اوّلین نامَه تیموتائوسیرا 6:2 - کتاب مقدس به زبان تالشی شمالی

² کسونی که چَوون اَربابِن ایمانداری نَه، نَبی بِرا بییِه واسی، اَوون کمتر حُرمت بِکَرن. بَلکَم بَسی اَوون حتی چاکتر خِدمت بِکَرِن، چوم کسونی که اِم خدمتی کا منفعت بَبَردین، ایماندار و عزیزی نَه. اِم چییون اَوون تعلیم بِدَه و تشویق بِکَه که اِنتَه بِکَرِن.

کتاب مقدس به زبان تالشي - گویش مرکزی

² اَیِنی کن چَوون اربابِن ایماندارین، نِباید اِمی خونه کن یندِنَه برا این، اَوون کمتر حورمَت بکَن. بَسکم پی حتی چاکتَر خیدمت بکَن، چون اَیِنی کن اِم خیدمتیکا برَ بَبَنه، ایماندار وخاجَتی این. اِم چییون آموج بدَ و چَی اَنجوم دوعِرا اَوون تشویق بکَه.

اوّلین نامَه تیموتائوسیرا 6:2 Iomraidhean Croise

مَتّی 23:8

امّا شِمَه مَرزَه شِمَه نَه ’اُستاد‘ بوآجِن، چوم شِمَه فقط ایلَه اُستاد هِستِرونَه و شِمَه گِرد یَندی نَه بِرا اییرونَه.

مَتّی 25:40

پاُتشا چَوون جَواوی کا بَواتی: ”حقیقتن شِمَه نَه بَواتیم، هر کاری که چِمِن ایلَه روکتَرین بِرا اون را کَردَرونَه، بَه مِرا کَردَرونَه.“

مَتّی 6:24

«هیچکس نیمَشا دِ گِله اَربابی خدمت بِکَرِه، چوم یا ایلَه کا متنفر بَبی و اَ ایلَه محبت بَکَردی یا ایلَه دیل دَوِندِه و اَ ایلَه خار و خفیف بَکَردی. شِمَه نیمَشایَه هم خِدا خدمت بِکَرَه و هم پولی خدمت بِکَرَه.

رَسولون اَعمال 1:15

ایلَه اَ روزون کا، پطرس بِرا اون دیلَه کا؛ که گِرد حدود صد و بیست نفر بینَه، مَندَه

رومی کلیسارا نامه 11:17

ولی اَگم بعضی لاخَه اِن دَوِردَه بَیینه و تِه که وَحشی یَه زیتونی لاخَه بیش، دییَر لاخه اون نه زیتونَ داری پیوند بیشَه و حِسَه زیتونَ داری بِنه شیره کا که مُقوی یَه بَردیش،

رومی کلیسارا نامه 8:29

چوم کسونی که خِدا پیشتَری آزونِستَشه، پیشتر، اَوون مُعیین کَردِشه تا چَیی زوعَه شیوار بِبون، تا اَتَه مسیح، اِشتَن وِرَه بِرااون دیلَه کا، اَوّلین خِردَن بِبو.

نامه غلاطیَه کلیسارا 5:6

چوم مسیحْ عیسی کا نِه خَتنه بییِه مُهمَه نِه خَتنه‌ نِبییِه، بَلکَم مُهم اَ ایمانی یَه که محبتی واسطه نَه کار بَکَردی.

نامَه اَفسوسی کلیسارا 1:1

پولُسی طرفی کا کِه خِدا پیستَه نَه مسیحْ عیسی رسول اِستَه، مقدّسینی را که اَفِسُسی شهری کا مَندینه، کسونی را که مسیحْ عیسی کا وَفاداری نَه:

نامَه اَفسوسی کلیسارا 1:15

اِمی واسی هَتَه که از نی شِمَه تعریفی دَرَسِمَه که چِه ایمانی بِه عیسایِ خِداوند اِستِرونه و شِمَه محبتی بِه گِردِ مقدّسون دَرَسِمَه،

نامَه اَفسوسی کلیسارا 3:6

اَ سِرّ اِمَه که غیریهودیِن نی مسیح کا و اِنجیلی واسطه نَه، هَم اِرثی نَه و هَ بَدنی اعضا اینه و خِدا وعدۀ کا شریکی نَه.

نامَه کُولُسی کلیسا را 1:2

مقدّسون و وفادارَه بِرااون را مَسیح کا، که کولُسی شهری کا اینه: فیض و صُلح و سلامتی، خِدا طرفی کا، چَمَه دَده، شِمَه را با.

نامَه کُولُسی کلیسا را 1:4

چوم که اَمَه شِمَه ایمانی درباره مسیحْ عیسی کا و محبتی که گِردِ مقدّسون را هِستِرونه، دَرَسَمونه.

نامَه کُولُسی کلیسا را 4:1

اِی اَربابِن، شِمَه نوکرون نَه عدل و اِنصافی نَه رَفتار بِکَرَه، چوم بَزنیرون شِمَه نی آسِمونی کا اَربابی هِستِرونه.

دوّمین نامَه تَسالونیکی کلیسا را 1:3

اِی بِرااِن، اَمَه بَسی همیشه خِدا شِمَه واسی شُکر بِکَرَم، دُرُست نی هِمَه، چوم شِمَه ایمان هِنتَه رُشد بَکَردی و شِمَه هَر کمیلَه محبت یَندی را وِرتَر بَبی.

اوّلین نامَه تیموتائوسیرا 4:11

اِم چییون حُکم بِکَه و تعلیم بِدَه.

اوّلین نامَه تیموتائوسیرا 5:1

پیرَه مِردَکی سَرکوفت مَژَن، بَلکَم اَیی اِشتِه دَده شیوار تشویق بِکَه، و جَوونون نی اِشتِه بِرااون شیوار،

نامَه تیتوسیرا 2:1

امّا تِه اَ چیی که مطابق دُرستَ تعلیمَه باموج.

نامَه تیتوسیرا 2:15

اِم چییون اِعلام بِکَه؛ و تَمون اِقتداری نَه تشویق و توبیخ بِکَه. و مَرزِن کسی تِه ندیدَه بِگِرِه.

نامَه تیتوسیرا 3:8

بَبی اِم گَفی اِعتماد کَردِه. و تِکا پیستِمَه که اِم چییون را اِصرار بِداری، تا کسونی که خِدا ایمان وَردَشونه، هَواسِشون جمع بِبو که اِشتَن وقف چاکَ کاروون بِکَرِن. اِم چیی اِن مردمی را چاک و فایدَه داری نَه.

نامَه، عِبرانیه نَتاجَه مسیحیونرا 3:1

بَس اِی مقدّسَ بِرااِن، اِی شِمَه که آسِمونی یَه دَعوتی کا شریکیرونَه، شِمَه چِم بِه عیسی بِبو که اَ رسول و یالَ کاهِنَه، که اَیی ایمان هِستِمونَه و اِعتراف بَکَردیمون.

نامَه، عِبرانیه نَتاجَه مسیحیونرا 3:14

چوم که اَمَه مَسیح دیلَه کا شریک بَییمونَه، اَگم راس راسی اِطمینانی که اوّلی کا داریمون تا آخِر مُحکم غَم بَرَم.

پطروسی اوّلین نامَه 5:1

اَز که اِشتَن ایلَه مشایخون کا ایمَه و مسیح رَنجون شاهد بیمَه و اَ جلالی کا که آشکار بَبی شَریکیمَه، اَ مشایخی که شِمَه دیلَه کا اینَه سفارش بَکَردیم:

پطروسی دومین نامه 2:10

بخصوص کسونی که اِشتَن فاسدَه هَواهَوسی پیستَه اون دومله کا اینَه و اِقتداری روک بَزنین. اِمِن اِنتَه سَرکَش و خودخواهی نَه که، اِمی کا که آسِمونی یَه پیله تَرون نَه کُفر بوآجِن تَرسی نیشونَه؛

یهودا نامه 1:8

با اِم وجود، اِم مردم نی خاوونی که بَویندین تَکیه بَکَردین، اِشتَن بَدنی نِجِس آکَرِن و اِقتداری رَد آکَرِن و آسِمونی پیله تَرون کُفر بَواتین.