اوّلین نامَه تیموتائوسیرا 6:4 - کتاب مقدس به زبان تالشی شمالی

⁴ اَیی غرور گِتَشَه و هیچی نِفهمه. اِنتَه رَه آدَمی جنگ و جَدَل و دعوا مُرافه کلمه اون سَر هِستِشه که اَیی کا حسودی، اِختلاف، بُختون و بَدگُمانی،

کتاب مقدس به زبان تالشي - گویش مرکزی

⁴ اَ، یالَه نار آبَیَه و هیچ چیی ایی نییَفَهمِست. اِنتَرَ آدَمی خَرا خِلِه و جَنگِستِه، کلَمه اون سرَ، کن بَیکا زِرَ بردِ، ایختلاف، ایفترا و بَد گومانی،

اوّلین نامَه تیموتائوسیرا 6:4 Iomraidhean Croise

رَسولون اَعمال 15:2

وختی پولس و بَرنابا اَوون نَه وِر مخالفَت کَردِشونَه و بحث کَردِشونَه، هِنتَه نی قَرار نوشونَه که اَ دِ نفر چَن نفر دییَری نَه اَوون کا بِشون اورشلیمی شهری را و اِم ماجرا رسولون و شیخون نَه در میان بِنَن.

رَسولون اَعمال 18:15

ولی چوم که مسئله، کلمه اون و نومون و شِمَه اِشتَن شریعتی سَری واسی یَه، بَس شِمَه اِشتَن اَیی حل و فصل بِکَرَه. اَز نِپیستِمه اِنتَه رَه چییون درباره داوری بِکَرِم.»

رَسولون اَعمال 8:9

امّا اَ شهری کا ایلَه مِردی زِندگی بَکَردی که چَیی نوم شَمعون بَه، که پیشتَری سامِره مردمی اِشتَن جادوگری نَه مات و مبهوت کَردَش بَه و اِدِعا بَکَردی که یالَه آدَمی یَه.

رومی کلیسارا نامه 12:16

یَندی نَه مُدارا بِکَرَه! مغرور مَبییَه، بَلکَم کسونی نَه که سادَه و ضعیفی نَه رفت و آمد بِکَرَه. هرگِز شِمَه دانا مَزونه.

رومی کلیسارا نامه 13:13

بایَه اِنتَه دُرست رفتار بِکَرم که کَسونی شَئنی کایَه که روزی روشونی کا زندگی بَکَردین. نِه عَیاشی و عَرق هَری کا، نِه زِنا و هَرزِگی کا، نَه جنگ و جَدل و حَسودی کا.

رومی کلیسارا نامه 14:1

کسی که چَیی ایمان ضَعیفَه، شِمَه دیلَه کا راه بِدییَه، ولی نِه اِمی واسی که چَیی عقیدَه اون درباره اَیی نَه جروبحث بِکَرَه.

رومی کلیسارا نامه 2:8

امّا خودخواهَ آدَمون را و کسونی را که حقیقتی کا اِطاعت نِکَرِن، بَلکَم ناراستی کا اِطاعت بَکَردین، غیض و غَضَبی ویکَرِه.

اوّلین نامَه قورَنتیانیرا 11:16

امّا اَگم کسی پیستِشَه اِشتَن سازی بِژَنه، بَسی بوآجِم که نِه اَمَه را و نِه خِدا کلیسااون را اِنتَه رَه دَبی نییَه.

اوّلین نامَه قورَنتیانیرا 11:18

اوّل اِم که دَرَسِم، اَ موقَعی که کلیسا را یَندی نه جمع آبییَه، شِمَه دیلَه کا دِ دَسته ای دَلَکِه، و اِمی تِلی باوَر بَکَردیم.

اوّلین نامَه قورَنتیانیرا 3:18

هیچکس اِشتَن گول مَژَنِه. اَگم شِمَه دیلَه کا اینفر خَیال بِکَرِه اِم دورَه زمانه کا حَکیمَ آدَمَه، بِدا که نادون بِبو تا شاید حکیم بِبو.

اوّلین نامَه قورَنتیانیرا 3:3

چوم که حَلا جِسمانی یَه چییون دومله کا ایرونه. وختی شِمَه دیلَه کا حَسودی و دعوا مُرافه یَه، مَگم هِم نیشون نِدَه که جِسمانی یَه چییون دومله کا ایرونه و بَشری یَه راه دیلَه کا رفتار بَکَردیرون؟

دوومین نامه قرنتیانیرا 11:20

چوم که اَگم ایی نفر شِمَه اِشتَن نوکر وَج آکَرِه، یا شِمَه ویبَرِه، یا شِمَه کا سوءاِستفاده بَکَرِه، یا اِشتَن شِمَه کا سَرتَر بِزونه، یا شِمَه دیمی کا سیله بِژَنه، تاو بواَردیرون.

نامه غلاطیَه کلیسارا 5:15

ولی اَگم یَندی بِگَزَه و ویبَره، ویرا بِبییَه که یَندی دَسی نَه اَز بین مَشَه.

نامه غلاطیَه کلیسارا 5:26

بیخودی مغرور مَبییَم تا یَندی خشمگین بِکَرَم و یَندی نَه حَسودی مَکَرَم.

نامه غلاطیَه کلیسارا 6:3

چوم اَگم ایی نفر اِشتَن چیی بِه حساب بواَرِه که نییَه، اِشتَن گول ژَنِه.

نامَه فیلیپی کلیسا را 1:15

بَعضی حسودی کا و چِم و هَم چِمی کا مَسیح موعظه بَکَردین، ولی بَعضی نی چاکَه نیّتی نَه.

نامَه فیلیپی کلیسا را 2:14

هَر کاری بیدون غُرغُر و جنگ و جَدل اَنجام بِدییَه،

نامَه فیلیپی کلیسا را 2:3

هیچ کاری مَنم مَنم و چِم هَم چِمی نَه مَکَرَه، بَلکَم فروتنی نَه خَلکی اِشتَن کا چاکتَر بِزونه.

نامَه کُولُسی کلیسا را 2:18

مَرزَه کسی شِمَه محروم بِکَرِه اِم اِصراری نَه که بَدنی بَسی چاک غَم هَردِه و ملائیکه اون پرستش کَردِه. اِنتَه رَه آدَمی فقط اِشتَن خَیالاتی تَکیه بَکَردی و بی اِمکه دلیلی بِدارِه اِشتَن پوچَ فیکرون نَه مغرور بَبی.

دوّمین نامَه تَسالونیکی کلیسا را 2:4

اَ، هَر چیی نَه که خِدا دَخونده بَبی یا پرستش بَبی، مخالفت بَکَردی و اِشتَن اَوون کا کَفاتر بَزنی، جوری که خِدا معبدی دیلَه کا بَنِشتی و اِعلام بَکَردی که اِشتَن خِدایَه.

اوّلین نامَه تیموتائوسیرا 1:4

و اِشتَن داستانون و شجره‌نومه‌ اونی را که تمون آنِبون وقف مَکَرِن، اِم چییِن عوضِ اِمکه خِدا کاری که ایمانی راه کا یَه پیش بِبَرِن، جَر و بحثی باعیث بَبی که هیچ ثمری نِدارِه.

اوّلین نامَه تیموتائوسیرا 1:7

و پیستِشونَه شریعتی معلمون بِبون، بی اِمکه بِزونِن چِه بَواتین یا چِه چی کا اِنتَه خاطِر جَمع گَف ژَنِن.

اوّلین نامَه تیموتائوسیرا 3:6

و تازه ایمان وردَش مَبو، نَبادا مغرور بِبو و اِبلیسی شیوار محکوم بِبو.

دِوُّمین نامَه تیموتائوسیرا 2:14

اِمی چَوون ویر بوعَه، و خِدا حضوری کا اَوون سفارش بِکَه که کلماتی سَر دعوامُرافه مَکَرِن، که فایده ای نیشَه، بَلکَم فقط باعث بَبی، راه کا بَرشون.

دِوُّمین نامَه تیموتائوسیرا 2:23

اَ بحثونی کا که نادونی و نَفهمی کایَه دوری بِکَه، چییرا که بَزنیش دعوامُرافه راه دَلکِه.

دِوُّمین نامَه تیموتائوسیرا 3:4

خیانت کار، بی ملاحظه، و غرور اَوون بَگتی که عیاشی نَه خِدا کا وِرتَر خِش بَبین،

نامَه تیتوسیرا 3:9

ولی جَنگ و دعوا اونی کا که نادونی کا یَه، شجَره نومچه اون و اِختلافون و دعوا مُرافه اونی کا که شریعتی دربارَه یَه دوری بِکَه، چوم اِمِن بی فایده و بی اِرزِشی نَه.

یعقوبی نامَه 1:19

چِمِن عزیزَه بِرا اِن، اِمی بِزونه که: هَر کسی بَسی گفی دَرَسِه کا تِند بِبو، گف ژَندِه کا کُند بِبو و عصبانیتی کا نی آروم بِبو!

پطروسی دومین نامه 2:12

ولی اَوِن بیشعورَه حَیوونونی شیواری نَه که اِشتَن غریزَه دومله بَشین و دنیا اومَیینه تا اَسیر بِبون و هلاک بِبون و اَ چیونی که نیمَشان بِفهمِن فَش بَداین و اِشتَن فَسادی دیلَه کا هلاک بَبین،

پطروسی دومین نامه 2:18

چوم بِلندَه سَسی نَه گفونی بَواتین که خودخواهی و نفهمی کا پُورَه، کَسونی که سختی نَه بَدَه آدَمون چَنگی کا جیوَشتَه اینَه، اِشتَن هَواهَوسون، تَلَه کا دَرَفنِن.

یهودا نامه 1:10

امّا اِمِن اَ چی اِهانت بَکَردین که آنِزونِن، اَوِن بی‌شعورَه حَیوونون شیوار هَر چیی که غَریزه کا فَهمِن، هَ چَوون نابودی باعیث بَبی.

یهودا نامه 1:16

اِمِن غُرغُر بَکَردین و دائِم ایراد گِرِن و اِشتَن گناه آلودَه پیسته اون دومله اینه؛ اَوِن مغروری نَه و تَکَبُری نَه گَفون بَواتین و اِشتَن منَفتعی را مردمی دیلَه کا فرق بَناین.

یوحنا موکاشیفَه 3:17

چوم بَواتیش: دولتمندیمَه، مال و مَنال هِستِمَه و هچیی مُحتاج نیمَه.“ ولی نیمَزنیش که بدبخت، ذلیل، نَدار و کور و لُخت و سُختیش.