دوومین نامه قرنتیانیرا 2:13 - کتاب مقدس به زبان تالشی شمالی

¹³ امّا هَنی آروم قَرار نِداریم چوم که چِمِن بِرا، تیتوسی نِتلَفتِمَه. بَس اوآ اَهالی نَه خِداحافظی کَردِمه، شیمَه مقدونیَه منطقه را.

کتاب مقدس به زبان تالشي - گویش مرکزی

¹³ ولی هَنی تَفشیش بیمه اِمی خونه کن اِشتَن برا تیتوسی پَیدام کَردَ نِبه. پس اَ جِگا آدَمونَّه خداحافیظی کردِمه و منطقه مَقدونیَه را شیم.

دوومین نامه قرنتیانیرا 2:13 Iomraidhean Croise

مَرقُس 6:46

مردمی ویسا آکَردِه پَش، عیسی اِشتَن شَه کوه تا دعا بِکَرِه.

رَسولون اَعمال 21:6

خداحافظی کَردِه پَش، کَشتی دَنشتیمونَه، و اَوِن نی آگَردِستینَه اِشتَن کَ اون را.

رومی کلیسارا نامه 15:26

چوم مقدونیه و اَخائیه کلیسااِن پیستِشونَه که اورشلیمی فقیرَه مقدسون را کمک مالی جَمع آکَرِن.

دوومین نامه قرنتیانیرا 12:18

از تیتوسی کا خواهیشت کَردِمَه که با شِمَه وَر و چَمَه بِرا نی چَیی همراه ویسا آکَردِمَه. مَگم تیتوس شِمَه کا منفعتی بَردِشه؟ مگم اَمَه ایلَه روح کا عمل نِکَردِمونه؟ مَگم اَمَه یَندی نَه ایلَه راه نِشیمونه؟

دوومین نامه قرنتیانیرا 7:13

اِمی واسی اَمَه تَسلی هِستِمونه. چَمَه اِشتَن تَسلی یَه غِیراز، اَمَه تیتوسی ویندِه نَه وِرتَر شاد آبیمونه، چوم که چَیی روح شِمَه گِردی واسی تازه آبَه.

دوومین نامه قرنتیانیرا 7:14

چوم که از چَیی وَری کا هَر نظری کا شِمَه را اِفتخار کَردِمَه و شِمَه مِن شرمنده نِکَردِرونه. بَلکَم هَر چیی که شِمَه نَه واتِمونَه دُرست بَه، ثابت بَه که چَمَه اِفتخار تیتوسی وَری کا بِه جا بَه.

دوومین نامه قرنتیانیرا 8:16

ولی خِدا را شُکر بَکَردیم که اَ غیرتی که از شِمَه را هِستِمَه تیتوسی دیلی کا نی اِستَه.

دوومین نامه قرنتیانیرا 8:23

تیتوسی درباره بَسی بوآجِم که اَ خِدمتی کا که شِمَه بَکَردیرون چِمِن شریک و همکارَه؛ و چَمَه برااون دربارَه نی بَسی بوآجِم که اَوِن کلیسااون ویسا آکَردَه و مسیح جلالی نَه.

دوومین نامه قرنتیانیرا 8:6

اِمی واسی، اَمَه تیتوسی کا پیستِمونه هَتَه که پیشتری اِشتَن اوّلین قدمون پِگِتَش بَه، حِسَه نی اَ خیرَه کاری شِمَه دیلَه کا تَمون آکَرِه.

نامه غلاطیَه کلیسارا 2:1

چاردَه سالی پَش، هَنی بَرنابا نَه شیمَه اورشلیمی شهری را و تیتوسی نی اِشتَن نَه بَردِمه.

نامه غلاطیَه کلیسارا 2:3

امّا حتی تیتوس نی که مِنَه بَه، با اِم که یونانی بَه، اَیی مَجبور نِکَردِشونه که خَتنه بِبو.

دِوُّمین نامَه تیموتائوسیرا 4:10

چوم دیماس اِم دنیا خِش بییِه واسی مِن وِل آکَردَشَه و شَه تَسالونیکی شهری را. کریسکیس شَه غلاطیه منطقه را و تیتوس نی دَلماتیه منطقه را شَه.

نامَه تیتوسیرا 1:4

تیتوسی را، که طِبق ایمانی که چَمَه گِردی نصیب بَه، چِمِن حقیقی یَه خِردَن: فیض و صُلح و سلامتی خِدای دَده طرفی کا و چَمَه نجات​دهندۀ مسیح عیسی طرفی کا بَه تِه را با.