اوّلین نامَه تیموتائوسیرا 5:4 - کتاب مقدس به زبان تالشی شمالی

⁴ امّا اَگم ایلَه ویوَه ژِن، خِردَنون و نوه اون هِستِشه، اَوِن بَسی اوّل باموجِن که اِشتَن خانوادَه ویرا بییِه نَه، اِشتَن دینداری نیشون بِدَن و اِنتَه اِشتَن دِینی اِشتَن دَده نَنه و اِشتَن اَبا اَجدادی اَدا بِکَرِن، چیرا که اِم، خِدا راضی بَکَردی.

کتاب مقدس به زبان تالشي - گویش مرکزی

⁴ ولی اَگَم ویوَژِنی خردن و نوَ بَداشتی، اَیِن پی اَولیکا یاد بیگِن کن اِشتَن خانیواندَ غَم هردِ نَه، اِشتَن دینداری آمونن و اِنترَکه اِشتَن دَینی، اِشتَن دَدَ و نَه نَه را اِشتَن بابا اونرا اَدا بکَن، چیرا کن اِم کار خدا راضی بَکیَه.

اوّلین نامَه تیموتائوسیرا 5:4 Iomraidhean Croise

انجیل لوقا 2:51

عیسی اَوون نَه راه دَلَکه و شَه ناصره شهری را و چَوون مطیع بَه. چَیی نَنه گِردِ اِم چییون اِشتَن دیلی کا غَم هَری.

اوّلین نامَه تیموتائوسیرا 2:3

اِم چَمَه نجات‌دهندۀ، خِدا نَظری کا چاک و چَیی باب دیلَه،

اوّلین نامَه تیموتائوسیرا 5:16

اَگم ایلَه ایماندارَه ژِنی، اِشتَن فامیلون دیلَه کا ویوَه بِدارِه، بَسی اِشتَن اَوون کمک بِکَرِه تا کلیسا را سَربار مَبون و کلیسا بِشا اَ ویوَه ژِنَکَونی کمک بِکَرِه که واقعا بی کَسی نَه.

نامَه تیتوسیرا 1:11

چَوون گَ بَسی دَوَسی، چوم که اَوِن گِردِ خانواده اون پاشونِن، و ناحَقَ سودی واسی اَ چییونی تعلیم بَداین که نَبی تعلیم بِدَن.