دوومین نامه قرنتیانیرا 11:10 - کتاب مقدس به زبان تالشی شمالی

¹⁰ مسیح اَ حقیقتی سَر قَسّم که چِمِن دیلَه کایَه، که هیچ‌کس اَخائیه منطقه کا چِمِن اِم اِفتخاری بَه مِن کا نِویگِرِه.

کتاب مقدس به زبان تالشي - گویش مرکزی

¹⁰ مسیح اَ حَییقَتی سَر کن چمن دِلَکا هِستَه قسَم بَردیم، کن هیچ‌کس اَخائیه منطقَه کا چِمِن اِم ایفتخار بَمِنکا وینیَگَت.

دوومین نامه قرنتیانیرا 11:10 Iomraidhean Croise

رَسولون اَعمال 18:12

امّا اَ موقع که گالیو، اَخائیه ولایتی حاکم بَه، یَهودییِن هَمدَس بینَه، ویبینَه پولسی سَر اَیی وَردِشونَه مَحکمه را.

رَسولون اَعمال 18:27

وختی آپولس پیستِشَه بِشو اَخائیه منطقه را، بِرااِن اَیی تشویق کَردِشونَه و شاگِردون را نیویشتِشونَه که اَیی گَرمی نَه قبول بِکَرِن. وختی آپولس آرَستَه اوآ، کَسونی که فیضی واسطه نَه ایمان وَردَشون بَه، وِر کمک کَردِشونَه.

رومی کلیسارا نامه 1:9

چوم خِدایی که اَیی، چِمِن صِدقِ دیلی نَه، چَیی زوعَه اِنجیلی کاری کا خدمت بَکَردیم، چِمِن شاهدَه که چِنتَه هَمَش چِمِن دعا اون کا شِمَه ویر بواَردیم

رومی کلیسارا نامه 16:5

اِنتَه نی، بِه کلیسایی که چَوون کَ کا یَندی نَه جَمع آبون، سلام آرِساوونه. چِمِن عزیزگِرامی یَه رَفِقی، اِپینِتوسی سلام آرِساوونه. اَ، اوّلین کسونی کا بَه که آسیا کا بِه مسیح ایمان وَردَشونه.

رومی کلیسارا نامه 9:1

از مَسیح کا راست بَواتیم، دوروع نِواجِم، و چِمِن وجدان روح القدسی واسطه نَه چِمِن شاهدَه

اوّلین نامَه قورَنتیانیرا 16:15

بَزنیرون که اِستِفاناسی خانواده اوّلین کسونی بینَه که اَخائیه ایالتی کا ایمان وَردِشونه، و اَوِن اِشتَن وقف خدمت بِه مقدسین کَردِشونه. اِی بِرااِن، شِمَه کا خواهیشت بَکَردیم،

دوومین نامه قرنتیانیرا 1:1

پولُسی طرفی کا که خِدا پیسته نَه، مسیح عیسی رسولَه، و چَمَه بِرا کا تیموتائوس، خِدا کلیسا را قُرِنتُسی شهری کا، و گِردِ مقدسون را، اَخائیه ولایتی سَرتاسری کا:

دوومین نامه قرنتیانیرا 1:23

خِدا شاهِد بَگتیم که فقط اِمی واسی که شِمَه ناراحت مَکَرِم آنِگردِستیمَه قُرِنتُسی شهری را.

دوومین نامه قرنتیانیرا 10:15

اَمَه چَمَه حَدی دارَم و چیی را که خَلک زحمت کَشَشونه اِفتخار نِکَرَم. ولی اَمَه اُمید هِستِمونه که هَر چِه شِمَه ایمان وِرتَر ترقی بِکَرِه، چَمَه خدمتی حَد نی شِمَه دیلَه کا وِرتَر آبو،

دوومین نامه قرنتیانیرا 11:12

و کاری که بَکَردیم اِدامه بَدایم تا کسونی کا که اِدعا بَکَردین پیستِشونَه، هَتَه که اَمَه خدمت بَکَردیمون خدمت بِکَرِن، فُرصتی ویگِرِم. کسونی کا که تَقّلا بَکَردین تا اِشتَن اَ چیی دیلَه کا که بَیی فخر بَکَردین اَمَه نَه بَرابَر بِکَرِن.

دوومین نامه قرنتیانیرا 11:31

خِدا، خِداوندْ عیسی دَده، که اَئی تا اَبَد شُکر بَکَردیم، بَزنی که از دوروع نِواجِم.

دوومین نامه قرنتیانیرا 12:19

مَگم تا حِسَه خَیال بَکَردیرون که اَمَه تَقَّلا بَکَردیمون که شِمَه پیشی کا اِشتَن کا دفاع بِکَرَم؟ اَمَه خِدا حضوری کا کسونی شیوار گف ژَنَم که مسیح کا اینَه، اِی عزیزِن، هَر چیی که بَکَردیمون، شِمَه ایمانی تقویت کَردِه را یَه.

دوومین نامه قرنتیانیرا 9:2

چوم که بَزنیم اِم کاری را چه ذوق و شوقی هِستِرونه و اِمی واسی نی مقدونیَه ایماندارون وَری کا شِمَه را اِفتخار کَردَمَه. اَوون نَه واتَمه که پارسال تا حِسِه شِمَه اَخائیه ایالتی کا هدیه آدوعِه را آمادَه بیرونه. و شِمَه غِیرت وِر کَسون اَوون کا نی اِم کاری را تحریک کَردَشه.

نامه غلاطیَه کلیسارا 1:20

خِدا حضوری کا شِمَه اِطمینان بَدایم اَ چیی که بَنیویشتیم دوروع نییَه.

نامه غلاطیَه کلیسارا 2:20

از مسیح نَه صلیبی سَری کا مصلوب بیمَه، و اِم دِ از نیمَه که زِندگی بَکَردیم، بَلکَم مسیح اِستَه که چِمِن دیلَه کا زندگی بَکَردی؛ و اِم زِندگی که حِسَه جِسمی کا بَکَردیم، خِدا زوعَه ایمانی نه یَه که مِنَه خِش بَه و اِشتَن جانی چِمن واسی فیدا کَردِشه.

اوّلین نامَه تَسالونیکی کلیسا را 2:10

شِمَه شاهدیرونه و خِدا نی شاهِدَه که اَمَه شِمَه ایماندارون نَه، چِنتَه مقدّس و صالح و بی‌عیب رفتار کَردِمونه.

اوّلین نامَه تَسالونیکی کلیسا را 2:5

چوم که اَمَه هرگز دِجِگا بوگویی کَردَه نیمونه، هَتَه که بَزنیرون، خِدا شاهِدَه- چَمَه گفِن بهونه ای نِبَه طمع کردِه را.

اوّلین نامَه تیموتائوسیرا 2:7

چوم که اَز اِمی واسی مُعَین بیمَه تا غیر یهودیون را ایلَه تعلیم دَهنده و ایلَه رسول و ایلَه ایمانی معلّم حقیقتی کا بِبوم- حقیقتی بَواتیم و دوروع نِواجِم.