَه کا حاضیر آبَم، تا هَر کَم اِشتَن چاکَه کارون یا بَدَ کارونی کن اِشتَن تَنیکا زندَگی اَکَریَه اَنجوم دوعَشه، سزا بوینِه.

دوومین نامه قرنتیانیرا 5:10 Iomraidhean Croise

مَتّی 16:27

چوم اِنسانی زوعَه، اِشتَن دَده شکوه و جَلالی کا اِشتَن ملائیکه اون نَه بومَی و اَ موقع هَر کسی طبق چَیی اَعمال، عوض بَدای.

رَسولون اَعمال 10:42

اَ بَمون دستور دوشَه تا اِم حقیقتی قومی را اِعلام بِکَرَم و شهادتی بِدییَم که خِدا اَیی مُعَین کَردَشه تا زِنده اون و مَردَه اون داوَر بِبو.

رَسولون اَعمال 17:31

چوم اَ، ایی روز تعیین کَردِشه که اَیی کا توسط اَ مِردی که مُعیین کَردَشه، عدالتی نَه دنیا داوری بَکَردی، و چَیی زِنده آکَردِه نَه مَردَه اون دیلَه کا، گِردی اِم ماجرا کا خاطِر جَمع کَردَشه.»

رومی کلیسارا نامه 2:16

اِم، اَ روزی کا اِتِفاق دَلکِه که خِدا بینا‌ بَر اَ اِنجیلی که اَز اِعلام بَکَردیم، اِنسانون سِرّون، مسیح عیسی واسطه نَه داوری بِکَرِه.

رومی کلیسارا نامه 6:19

اَز آدَمی زَوونی نَه شِمَه نَه گَف ژَنِم، چوم که آدَمیرونه و شِمَه جسم ضعیفه. چوم هَتَه که پیشتَری شِمَه بَدنی اَعضا، ایلَه نوکری شیوار دَسپردَرون بَه، بِه ناپاکی و بی قانونی دَس که روز بَه روز وِر آبی، بَس حِسَه اَوون دَسپارَه صالِحی نوکری دَس که قدّوسیتی را خَتم بَبی.

اوّلین نامَه قورَنتیانیرا 4:5

بَس هیچی درباره، پیش از موعود قِضاوت مَکَرَه، تا اِم که خِداوند با. هَ خِداوندی که اَ چیی که حِسَه تاریکی کا نِینَه، روشونایی کا نمایان بَکَردی و دیلون نیّتون بَرمَلا بَکَردی. دومله هَر کسی اِشتَن تعریف تَمجیدی، خِدا کا ویگِرِه.

دوومین نامه قرنتیانیرا 7:3

از اِمی نِواجِم تا شِمَه محکوم بِکَرِم. چوم که پیشتری شِمَه نَه واتِمَه که هِنتَه چَمَه دیلی دیلَه کا جِگا دارَه تا یَندی نَه بِمِرَم و یَندی نَه زِندگی بِکَرَم.

نامَه اَفسوسی کلیسارا 6:8

چوم بَزنیرون هَر کسی که چاکَه کار بِکَرِه، چَیی عوضی خِداوندی کا ویگِرِه، چِه نوکر بِبو، چِه آزاد.

نامَه، عِبرانیه نَتاجَه مسیحیونرا 9:27

و هَتَه که تعیین بَه که اِنسان ایی کَرَه بِمِرِه و چَیی پَش داوری بومَی،

پطروسی اوّلین نامَه 4:5

امّا اَیی که آمادَه یَه تا زِنده اون و مَردَه اون داوری بِکَرِه، حساب پَس آدَن.

یوحنا موکاشیفَه 2:23

و چَیی خِردَنون نی هلاک بَکَردیم. اَ موقع گِردِ کلیسا اِن بَزنین که از اَ کسی ایمَه که دیلون و فیکرون گَردِم و شِمَه هَر کمیلَه را طبق شِمَه کارون، عَوض آدَم.

یوحنا موکاشیفَه 22:12

«دَیِس، از هِم زودیون بومَیم و چِمِن اَ پاداشی که بَسی آدَم، اِشتَن نَه بواَردیم تا هَر کسی طبق اَ کاری که کَردَشَه عوض آدَم.