اوّلین نامَه تیموتائوسیرا 3:16 - کتاب مقدس به زبان تالشی شمالی

¹⁶ راس راسی که دینداری بَرک یالَه سِرّی یَه: اَ جِسمی دیلَه کا ظاهر آبَه، خِدا روح واسطه نَه تصدیق بَه، ملائیکه اِن اَیی ویندِشونَه، قومون دیلَه کا اِعلام بَه، دنیا دیلَه کا بَیی ایمان وَردِشونه، جلالی نَه، بَردَه بَه کَفا.

کتاب مقدس به زبان تالشي - گویش مرکزی

¹⁶ واقییَن کن دینداری راز بَرک یالَه: اَ جندَکی دَلکا اَیر آبَه، خدا روح واسیطَنه تصدیق به، فرشتَه اِن اَشون ویندَ، قامونرا اییلام بَه، دِنیا دلَکا بَشون ایمان وردَ، و شکوه و جلاینَه، کَفاراشون بردَ.

اوّلین نامَه تیموتائوسیرا 3:16 Iomraidhean Croise

مَتّی 1:23

«دَیِس، ایلَه باکِره کِلَه ایی حامیله بَبی، زوعَه ایی دنیا بواَردی، و چَیی نومی عِمانوئیل پِنَن،» ‌ عِمانوئیل، یعنی ’خِدا اَمَه نَه‘ اِستَه.

مَتّی 13:11

عیسی جَواو دوشَه: «آسِمونی پاُتشایی سِرّون دَرک کَردِه شِمَه آدوعَه بییَه، امّا اَوون آدوعَه بَه نییَه.

مَتّی 28:2

ایی دفعه بَرکَ زلزِلَه ای اومَه، چوم خِداوندی ایلَه ملائیکه آسِمونی کا نازل بَه، شَه مَقبره طرف و اَ سِنگی که مَقبره دَهَنه پوشوندَش بَه ژَندِشَه کَنار و هَ سِنگی سَری کا نِشتَه.

مَتّی 3:16

عیسی غسل تعمید گِتَه پَش تا آوی کا اومَه بِرون آسِمونِن آبینَه و اَ ویندِشَه که خِدا روح ایلَه کَفتری شیوار اومَه جیر و عیسی سَری کا قرار گِتِشَه.

مَتّی 4:11

اَ موقع اِبلیس عیسی وِل آکَردِشَه و ملائیکه اِن اومینَه، عیسی خِدمت کَردِشونَه.

مَرقُس 1:13

عیسی چِل روز ویاوونی کا بَه و شیطان اَیی آزمایش بَکَردی. عیسی وَحشی یَه حیوونون نَه مَند بَه و ملائیکه اِن اَیی خِدمت بَکَردین.

مَرقُس 16:19

بَس عیسایِ خِداوند بعد اَز اِم که اِم گفون اَوون نَه واتِشه، بَرده بَه آسِمون و خِدا راستَ دَسی کا نِشته.

مَرقُس 16:5

وختی دَشینَه مَقبره دیلَه، ایلَه جَوونی ویندِشونَه که راستَ طرفی کا نِشت بَه و ایسبی اَبایی دَکَردش بَه. ژِنَکِن چَیی ویندِه کا هَراسون بینَه.

انجیل لوقا 2:32

هَ نوری که حقیقتی، دییَر قومون را آشکار آکَرِه و اِشتِه قوم، اِسرائیلی عِزّت اِحترامی باعیث بَبی.»

انجیل لوقا 20:44

اَگم، داوود اَیی نَه ’خِداوند‘ بَواتی، بَس چِنتَه بَبی که مسیح داوودی زوعَه بِبو؟»

انجیل لوقا 22:43

اَ موقع ایلَه مَلائیکه آسِمونی کا بَیی آشکار آبَه و اَیی قوّت دوشَه.

انجیل لوقا 24:4

اَوِن اِم اِتِفاقی کا مات بینَه که ایی دفعه دِ گِله مِرد خَلا اونی نَه که شَفق ژَنین چَوون کَناری کا مَندینَه.

انجیل لوقا 24:51

و هَتَه کِه چَوون را دعا بَکَردی، اَوون کا جِدا آبَه آسِمونی را بَرده بَه.

یوحنا 1:14

و کَلمه، اِنسان آبَه و چَمَه دیلَه کا ساکن آبَه. اَمَه چَیی شکوه و جلالی ویندِمونَه، شکوه و جلالی که اَ زوعَه یِ یِگانه شَئنی کایَه، که دَده طرفی نَه اومَه، فیض و حقیقتی نَه پُور.

یوحنا 13:3

عیسی که بَزنی دَده گِردِ چییون بَیی دَسپردَشه و اِم که خِدا وَری نَه اومَه و آگَردِه چَیی وَر،

یوحنا 15:26

«امّا وختی اَ یاور که دَده وَری کا شِمَه را ویسا آکَرِم بومَی، یعنی هَ روح حقیقت که دَده وَری کا بومَی، اَ چِمِن درباره شهادتی بَدای.

یوحنا 16:28

اَز دَده وَری نَه اومَیمَه و اومَیمَه اِم دنیا دیلَه؛ و حِسَه اِم دنیا تَرک بَکَردیم و بَشیم دَده وَر.»

یوحنا 17:5

بَس حِسَه تِه اِی دَده، مِن اِشتِه حضوری کا جلال بِدَه، بِه جلالی که پیش اَز اِم که دنیا بِه وجود با بَه تِنَه داریم.

یوحنا 20:12

اَ موقع دِ گِله مَلائیکه ویندِشه که اِسبیَه خَلاشون دَکَردَه بَه و اوآ که عیسی جنازه نوعَه بَه، ایلَه چَیی سَری جِگا کا و اَ ایلَه چَیی پایون جِگا کا نِشت بینَه.

یوحنا 6:62

بَس اَگم بِوینَه اِنسانی زوعَه بَشی کفا جِگایی را که اوّل اِستبَه، چِه بَکَردیرون؟

رَسولون اَعمال 1:19

گِردِ کسونی که اورشلیمی کا بینَه، اِم اِتِفاقی کا خَوَر دار بینَه و اِشتَن زوونی نَه اَ مَله نومی پِنوشونَه ’حَقِلْ‌دَما‘، یعنی خونَ زَمین.

رَسولون اَعمال 10:34

دومله پطرس دَمَندَه اِنتَه گَف ژَندِشَه: «حِسَه فهمِستِمَه که راس راسی خِدا مردمی دیلَه کا هیچ فرقی نِنَه؛

رَسولون اَعمال 14:27

وختی پولس و بَرنابا آرَستینَه اوآ، کلیسا آدَمون جَمع آکَردِشونَه، اَوون را واتِشونَه که خِدا چَوون واسطه نَه چِه‌ کارونی کَردَشه و چِنتَه، ایمانی بَری غیر یهودیون را آکَردَشَه.

رَسولون اَعمال 20:28

شِمَه حَواس جَمع بِبو. شِمَه حواس گِردِ رَمَه اونی کا بِبو که روح القدس شِمَه چَوون نظارت کَردِه را اِنتخاب کَردَشه. خِدا کلیسا را که اِشتَن خونی نَه اَیی خِرییَشه، شوونَتی بِکَرَه.

رومی کلیسارا نامه 10:12

چوم یَهود و یونانی فرقی نِکَرِه، چیرا که هَ خِداوند، گِردی خِداوندَه و گِردِ کسونی که اَیی دَخونِن، فَت و فَراوون بَرکت بَدای.

رومی کلیسارا نامه 10:18

امّا دَفَرسِم: مَگم نِدَرَسِشونه؟ اَلبت که دَرَسِشونَه: «چَوون آواز زمینی سرتاسری کا دَپیچستَه، و چَوون کلام دنیا اِم سَری نه تا دنیا اَسَر آرَستَه.»

رومی کلیسارا نامه 16:25

حِسَه جَلال اَیی بِبو که، بَشای طبق چِمِن اِنجیل و عیسی مسیح موعظه، شِمَه تقویت بِکَرِه- یعنی طبق ایلَه سِرّی آشکار آبییِه که وِرَه زمانون نِین بَه،

رومی کلیسارا نامه 16:26

امّا حِسَه بینا بَر پِیغمبرون نیویشته اون و اَبَدی یَه خِدا حُکمی نَه، گِردِ قومون را آشکار آبَه، تا اَوِن ایمان بواَرِن و اِطاعت بِکَرَن-

رومی کلیسارا نامه 3:4

هَرگز! حتی اَگم گِردِ آدَمِن دروعَه واج بِبون، خِدا راستَه واجَه! هَتَه که داوودی مزمورَه کیتابی کا نیویشته بییَه که: «اِمی واسی، وختی گف ژَنی راست بَواتیش، و اَ موقعی که داوری بَکَردیش، اِشتِه داوری دُرستَه.»

رومی کلیسارا نامه 8:3

چوم که شریعت اَ چیی، اِمی واسی که آدَمی جِسم ضعیفَه، نِشاستِشه اَنجام بِدَه، خِدا اَنجام دوشَه. اَ اِشتَن زوعَه، ایلَه گناه کارَه جِسمی شیوار ویسا آکَردِشه تا ’گناه را قِربونی‘ بِبو، و اِنتَه جِسمی دیلَه کا، گناه محکوم کَردِشه.

رومی کلیسارا نامه 9:5

و جَدِن نی چَوون شِنی اینه، و مسیح نی از لحاظ جِسم چَوون نَسلی کایَه، خِدایی که گِردی کا کفاتَرَه، اَیی تا اَبَد شُکر بِبو. آمین.

اوّلین نامَه قورَنتیانیرا 15:47

اوّلین اِنسان زمینی کا بَه و اِنسانی، خاکی کا، دوّمین اِنسان آسِمونی کا.

اوّلین نامَه قورَنتیانیرا 2:7

بَلکم اَمَه خِدا حِکمتی کا که ایلَه نِینَ سِرّی یَه گف ژَنَم. اَ حِکمتی که خِدا، دنیا خَلق کَردِه پیش، چَمَه جلالی را معّین کَردِشه.

دوومین نامه قرنتیانیرا 1:19

چوم که خِدا زوعَه، عیسایِ مسیح، که از و سیلاس و تیموتائوس اَیی شِمَه دیلَه کا اِعلام کَردِمونه، ’ها‘ و ’نِه‘ نِبَه، بَلکَم اَیی کا همیشه ’ها‘ یَه.

نامه غلاطیَه کلیسارا 2:8

چوم اَ که پطرسی واسطه نَه کار کَردِشه که یهودیون رسول بِبو، بَه مِن کا نی کار کَردِشه تا غیریهودیون رسول بِبوم.

نامه غلاطیَه کلیسارا 4:4

امّا هِنتَه که اَ مُعیَن بییَه وخت تمام کمال آرَستَه، خِدا اِشتَن زوعَه ویسا آکَردِشه که ایلَه ژِنی کا دنیا اومَه و شریعتی جیری کا دنیا اومَه،

نامَه اَفسوسی کلیسارا 1:9

اَ اِشتَن اِراده سِرّی بَمون آزونیشَه. بینا بَر اِشتَنِش پیستَه که مسیح کا آشکار آکَردِشه.

نامَه اَفسوسی کلیسارا 6:19

بَه مِرا نی دعا بِکَرَه، تا هَر موقع که چِمِن گَ آکَرِم گف بِژَنِم، بَه مِن اَ کلامی قدرت آدوعَه بِبو تا اِنجیلی سِرّی دیل و جرئتی نَه اِعلام بِکَرم،

نامَه کُولُسی کلیسا را 1:23

بِه شرطی که راس راسی شِمَه ایمانی کا قُرص و پابَرجا بومونه و اَ اِنجیلی اُمیدی کا تَکان مَرَه. اِم هَ اِنجیلی یَه که گِردِ خِلقتی را آسِمونی جیری کا اِعلام بَه، و اَز، پولُس، چَیی خادم بَییمَه.

نامَه کُولُسی کلیسا را 1:27

خِدا اِنتَه پیستِشَه که اَوِن آزونِن که اِم سِرّ غیریهودیون دیلَه کا، چِه بَرکَ جلالی هِستِشه. اَ سِرّ اِمَه که مَسیح شِمَه دیلَه کا جلالی اُمیدَه.

نامَه کُولُسی کلیسا را 1:6

اِنجیلی که شِمَه آرَستَه، هَتَه که دنیا سَرتاسَری کا نی آرَستَه، ثَمره بَدای و وِر آبو، هَتَه که شِمَه دیلَه کا نی، اَ روزی نَه که اَیی دَرَسِرونه و خِدا فیضی حقیقتی کا فَهمِستَرونه، کار کَردَشَه.

نامَه کُولُسی کلیسا را 2:2

تا دیلگرم بِبون، و هَتَه که مُحبتی کا یَندی نَه متحدی نَه و اَ کاملَ اِطمینان و بی حد و اندازه پُوری کا، که فهمی کا بِه دَس بومَی بهره بِبَرَه و هِم راه کا، خِدا سِرّی، یعنی مَسیح آزونِن،

دوّمین نامَه تَسالونیکی کلیسا را 1:10

هَتَه که اَ، اَ روزی کا بومَی اِشتَن ایماندارون دیلَه کا جلال بَگَتی، و گِردِ کسونی دیلَه کا که اَیی ایمان وَردَشونه، مات بَبین و شِمَه نی اَوون نَه بَبیرون، چیرا که چَمَه شهادتی ایمان وَردَرونه.

دوّمین نامَه تَسالونیکی کلیسا را 2:7

چوم اِم بی‌دینی سِرّ حِسَه نی کار بَکَردی. فقط تا وختی که اَ کسی که تا حِسَه مانعَه میانه کا پِگِته بِبو.

اوّلین نامَه تیموتائوسیرا 3:9

اَوِن بَسی ایمانی سِرّی پاکَه وِجدانی نَه غَم بَرِن.

نامَه، عِبرانیه نَتاجَه مسیحیونرا 1:3

اَ، خِدا جَلالی نورَه و چَیی ذاتی تمام کمالَ نَخشَه، و اَ گِردِ چیون اِشتَن کلامی قوتی نَه پابَرجا غَم بَردی. اَ، گناه اون پاک آکَردِه بِه دومله، اَ کسی راستَ دَسی کا که با عظمتَه و عَرش بَرینی دیلَه کا، نِشتَه.

نامَه، عِبرانیه نَتاجَه مسیحیونرا 12:2

و چَمَه چِم فقط عیسی کا بِبو که چَمَه ایمانی پاکارَه و چَمَه ایمانی کامل آکَرِه، و اَ شادی واسی که چَیی ناری کا نوعَه بَه، صلیبی تاو وَردِشَه، چَیی خِفَت و خاری ندید گِتِشَه، و خِدا تختی راستَ دَسی طرفی کا نِشتَه.

نامَه، عِبرانیه نَتاجَه مسیحیونرا 7:7

و بیدونِ شَک، اَ کسی که بَرکت بَدای اَ کسی کا که بَرکت ویگِرِه، یالتَرَه.

نامَه، عِبرانیه نَتاجَه مسیحیونرا 8:1

حِسَه اَصل مطلبی که اَمَه کارا بَواتیمون اِمَه که: اَمَه اِنتَه رَه یالَ کاهِنی هِستِمونَه که خِدای متعالی تختی راستَه دَسی طرفی کا، آسمونی دیلَه کا نِشتَه،

پطروسی اوّلین نامَه 1:12

اَوون را آشکار آبَه که نِه اِشتَن، بَلکَم شِمَه را خدمَت بَکَردین، اَ موقع که اَ چییونی درباره گَف ژَنین که حِسَه اَیی اِنجیلی پیغوم آوَرون کا دَرَسَه. اَوونی کا که روح القدسی واسطه نَه که آسِمونی نَه ویسا آبَه، اَ خوشَ خَوَری شِمَه را بَداین. حتی ملائیکَه اِن نی آرزو دارِن اَ چییون بِوینِن.

پطروسی اوّلین نامَه 1:20

اَ، دنیا خلق بییَه پیش مُعَین بَه، امّا اِم آخِر زمانون کا شِمَه را آشکار آبَه.

پطروسی اوّلین نامَه 1:21

شِمَه که چَیی واسطه نَه بِه خِدا ایمان وَردَرونه، اَ خِدایی که اَیی مَردَه اون دیلَه کا زِنده آکَردِشه و جلال دوشَه، تا شِمَه ایمان و امید بِه خِدا بِبو.

پطروسی اوّلین نامَه 3:18

چوم که مَسیح نی ایی کَرَه گناه اون را عذاب کَشِشَه، یعنی اَ صالِح، کسونی را که صالِح نینَه، تا اَمَه بواَرِه خِدا وَر. اَ جِسمی کا کِشتَه بَه، امّا روح کا، زِنده آبَه،

پطروسی اوّلین نامَه 3:22

هَ عیسایِ مسیح که شَه آسِمون و حِسَه خِدا راستَ دَسی کایَه و ملائیکَه اِن و قدرتِن و قوّتِن چَیی مطیع بَیینَه.

یوحنا اوّلین نامَه 1:2

زندگی ظاهر آبَه؛ اَمَه اَیی ویندَمونه و چیی را شهادتی بَدایمون، اَبَدی یَه زندگی شِمَه را اِعلام بَکَردیمون، هَ اَبَدی یَه زندگی که دَده نَه بَه و چَمَه را ظاهر آبَه.

یوحنا اوّلین نامَه 3:5

شِمَه بَزنیرون که اَ ظهور کَردِشه تا گناه اون از بِین بِبَرِه. چَیی دیلَه کا هیچ گناهی دَری نییَه.

یوحنا اوّلین نامَه 3:8

اَ کسی که گناه دیلَه کا زندگی بَکَردی اِبلیسی کا یَه، چوم اِبلیس هَ صِفته نَه گناهکار بَه. اِمی واسی خدا زوعَه ظهور کَردِشه تا اِبلیسی کارون باطل آکَرِه.

یوحنا موکاشیفَه 17:5

چَیی تَقالی سَری کا اِم مرموزَه نوم نیویشته بییَه بَه: «یالَ بابِل، فاحیشه اون و زمینی زِشتیون نَنه.»

یوحنا موکاشیفَه 17:7

ولی ملائیکه مِنَه واتِشَه: «چیرا هِندی مات آبَه ایش؟ از اَ ژِنَکی سِرّی و اَ وحشی یَه حَیوونی سِرّی که هفت گِله سَر و دَه گِله شاخ هِستِشَه و ژِن چَیی سَری کا سِوارَه، بَه تِرا بَواتیم.

یوحنا موکاشیفَه 7:9

دومله دَیشتیمَه و دَیِس، ایلَه یالَه جماعتی که هیچکس نیمَشای اَیی بیشماری، هَر میلّتی کا و هَر طایفه کا و هَر قوم و هَر زَوونی کا، گِرد اَ تخت و وَرَه پیشی کا مَند بینَه، ایسبی یَه اَبا دَکَردَشون بَه و نخلی لاخه اون اِشتَن دسی کا دارین.