دوومین نامه قرنتیانیرا 1:12 - کتاب مقدس به زبان تالشی شمالی

¹² چوم چَمَه اِفتخار، چَمَه وجدانَه که گواهی بَدای، که اِم دنیا کا اَمَه رو راستی و صاف و صادقی نَه که خِدا کا یَه رفتار کَردِمونه، نِه آدَمی حِکمَتی نَه، بَلکَم خِدا فیضی نَه رفتار کَردَمونه مخصوصن شِمَه نَه.

کتاب مقدس به زبان تالشي - گویش مرکزی

¹² اِمی خونه کن چَمَه ایفتخار کردِ، چَمَه ووژدانی خونه اَ کن شاهیدی دَرِ، اِم دِنیا دلَکا صیداقَت و راستینَه، کن خدا کارَ رفتار کردِمون، نِه اینسانی حیکمتینَه، بَسکم خدا فِیضینَه رفتار کردِمون، بَخِصوص شِمنَه.

دوومین نامه قرنتیانیرا 1:12 Iomraidhean Croise

رَسولون اَعمال 23:1

پولس شورا اَعضا زول ژَندِشَه و واتِشه: «بِرا اِن، اَز تا بِه اوری پاکَ وجدانی نَه خِدا پیشی کا زندگی کَردَمه.»

رَسولون اَعمال 24:16

اِمی واسی، همیشه تَقَّلا بَکَردیم تا خِدا و مردمی پیشی کا راحَتَه وجدانی نَه زندگی بِکَرِم.

رومی کلیسارا نامه 9:1

از مَسیح کا راست بَواتیم، دوروع نِواجِم، و چِمِن وجدان روح القدسی واسطه نَه چِمِن شاهدَه

اوّلین نامَه قورَنتیانیرا 1:17

چوم که مسیح مِن ویسا آنِکَردِشه تا غُسل تعمید بِدَم بَلکَم ویسا آکَردِشه تا اِنجیلی موعظه بِکَرِم، ولی نِه دنیا حکیمانه گفون نَه که قانع بَکَردین، نَبادا که مسیح صلیبی قدرت هیچ بِبو.

اوّلین نامَه قورَنتیانیرا 12:8

چوم که ایی نفری خِدا روح واسطه نَه، حِکمتی کلام آدوعَه بَبی، هَ روح واسطه نَه به ایی نفر دییَر معرفتی کلام.

اوّلین نامَه قورَنتیانیرا 15:10

اِمی که الان بَویندیرون اِستیمَه خِدا فیضی واسی یَه که اِستیمَه و اَ فیض بَه مِرا بی فایدَه نِبَه. بَرعکس، از چَوون گِردی کا چَتینتَر کار کَردِمَه، امّا نِه اِشتَن، بَلکم خِدا فیضی واسی که مِنه یَه.

اوّلین نامَه قورَنتیانیرا 2:13

و اَمَه هِمی کا گَف ژَنَم، اَ نی نِه گفونی نَه که آدَمی یَه حِکمتی کا آموتَمون بِبو، بَلکَم اَ گفونی نَه که خِدا روح بَمون آموجِه؛ و اِمی واسی روحانی یَه حَقیقَتون، کسونی واسی که خِدا روح اِشتَن دیلَه کا دارِن، بَواتیمون.

اوّلین نامَه قورَنتیانیرا 4:4

چوم که خَوَر نِدارِم چیی چِمِن ضِد بِبو ولی اِم مِن تبرئَه نِکَرِه. بَلکَم خِداوندَه که مِن قِضاوت بَکَردی.

اوّلین نامَه قورَنتیانیرا 5:8

بَس بایَه عِیدی جَشن بِگِرَم، نِه کَنه خمیرمایَه نَه، یعنی بَدخواهی و شِرارتی خمیرمایَه نَه، بَلکَم بیدون خمیرمایَه نونی نَه، که راستی و حقیقتَه.

دوومین نامه قرنتیانیرا 1:17

مَگم وختی که پیستِم بَه اِم کاری بِکَرِم، دِ دیل بیمَه؟ مَگم از آدَمی فیکرون نَه تصمیم بَگتیم، جوری که ایی لحظه هَم بوآجِم ’ها، ها‘ و هَم بوآجِم ’نِه، نِه‘؟

دوومین نامه قرنتیانیرا 11:3

امّا تَرسِم هَتَه که نَلتی، حَوا گول ژَندِشَه، شِمَه فیکر نی اَ صاف و صادقی و خلوصی نَه که بِه مسیح هِستِرونه، منحرف بِبو.

دوومین نامه قرنتیانیرا 2:17

چوم که اَمَه اَ آدَمون شیوار نیمونه که منفعتی را خِدا کلامی خِرَشِن، بَلکَم اَمَه خِدا چِمی پیشی کا، مسیح کا گف ژَنَم. اَ آدَمونی شیوار که خالِصَه نیَّتون دارِن و خِدا طرفی کا ایینه.

دوومین نامه قرنتیانیرا 4:2

بَلکَم نِینَکی راه اون کا و شرم آوَرَه راه اون کا دوری کَردَمونه و کلاهبرداری نَه ناری را نِشییَم و خِدا کلامی دَستکاری نِکَرَم بَلکَم حَقیقَتی واضِح بَواتیمون، تقّلا بَکَردیمون خِدا حضوری کا گِردی وجدانی کا تصدیق بِبییَم.

دوومین نامه قرنتیانیرا 8:8

از اِمی شِمَه را حکم نِکَرِم، بَلکَم پیستِمَه دییَرون غیرتی واسطه نَه ثابت بِکَرِم که شِمَه محبت بیدون دِدیمی یَه.

نامه غلاطیَه کلیسارا 6:4

ولی هَر کسی بَسی اِشتَن کاری آزمایش بِکَرِه. اَ موقع چَیی فَخری دلیل فقط چَیی رایَه نِه چَیی خَمسوعه را.

نامَه اَفسوسی کلیسارا 6:14

بَس پابَرجا بومونه، هَتَه که حقیقتی کَمَردَوِندی دَوِندَه و شِمَه صالِحی یَه زِرِه دَکَرَه،

نامَه فیلیپی کلیسا را 1:10

تا بِشایَه اَ چیی که چاکتَرَه قبول بِکَرَه و مسیح روزی کا، پاک و بی‌عیب بِبییَه،

اوّلین نامَه تَسالونیکی کلیسا را 2:10

شِمَه شاهدیرونه و خِدا نی شاهِدَه که اَمَه شِمَه ایماندارون نَه، چِنتَه مقدّس و صالح و بی‌عیب رفتار کَردِمونه.

اوّلین نامَه تیموتائوسیرا 1:5

چَمَه منظور اِم دستوری کا محبتَه، محبتی که پاکه دیلی کا، و چاکَه وجدان و خالصَ ایمانی کایَه.

نامَه تیتوسیرا 2:7

تِه اِشتَن، گِردِ چیون کا چاک کارون را ایلَه سَرمشق بِبَش. اِشتِه تعلیمی کا صاف و صادق و باوقار بِبَش،

نامَه، عِبرانیه نَتاجَه مسیحیونرا 13:18

اَمَه را دعا بِکَرَه، چوم مطمئنیمونَه که چَمَه وجدان پاکَه و پیستِمونَه هَر لحاظی کا سَربلند بِبییَم.

یعقوبی نامَه 4:6

امّا خِدا وِرتَر فیض بَبَخشستی، اِمی واسی بَواتی: «خِدا مَغرورون پیشی کا بَمَندی، امّا فروتَنون فیض بَبَخشستی.»

پطروسی اوّلین نامَه 3:16

شِمَه وجدانی پاک غَم بَرَه، تا کسونی که شِمَه اِفتِرا ژَنِن، کسونی که شِمَه چاکَه رفتاری مسیح کا بَد بَواتین، شَرمَنده بِبون.

پطروسی اوّلین نامَه 3:21

و اَ آو اَ غُسل تعمیدی نِمونه یَه که حِسَه شِمَه نجات بَدای، ایلَه تعمیدی که تَنی کثیفی را نییَه، بَلکَم ایلَه پاک وجدانی آرزویَه که پیستِشَه خِدا بِوینِه. اِم تعمید عیسایِ مَسیح زِندَه آبییِه واسطه نَه شِمَه نجات بَدای.