اوّلین نامَه تیموتائوسیرا 4:16 - کتاب مقدس به زبان تالشی شمالی

¹⁶ اِشتِه هَواس چاک، بَه تِه کا و اَ تعلیمی کا که بَدایش بِبو. اِمی کا پابَرجا بِبَش، چوم که اِم کاری نَه هَم اِشتَن و هَم کسونی که اِشتِه گفی دَرَسِن نجات بَدایش.

کتاب مقدس به زبان تالشي - گویش مرکزی

¹⁶ قَشَنگینَه اِشتِه هَواسی بَشتَنکا و اَ آموجیکا کن کایشَه دوعِه ببو. اَوونکا آمبَست بومون، اِمی خاطِر کن اِم کارینَه هِم بَشتن و هِم اَیِنی کن اِشتِه گَفی دَنَّرَست، نیجات آشَدا.

اوّلین نامَه تیموتائوسیرا 4:16 Iomraidhean Croise

مَرقُس 13:9

«امّا شِمَه اِشتَن ویرا بِبییَه، چوم اَوِن شِمَه مَحکمَه اون تحویل بَداین و عِبادتگاه اون کا شِمَه ژَنِن. شِمَه چِمِن واسی فرماندارون و پاُتشا اون حضوری کا بَمَندیرون تا چَوون پیشی کا شهادتی بِدییَه.

انجیل لوقا 21:34

«ویرا بِبییَه، نَبادا، عیش و نوش و مَستی و زندگی نِگرانی اِن شِمَه دیلی سَنگین آکَرِن، و اَ روز ایلَه تَلَه ایی شیوار ایی دفعه شِمَه گیر دَرَفَنه.

رَسولون اَعمال 26:22

تا اوری نَه روز خِدا مِن کمک کَردَشه و حِسَه اییا کا مَندَه ایمَه و گِردی را، روکی کا گِتَه تا یالی را، شهادتی بَدایم. چیی که بَواتیم چیی نییَه اَ چیی غِیراز که پِیغمبرون و موسی واتِشونَه که بَسی اِتِفاق دَلَکِه که:

رَسولون اَعمال 6:4

ولی اَمَه چَمَه وختی گِردی بَنایمون دعا کَردِه را و خِدا کلامی خِدمتی را.»

رومی کلیسارا نامه 11:14

اِم امیدی نَه که چِمِن هَمنِژادون غیرتی بِکَرِم و بعضی اَوون نی نِجات بِدَم.

رومی کلیسارا نامه 16:17

اِی بِرااِن، پیستِمَه شِمَه کا خواهیشت بِکَرِم اَ کسونی ویرا بِبییَه که جِدایی باعیث بَبین و شِمَه راه کا سَد بَناین و تعلیمی نَه که شِمَه یاد گِتَرونه، مخالفت بَکَردین؛ اَوون کا دوری بِکَرَه،

رومی کلیسارا نامه 2:7

خِدا، اَبَدی یَه زندگی کَسونی آدَه که صبری نَه چاکه کارون اَنجام دوعِه کا، جلال و حُرمت و اَبَدی یَه زندگی دومله اینه؛

اوّلین نامَه قورَنتیانیرا 1:21

چوم اوآنه که بینا بَر خِدا حکمت، دنیا نِشاستِشَه حکمتی راه نَه خِدا آزونِه، خِدا اِنتَه صلاح ویندِشه که هِم نادونی راه نَه، که اَمَه موعظه بَکَردیمون، کسونی که ایمان بواَردین، نجات بِدَه.

اوّلین نامَه قورَنتیانیرا 9:22

ضَعیفون نَه، ضَعیف بیمَه تا ضَعیفون مسیح را بِه دَس بوعَرِم. هَمه‌کسی را هَمه چیی بیمَه تا هَر جوری که اِستَه بعضی اون نجات بِدَم.

اوّلین نامَه قورَنتیانیرا 9:27

بَلکَم از چِمِن بَدنی سختی بَدایم و اَیله بَردَه شیوار اَیی اَسیر بَکَردیم، تا نَبادا خَلکی را موعظه کَردِه پَش، اِشتَن رَد آبوم.

نامَه اَفسوسی کلیسارا 4:14

بَس دِ خِردَنون شیوار نِبییَم که موجون نَه هَر طرفی را فِر آدوعَه بِبییَم و جور بَه جور تَعلیمون وا نَه و آدَمون مَکر و حیلَّۀ نَه اَ نخشه اونی کا که گمراهی را بَکَشتین، اَمَه اِم طرف و اَ طرفی را بِبَرِه.

نامَه کُولُسی کلیسا را 4:17

و آرخیپوسی نَه بوآجَه: «اِشتِه هَواس بِبو تا خدمتی که خِداوندی کا ویگِتَرَه، کامِل اَنجام بِدَی.»

اوّلین نامَه تَسالونیکی کلیسا را 2:16

و نییَرزِن اَمَه غیر یهودیون نَه گف بِژَنَم تا نجات پیدا بِکَرِن- اِنتَه همیشه اِشتَن گناه اون پیمونه لِبآلِب پُور بَکَردین. امّا آخِرسَر خِدا غَضب، چَوون سَر بومَی.

اوّلین نامَه تیموتائوسیرا 1:3

هَتَه که وختی کارا بَشیم مقدونیه منطقه را بَه تِه کا خواهیشت کَردِمَه، هَنی بَه تِه کا پیستِمَه اَفِسُسی شهری کا بومونی تا بَعضیون دستور بِدَی که هِی جور بَه جورَه تعلیم مَدَن.

اوّلین نامَه تیموتائوسیرا 4:15

اِم چییون عمل بِکَه، و اِشتَن چَوون را وَقف بِکَه تا اِشتِه تَرقی گِردی را معلوم بِبو.

اوّلین نامَه تیموتائوسیرا 4:6

اَگَم اِم چییون بِرااون باموجی، مسیحْ عیسی نوکر بَبیش، که ایمانی کلامی کا و چاکه تعلیمی که چَیی دومله کا ایش، تربیت بَبیش.

دِوُّمین نامَه تیموتائوسیرا 2:10

اِمی واسی از گِردِ چییون، اِنتخاب بییَه اون واسی تاو بواَردیم، تا اَوِن نی اَ نجاتی که مسیحْ عیسی کایَه، اَبَدی یَه جلالی نَه بِه دَس بواَرِن.

دِوُّمین نامَه تیموتائوسیرا 3:14

امّا تِه اَ چیی کا که آموتَه رَه و بَیی ایمان وَردَره پابَرجا بِبَش، چیرا که بَزنیش اَوون کییون کا آموتَرَه،

دِوُّمین نامَه تیموتائوسیرا 4:2

خِدا کلامی اِعلام بِکَه و وخت و بی وخت آمادَه بِبی و وِرَه صَبر و کامِلَ تعلیمی نَه، اِصلاح و توبیخ و تَشویق بِکَه.

نامَه تیتوسیرا 1:9

اَ بَسی محکم دَچیکِه اَ قابل اعتمادَه کلامی که آموتَشَه، تا بِشا دُرستَ تعلیم باموجِه و کسونی که اِم تعلیمی ضِدی نه نی، توبیخ بِکَرِه.

نامَه تیتوسیرا 2:15

اِم چییون اِعلام بِکَه؛ و تَمون اِقتداری نَه تشویق و توبیخ بِکَه. و مَرزِن کسی تِه ندیدَه بِگِرِه.

نامَه تیتوسیرا 2:7

تِه اِشتَن، گِردِ چیون کا چاک کارون را ایلَه سَرمشق بِبَش. اِشتِه تعلیمی کا صاف و صادق و باوقار بِبَش،

نامَه فیلیمونیرا 1:19

از، پولُس، چِمِن دَسی نه بَنیویشتیم: از اَیی را جبران بَکَردیم- البته لازم نییَه بوآجِم که تِه اِشتِه جانی نی بَه مِن مدیونیش.

نامَه، عِبرانیه نَتاجَه مسیحیونرا 12:15

شِمَه هَواس جمع بِبو هیچکسی خِدا فیضی ویگِتِه کا شکست مَرِه، تا هیچ تِلَه بِنَه ایی مَپِرا و دردسری باعیث مَبو و وِر کسون نِجس آمَکَرَه.

نامَه، عِبرانیه نَتاجَه مسیحیونرا 13:9

جور بَه جور و عَجیبَه تعلیمون نَه راه کا بَمَرشَه؛ چوم اِم چاکَه که اِنسانی دیل، فیضی کا قوّت بِگِرِه، نِه اَ غذا اونی کا که کسونی را که چَوون دومله بَشین هیچ مَنفعی نیشَه.

یعقوبی نامَه 5:20

اَ آدَم، بِزونِه که هَر کس ایلَه گناه کاری گمراهی کا آگاردِنه، چَیی جانی مرگی کا نِجات دوعَشَه و وِرَه گناه اون پوشوندَشه.