اوّلین نامَه تیموتائوسیرا 5:5 - کتاب مقدس به زبان تالشی شمالی

⁵ اَ کسی که واقعا ویوَه و بی‌کَسَه، خِدا اُمید دارِه و شَو اَنده روز دعا بَکَردی و خِدا کا کمک بَپیستی.

کتاب مقدس به زبان تالشي - گویش مرکزی

⁵ ولی اَ کن واقییَن ویوَ یَه و بی کَسَه، چَی اومید خداکارَ و شَوانَه روج دِوا بَکَی و خداکا کاریَری بَپیشَه.

اوّلین نامَه تیموتائوسیرا 5:5 Iomraidhean Croise

انجیل لوقا 18:1

عیسی اِشتَن شاگِردون را ایلَه مَثَّلی وَردِشه که نیشون بِده بَسی هَمیشه دعا بِکَرِن و هرگز دیلسرد آمَبون.

انجیل لوقا 18:7

حِسَه مَگم خِدا اِشتَن اِنتخاب کَردَه اون دادی آنِرسِه که شَو اَندَه روز اَیی دَخونِن؟ مَگم چَوون کمک کَردِه را عَری آکَرِه؟

انجیل لوقا 2:37

و تا هَشتاد و چار سالگی ویوه مَند بَه. اَ هَرگز معبدی کا بِرون نِشی، بَلکَم شَو اَنده روز دعا و روزه نَه خِدا پرستش بَکَردی.

رَسولون اَعمال 26:7

اِم هَ وعده‌ای یَه که چَمَه دونزَه گِله قبیله اُمید دارین که اَیی بِه دَس بواَرِن. اِمی واسی اِشتَن صِدقِ دیلی نَه شَو اَنده روز پرستش بَکَردین تا اَیی آرَسین. اِی پاُتشا، هِم اُمیدی واسی یَه که یَهودییِن مِن متهم بَکَردین.

رَسولون اَعمال 6:1

اَ روزون کا که شاگِردون تعداد وِرتَر بَبی، یهودیونی که چَوون زوون یونانی بَه، یهودیونی کا که چَوون زوون عِبرانی بَه، گیلایَه کَردِشونَه که چَوون ویوَه ژِنَکون روزونَه غذا سهمی دُرست آنِدَن.

رَسولون اَعمال 9:39

پطرس پِرِشته و چَوون هَمراه شَه. وختی آرَستَه اوآ، اَیی بَردِشونَه بالا خونه را. ویوه ژِنکِن گِرد چَیی دُوری کا جمع آبَه بینَه، داد بَکَردین و خَلا اونی که دورکاس اِشتَن زِندَه بییِه موقع چَوون را دوتَش بَه، پطرسی نِشون بَداین.

رَسولون اَعمال 9:41

پطرس چَیی دَسی گِتِشه و اَیی پِرِزاووندِشه. اَ موقع ویوه ژِنکون و مقدسون دَخوندِشه و طابیتا زِنده اَوون تحویل دوشَه.

رومی کلیسارا نامه 1:12

یعنی اِمکه تا اَمَه یَندی ایمانی نه دیلگرم بِبییَم هَم شِمَه هَم از.

رومی کلیسارا نامه 1:5

خِدا مسیح واسطه نَه اَمَه فیض دوشَه تا چَیی رسولون بِبییَم و گِردِ قومون راهنمایی بِکَرَم که مسیح نومی ایمان بواَرِن و اَیی کا اِطاعت بِکَرِن.

اوّلین نامَه قورَنتیانیرا 7:32

چِمِن پیستَه اِمَه که هَر دیل نگرانی کا ‌دور بِبییَه. اَذَبَ مِرد خِداوندی کارون را دیل نِگرانَه، که چِنتَه خِداوندی راضی آکَرِه؛

اوّلین نامَه قورَنتیانیرا 7:34

و چَیی هوش و هَواس، خِدا و چَیی ژِنی میانه کا تقسیم بَبی. اِنتَه نی، مُجردَ ژِن یا اذَبَ کِلَه، خِداوندی کارون را دیل نگرانَه، که چِنتَه جسم و روح کا، مقدّس بِبو، ولی ژِنی که شو کَردَشه اِم دنیا کارون را دیل نِگرانَه، که چِنته اِشتَن شو راضی آکَرِه.

نامَه اَفسوسی کلیسارا 6:18

و همیشه، هَمه جورَه دعا و مِنَتی نَه، خِدا روح کا دعا بِکَرَه و اِمی واسی آگا و هوشیار بِبییَه و همیشه مقاومتی نَه گِردِ مقدسون را دعا بِکَرَه.

نامَه فیلیپی کلیسا را 4:6

هیچی را نِگران مَبییَه، بَلکَم هَر چی کا دعا و مِنَتی نَه، شُکرکَردِه نَه، شِمَه پیستَه اون خِدا نَه بوآجَه.

اوّلین نامَه تیموتائوسیرا 2:1

بَس، هَر چی کا پیشتَر، پیستِمَه که درخواستون، دعااون، شفاعتون و شُکرکَردَه اون گِردِ مردمی را بِه جا وَردَه بِبون،

اوّلین نامَه تیموتائوسیرا 5:16

اَگم ایلَه ایماندارَه ژِنی، اِشتَن فامیلون دیلَه کا ویوَه بِدارِه، بَسی اِشتَن اَوون کمک بِکَرِه تا کلیسا را سَربار مَبون و کلیسا بِشا اَ ویوَه ژِنَکَونی کمک بِکَرِه که واقعا بی کَسی نَه.

اوّلین نامَه تیموتائوسیرا 5:3

ویوَه ژِنَکون اَگم راس راسی بی کَسی نَه، حُرمت بِنَه.

دِوُّمین نامَه تیموتائوسیرا 1:3

هَتَه که شَواَنده روز یکسرَه چِمِن دعااون کا تِه ویر بواَردیم، خِدا شُکر بَکَردیم، اَ خِدایی که از نی چِمِن دَده اون شیوار پاکَه وجدانی نَه اَیی خِدمت بَکَردیم.

پطروسی اوّلین نامَه 3:5

چوم که قدیمی یَه مقدّسَ ژِنَکِن که خِدا اُمید دارین، اِشتَن اِنتَه خوشگیل آکَرین. اَوِن اِشتَن مِردَکون کا فرمان بَبَردین،