دوومین نامه قرنتیانیرا 13:5 - کتاب مقدس به زبان تالشی شمالی

⁵ اِشتَن مَحَک بِژَنَه، تا بِوینه که ایمان هِستِرونه یا نِه. اِشتَن آزمایش بِکَرَه. یا مَگم اِمی نِفهمَه که عیسایِ مسیح شِمَه دیلَه کا یَه؟ مَگم اِم که اِم آزمایشی کا رُفوزَه آبییَه!

کتاب مقدس به زبان تالشي - گویش مرکزی

⁵ بَشتن وَرداوَرد بکَرَ تا دیَسَه کن ایمانِرون هِسته یا نِه. بَشتن محک بِژنه. یا مَگَم اِمیکا سَرآنینَگِنِست کن عیسی مسیح شمه دَلَکارَ؟ مگَم اِمکن اِم وَرداوَردیکا رَد آبَه.

دوومین نامه قرنتیانیرا 13:5 Iomraidhean Croise

یوحنا 14:23

عیسی جَواو دوشَه: «اَگم کسی مِنَه خِش بِبو، چِمِن کلامی عَمل بَکَردی، و چِمِن دَده اَیی نَه خِش بَبی، و اَمَه بومَیمون چَیی وَر و اَیی نَه بَمَندیمون.

یوحنا 15:4

بَه مِن کا بومونَه، و اَز نی شِمَه نَه بَمَندیم. هَتَه که لاخه نیمَشا اِشتَن کا میوه بواَرِه اَگم اَنگِرَه رَزی کا مَمونِه، شِمَه نی نیمَشایَه میوه بواَرَه اَگم مِنَه مَمونَه.

یوحنا 17:23

اَز اَوون کا و تِه بَه مِن کا. تا اَوِن نی کاملاً یَکی بِبون تا دنیا بِزونِه که تِه مِن ویسا آکَردَرَه، و اَوون نَه هَتَه خِشیش که مِنَه خِشیش.

یوحنا 17:26

اَز اِشتِه نومی اَوون آزونِستَمَه و هَنی آزونِم، تا اَ محبتی که تِه بَه مِن کَردَرَه، اَوون کا نی بِبو و اَز نی اَوون کا بِبوم.»

یوحنا 6:56

کسی که چِمِن بَدنی بَردی و چِمِن خونی بِنتی، بَه مِن کا ساکن بَبی و از اَیی کا.

یوحنا 6:6

اَ اِمی واتِشه تا فیلیپُسی اِمتحان بِکَرِه، چوم اَ اِشتَن چاک بَزنی که چِه بَکَردی.

رومی کلیسارا نامه 1:28

اوآنه که خِدا آزونِستِه چَوون را اِرزِشِشی نِبه، خِدا نی اَوون، چَوون فاسِدَه فیکرون نَه وِل آکَردِشه تا اِشتَن بَدَه کارون اَنجام بِدَن.

رومی کلیسارا نامه 8:10

امّا اَگم مسیح شِمَه دیلَه کا یَه، هَر چَن شِمَه بَدن گناه واسی مَردَه یَه، امّا چوم صالِح حساب بَییرونه، خِدا روح شِمَه را زِندگی یَه.

اوّلین نامَه قورَنتیانیرا 11:28

هَر کسی پیش از اِم که نونی کا بَرِه و قَدَرَه کا بِنجِه، اِشتَن آزمایش بِکَرِه.

اوّلین نامَه قورَنتیانیرا 11:31

امّا اَگم بَر اِشتَن حکم بَکَردیمون، چَمَه سَر حُکم نِبی.

اوّلین نامَه قورَنتیانیرا 3:16

مَگم نیمَزنه که شِمَه خِدا مَعبدیرونه و خِدا روح شِمَه دیلَه کا مَندَه؟

اوّلین نامَه قورَنتیانیرا 6:15

مَگم نیمَزنه که شِمَه بَدَنِن مسیح اَعضا اینه؟ یعنی مسیح اَعضا پِگِرِم و اَوون ایلَه فاحشه اَعضا شیوار وَج آکَرِم؟ هَرگز!

اوّلین نامَه قورَنتیانیرا 6:19

مَگم نیمَزنَه که شِمَه بَدن روح القدسی معبدَه که شِمَه دیلَه کایَه و اَیی خِدا کا ویگِتَرونه؟ شِمَه دِ شِمَه شِن نیرونه.

اوّلین نامَه قورَنتیانیرا 6:2

مَگم نیمَزنَه که مقدسِن دنیا داوری بَکَردین؟ بَس شِمَه که قرارَه دنیا داوری بِکَرَه، چِنتَه نیمَشایَه اِم روکَه جریانون داوری بِکَرَه؟

اوّلین نامَه قورَنتیانیرا 9:24

مَگم نیمَزنه که مسابقه دو کا، گِرد کارا بَوریتین، امّا فقط ایی نفر جایزه بَبَردی؟ بَس شِمَه اِنتَه بیرویجه که بِبَرَه.

اوّلین نامَه قورَنتیانیرا 9:27

بَلکَم از چِمِن بَدنی سختی بَدایم و اَیله بَردَه شیوار اَیی اَسیر بَکَردیم، تا نَبادا خَلکی را موعظه کَردِه پَش، اِشتَن رَد آبوم.

دوومین نامه قرنتیانیرا 6:16

و خِدا معبد و بُتون را چِه سُلوکاتی اِستَه؟ چوم که اَمَه خِدای زِنده مَعبَدیمونه. هَتَه که خِدا، تورات و پِیغمبرون کیتابی کا بَواتی که: «از چَوون دیلَه کا بَمَندیم و چَوون دیلَه کا راه بَشیم، و اَز چَوون خِدا بَبیم و اَوِن چِمِن قوم بَبین.»

نامه غلاطیَه کلیسارا 2:20

از مسیح نَه صلیبی سَری کا مصلوب بیمَه، و اِم دِ از نیمَه که زِندگی بَکَردیم، بَلکَم مسیح اِستَه که چِمِن دیلَه کا زندگی بَکَردی؛ و اِم زِندگی که حِسَه جِسمی کا بَکَردیم، خِدا زوعَه ایمانی نه یَه که مِنَه خِش بَه و اِشتَن جانی چِمن واسی فیدا کَردِشه.

نامه غلاطیَه کلیسارا 4:19

چِمِن عزیزَه خِردَنِن، کِه شِمَه را هَنی زَندِه داجی شیوار هِستِمَه تا اَ وختی که مسیح شِمَه دیلَه کا شکل بِگِرِه،

نامه غلاطیَه کلیسارا 6:4

ولی هَر کسی بَسی اِشتَن کاری آزمایش بِکَرِه. اَ موقع چَیی فَخری دلیل فقط چَیی رایَه نِه چَیی خَمسوعه را.

نامَه اَفسوسی کلیسارا 3:17

تا ایمانی واسطه نَه، مسیح شِمَه دیلون دیلَه کا بومونِه و محبتی کا بِنَه بِژَنَه، پابَرجا بِبییَه،

نامَه کُولُسی کلیسا را 1:23

بِه شرطی که راس راسی شِمَه ایمانی کا قُرص و پابَرجا بومونه و اَ اِنجیلی اُمیدی کا تَکان مَرَه. اِم هَ اِنجیلی یَه که گِردِ خِلقتی را آسِمونی جیری کا اِعلام بَه، و اَز، پولُس، چَیی خادم بَییمَه.

نامَه کُولُسی کلیسا را 1:27

خِدا اِنتَه پیستِشَه که اَوِن آزونِن که اِم سِرّ غیریهودیون دیلَه کا، چِه بَرکَ جلالی هِستِشه. اَ سِرّ اِمَه که مَسیح شِمَه دیلَه کا جلالی اُمیدَه.

نامَه کُولُسی کلیسا را 2:19

اِنتَه رَه آدَم دِ سَری وَصل نییَه، اَ سَری که تمون بَدَن اَیی نَه جان بَگَتی و مفصَلون و بَندون واسطه نَه یَندی نَه غَم هَردَه بَبی و هَتَه که خِدا پیستِشَه رُشد بَکَردی.

نامَه کُولُسی کلیسا را 2:7

اَیی کا بِنَه بِگِرِه و رُشد بِکَرَه، و ایمانی کا پابَرجا بِبییَه، و هَتَه که آموتَرونه، شُکر کَردِه کا لِبالِب بِبییَه.

اوّلین نامَه تیموتائوسیرا 2:15

امّا ژِن، خِردَن دنیا وَردِه نَه نجات پیدا بَکَردی، اَگم ایمان و مُحبت و مقدّس بییِه کا، نجابَتی نَه بومونِه.

دِوُّمین نامَه تیموتائوسیرا 3:8

هَتَه که یَنّیس و یَمْبْریس موسی نَه مخالفت کَردِشونه، اِم مِردَکِن نی حقیقتی نَه مخالفت بَکَردین، که چَوون فیکرِن بَدی نَه و چَوون ایمان رَدَّه.

نامَه تیتوسیرا 1:13

اِم شهادتی راستَه. بَس اَوون بَرک توبیخ بِکَه تا ایمانی کا دُرست بِبون.

نامَه تیتوسیرا 1:16

اَوِن اِدعا بَکَردین که خِدا آزونِن، امّا اِشتَن کارون نَه اَیی هاشا بَکَردین. اَوِن نِفرت اَنگیز و نافرمونی نَه، و هَر چاکه کاری را ناجوری نَه.

نامَه تیتوسیرا 2:2

پیرَه مِردَکون هَواس جَمع بِبو، باوَقار بِبون، اِشتَن پیشی بِگِرِن و ایمان و محبت و پابَرجایی کا، دُرست رفتار بِکَرِن.

نامَه، عِبرانیه نَتاجَه مسیحیونرا 12:15

شِمَه هَواس جمع بِبو هیچکسی خِدا فیضی ویگِتِه کا شکست مَرِه، تا هیچ تِلَه بِنَه ایی مَپِرا و دردسری باعیث مَبو و وِر کسون نِجس آمَکَرَه.

نامَه، عِبرانیه نَتاجَه مسیحیونرا 4:1

بَس با اِمکه اَ وعدَه دیلَه دَشییِه چَیی آسایشی دیلَه حَلا پابَرجا یَه، بَترسیمون که نَبادا معلوم بِبو ایی نفر شِمَه دیلَه کا اَ وعده بِه دَس وَردِه را شکست بَرِه.

نامَه، عِبرانیه نَتاجَه مسیحیونرا 6:8

امّا اَگم بِرَّه بِنَه بِه بار بواَردی، بی‌ اِرزشَ زمینی یَه و نِزدیکَه لَعنَت بِبو، و آخِرسَر نی سوتَه بَبی.

یعقوبی نامَه 4:4

اِی زناکارِن، بَگم نیمَزنه دنیا نَه رَفاقَت کَردِه، خِدا نَه دِشمنی کَردِه اِستَه؟ بَس هَر کسی که دنیا نَه رَفاقت کَردِه دومله اِستَه، اِشتَن، خِدا دِشمِن بَکَردی.

پطروسی اوّلین نامَه 5:9

ایمانی کا پابَرجا بِبییَه و چَیی پیشی کا بومونَه، چوم بَزنیرون که شِمَه بِرااِن دنیا کا هِم عذابون نَه دیمادیس بَبین.

یوحنا موکاشیفَه 2:5

بَس ویر بوعَه که کییا کا بَلَکه ایشَه، توبه بِکَه و اَ کارونی که اوّل بَکَردیش اَنجام بِدَه. اَگم مَکَری، بومَیم اِشتِه وَر و اِشتِه چراپوعَه چَیی جِگا کا پِگِرِم، مَگر اِمکه توبه بِکَری.