اوّلین نامَه تیموتائوسیرا 4:8 - کتاب مقدس به زبان تالشی شمالی

⁸ چوم هَر چَن تربیت کَردِه بَدنی را روکَتِه فایده هِستِشَه، امّا دینداری گِردِ چییون را فایده هِستِشَه، چوم که هَم اِم زِندگی را وعده بَدای، هَم آیندَه زِندگی را.

کتاب مقدس به زبان تالشي - گویش مرکزی

⁸ چون اَگَم چِه، تَنی تربیتیکا تیکَلیی فایدَ ایی بداشتی، ولی دینداری گردِ چییِن بَرَ بَداشتیَه، اِمی خونه کن هِم اِم زندَگی وهِم آیندَ زندَگی وَعدَ دَرِ.

اوّلین نامَه تیموتائوسیرا 4:8 Iomraidhean Croise

مَتّی 12:32

هَر کسی اِنسانی زوعَه ضِد گَفی بِژنِه، بَخشِستَه بَبی، امّا هَر کسی‌ که روح القدسی ضِد گَف بِژنِه، بَخشِستَه نییَب، نِه اِم دنیاکا و نِه اَ دنیاکا.

مَتّی 19:29

و هَر کسی چِمِن نومی واسی اِشتَن کَ یا بِرا اون، یا اِشتَن خالا اون، یا اِشتَن دَده نَنه، یا خِردَنون و یا اِشتَن مِلک اَملاکی وِل آکَردَش بِبو، چَیی صد برابری ویگِرِه و اَبَدی یَه زِندگی بِه اِرث بَبَردی.

مَتّی 6:33

بَلکَم اوّل شِمَه خِدا پاُتشایی و چَیی عدالتی دومله بِبییَه؛ اَ موقع گِرد اِم چیی اِن شِمَه آدوعَه بَبی.

مَرقُس 10:30

و اِم دنیا کا صد برابر وِرتَر، کَ اون، بِرا اون، خالا اون، نَنه اون، خِردَنون، مِلک و اَملاک و چَیی همراه، اَذیت آزارون- بِه‌ دَس مَوَرِه، و اَ دنیا کا نی اَبَدی یَه زِندگی چَیی نصیب مَبو.

انجیل لوقا 5:38

بَلکَم تازه شَراوی بَسی تازه مَشکون کا دَکَرَم.

رومی کلیسارا نامه 8:28

بَزنیمون کسونی حقی کا که خِدا نَه خِشی نَه و طبق چَیی پیستَه دعوت بَیینه، گِردِ چییِن یَندی نَه چَوون خیریَتی را کار بَکَردین.

اوّلین نامَه قورَنتیانیرا 3:22

چِه پولُس بِبو، چِه آپولُس، چِه پطرس، چِه دنیا، چِه زِندگی بِبو، چِه مَرگ، چِه زمان حال بِبو چِه زمان آینده، گِردِ اِمِن شِمَه شِنَه

اوّلین نامَه قورَنتیانیرا 8:8

«غذا، اَمَه بِه خِدا نِزدیک آنِکَرِه»؛ نِه نییَردِه نَه بَدتر بَبیمون، نِه هَردِه نَه چاکتَر.

اوّلین نامَه تیموتائوسیرا 4:7

تِه داستانونی نَه که کفرآمیزَه و پوچی نَه کاریر مَبو، بَلکَم اِشتَن دینداری کا تربیت بِکَه؛

اوّلین نامَه تیموتائوسیرا 6:3

اَگم کسی جور دییَری تعلیم بِدَه و چَمَه خِداوند عیسایِ مسیح، دُرستَه کلامی و اَ تعلیمی نَه که دینداری راه دیلَه کایَه جور مَبو،

اوّلین نامَه تیموتائوسیرا 6:5

و دائم مردمی دیلَه کا جنگ و جَدلی باعث بَبی که چَوون فیکر فاسد بییَه و حقیقتی کا بی نصیبی نَه و خَیال بَکَردین دینداری، وسیله ای اِستَه منفعتی را.

اوّلین نامَه تیموتائوسیرا 6:6

امّا دینداری قناعتی نَه، بَرکَ منفعتی یَه.

دِوُّمین نامَه تیموتائوسیرا 3:5

ظاهری دیندار، ولی چَیی قدرتی هاشا بَکَردین. اِنتَه رَه آدَمون کا دوری بِکَه.

نامَه تیتوسیرا 3:8

بَبی اِم گَفی اِعتماد کَردِه. و تِکا پیستِمَه که اِم چییون را اِصرار بِداری، تا کسونی که خِدا ایمان وَردَشونه، هَواسِشون جمع بِبو که اِشتَن وقف چاکَ کاروون بِکَرِن. اِم چیی اِن مردمی را چاک و فایدَه داری نَه.

نامَه، عِبرانیه نَتاجَه مسیحیونرا 13:9

جور بَه جور و عَجیبَه تعلیمون نَه راه کا بَمَرشَه؛ چوم اِم چاکَه که اِنسانی دیل، فیضی کا قوّت بِگِرِه، نِه اَ غذا اونی کا که کسونی را که چَوون دومله بَشین هیچ مَنفعی نیشَه.

یوحنا اوّلین نامَه 2:25

و اِمَه اَ چیی که اَ بَمون وعده دوعشَه، یعنی اَبَدی یَه زندگی.

یوحنا موکاشیفَه 3:12

هَر کسی که پیروز بِبو، چِمِن خِدا معبدی کا اَیی ایلَه ستونی بَکَردیم، و دِ هرگز آوا نَه نِشو. و از چِمِن خِدا نومی و چِمِن خِدا شهری نومی چَیی سَری کا بَنویشتیم یعنی تازَه اورشلیم که چِمِن خِدا طرفی کا آسِمونی کا بومَی، و چِمِن تازَه نومی نی چَیی سَری کا بَنویشتیم.

یوحنا موکاشیفَه 3:21

«هَر‌ کسی که پیروز بِبو، اِمی آدَم اَئی که مِنَه تختی سَری کا بِنِشِه، هَتَه که از نی پیروز بیمَه و چِمن دَده نَه تختی سَری کا نِشتیمَه.