اوّلین نامَه تیموتائوسیرا 5:21 - کتاب مقدس به زبان تالشی شمالی

²¹ خِدا و مسیح عیسی و اِنتخاب بییَه ملائیکه اون پیشی کا، تِه کا خواهیشت بَکَردیم که اِم قانونون بی هیچ غَرَضی رعایت بِکَری و هیچ کاری طرفداری واسی اَنجام مَدَی.

کتاب مقدس به زبان تالشي - گویش مرکزی

²¹ خدا و مسیح عیسی و اینتخاب بَه فرشتَه اون نَکا، بتِکا خاشتو خازِمه کن بی غَرَض اِم قانونون اَنجوم بدَری و طرفداری کردِ خونه، هیچ کاری اَنجوم نِدَری.

اوّلین نامَه تیموتائوسیرا 5:21 Iomraidhean Croise

مَتّی 16:27

چوم اِنسانی زوعَه، اِشتَن دَده شکوه و جَلالی کا اِشتَن ملائیکه اون نَه بومَی و اَ موقع هَر کسی طبق چَیی اَعمال، عوض بَدای.

مَتّی 25:41

«دومله پاُتشا کسونی نَه كه چَیی چَپ طرفی کا مَندینَه بَواتی: ”اِی مَلعونِن، بَه مِن کا دور آبییَه و اَ اَبَدی یَه آتشی دیلَه بِشییَه که اِبلیس و چَیی ملائیکه اون را آمادَه آبَه،

مَتّی 28:20

و اَوون تعلیم بِدییَه که هَر چیی که شِمَه فرمان دوعَمَه، اَنجام بِدَن. دَیِسَه، اَز تا آخِر زمان، هَمش شِمَه هَمراه ایمَه!»

انجیل لوقا 20:21

بَس جاسوسِن عیسی کا دَفرسِشونَه: «اُستاد، اَمَه بَزنیمون که تِه هر چیی که بَواتیش و تعلیم بَدایش دُرستَه و هیچ کسی کا طرفداری نِکَری، بَلکَم خِدا راه، درستی نَه تعلیم بَدایش.

انجیل لوقا 9:26

چوم هَر کسی که مِن کا و چِمِن گفون کا عار بِدارِه، اِنسانی زوعَه نی وختی اِشتَن جلال و آسِمونی یَه دَده جلال و مقدّس مَلائیکه اون نَه با، اَیی کا عار دارِه.

دوومین نامه قرنتیانیرا 5:16

بَس، چِمی پَش دِ اَمَه آدَمون هیچکسی مطابق جِسم آنِزونَم. هَر چَن پیشتری جِسمی مطابق مسیح آزونیمون، حِسَه دِ اِنتَه نییَه.

اوّلین نامَه تَسالونیکی کلیسا را 5:27

خِداوندی ناری کا، شِمَه قَسَّم بَدایم که اِم نامه گِردِ بِرااون را بوخونَه.

اوّلین نامَه تیموتائوسیرا 6:13

از خِدا پیشی کا که گِردِ چییون زِندگی بَبَخشستی، و مسیح عیسی که پُنتیوس پیلاتُسی وَری کا چاک اِعتراف کَردِشه، بَرک، بَه تِن سفارش بَکَردیم،

دِوُّمین نامَه تیموتائوسیرا 2:14

اِمی چَوون ویر بوعَه، و خِدا حضوری کا اَوون سفارش بِکَه که کلماتی سَر دعوامُرافه مَکَرِن، که فایده ای نیشَه، بَلکَم فقط باعث بَبی، راه کا بَرشون.

دِوُّمین نامَه تیموتائوسیرا 4:1

از، خِدا و مسیحْ عیسی پیشی کا که زِنده اون و مَردَه اون داوری بَکَردی، و چَیی اومِه و پاُتشایی واسی، بَه تِن سفارش بَکَردیم که،

یعقوبی نامَه 3:17

امّا اَ حکمتی که آسِمونی کا اِستَه، اوّل پاک اِستَه، دومله صلح‌ جو و آروم اِستَه، نصیحتی گوش آکَرِه، و رحمت و چاکَه ثَمرَه کا لِبآ لِب اِستَه و فرق نوعه و دِ دیمی کا دور اِستَه!

پطروسی دومین نامه 2:4

چوم اَگم خِدا اَ ملائیکَه اونی را که گناه کَردَشونَه رَحم نِکَردِشه، بَلکَم اَوون دسپاردِشَه ظُلمات تاریکی دَس جَهَندمی سیاه چالی دیلَه کا تا داوری را غَم هَردَه بِبون؛

یهودا نامه 1:6

اَ، ملائیکه اونی که اِشتَن اَ اِقتدارَه جِگا دیلَه کا نِمَندینه، بَلکَم اِشتَن دُرستَ جِگا وِل آکَردِشونه، اَبَدی یَه زِنجیرون نَه دَوَستَشَه و ظُلماتی کا غَم هَردَشَه تا محاکمه را اَ یالَ روزی کا.

یوحنا موکاشیفَه 14:10

اَ نی خِدا غَضبی شَراوی کا بِنتی، اَ شَراوی که پُور مَلات و خالصَه، خِدا غَضبی قَدَرَه کا دَکَردَه بَه، و اَ، مقدّسَ ملائیکه اون پیشی کا و وَرَه پیشی کا آتش و گوگِردی نَه عذاب کَشِه.