دوومین نامه قرنتیانیرا 4:8 - کتاب مقدس به زبان تالشی شمالی

⁸ اَمَه هَر طَرفی نَه سختی کا ایمونه، امّا خورد آبَه نیمونه؛ سَرگردونیمونه، امّا نا اُمید نیمونَه؛

کتاب مقدس به زبان تالشي - گویش مرکزی

⁸ اَمه هَر طَرفیکا سختیکا مونَه، ولی فِل آبَه نیمون؛ حَیرونیمَه، ولی نا اومید نیمون؛

دوومین نامه قرنتیانیرا 4:8 Iomraidhean Croise

یوحنا 14:18

«شِمَه یتیم نییَرزِم؛ بومَیم شِمَه وَر.

اوّلین نامَه قورَنتیانیرا 10:13

هیچ آزمایشی شِمَه را اومَه نییَه که اَلباقی مردمی را اومَه مَبو. خِدا وفادارَه؛ اَ نییَرزِه که شِمَه تَوانی کا وِرتَر آزمایش بِبییَه، بَلکَم آزمایشی موقع نی، ایلَه راهی دَوَشته را بَنای تا شِمَه چَیی تاو و تحملی بِدارَه.

دوومین نامه قرنتیانیرا 12:10

بَس مسیح واسی، ضَعفون کا، فَشون کا، سختیون کا، اَذیت آزارون و بلائون کا، راضی ایمَه. چوم وختی از ضعیفیمَه، بَس قوی ایمَه.

دوومین نامه قرنتیانیرا 6:12

اَمَه، چَمَه محبتی شِمَه کا دریغ نِکَردِمونه. بَلکَم شِمَه ایرونه که شِمَه محبتی اَمَه کا دریغ کَردِرونه.

دوومین نامه قرنتیانیرا 6:4

بَلکَم هَر کاری که بَکَردیمون نیشون بَدایمون که خِدا نوکَرونیمونه: تاو و تحملی نَه مصیبتون کا، سختیون و بَلااون کا،

دوومین نامه قرنتیانیرا 7:5

چوم وختی که حتی اَمَه آرَستیمونه مقدونیه، چَمَه اِم جان اِستراحت نِکَردِشه، بَلکَم هَر طرفی نَه اَمَه مصیبتی دیلَه کا بیمونَه- بِرونی کا دعوا مُرافه مون اِستبَه، و دیلی دیلَه کا تَرس.

نامه غلاطیَه کلیسارا 4:20

کَشکی حِسَه از شِمَه وَری کا بِبیم تا ایی جور دییَر گف بِژَنِم، چوم شِمَه درباره مات و مبهوتیمَه.