اوّلین نامَه تیموتائوسیرا 1:4 - کتاب مقدس به زبان تالشی شمالی

⁴ و اِشتَن داستانون و شجره‌نومه‌ اونی را که تمون آنِبون وقف مَکَرِن، اِم چییِن عوضِ اِمکه خِدا کاری که ایمانی راه کا یَه پیش بِبَرِن، جَر و بحثی باعیث بَبی که هیچ ثمری نِدارِه.

کتاب مقدس به زبان تالشي - گویش مرکزی

⁴ و بَشتن اَفسانَه اونَّه و دَدارَ بونجوقونَّه کن تَمون آنیَبن، وقف نِکرِن، اِمی خونه کن اِمِن خدا کار کن ایمانی دلَکارَ، نار بَردِ عَوَض، گَفه ژِنَه باعیث بَبی کن چَیرا بَرَ ایی نییَه.

اوّلین نامَه تیموتائوسیرا 1:4 Iomraidhean Croise

دوومین نامه قرنتیانیرا 1:12

چوم چَمَه اِفتخار، چَمَه وجدانَه که گواهی بَدای، که اِم دنیا کا اَمَه رو راستی و صاف و صادقی نَه که خِدا کا یَه رفتار کَردِمونه، نِه آدَمی حِکمَتی نَه، بَلکَم خِدا فیضی نَه رفتار کَردَمونه مخصوصن شِمَه نَه.

نامَه اَفسوسی کلیسارا 3:2

بیدون شَک شِمَه اِم جریانی درباره دَرَسَرونه که خِدا فیضی نظارت شِمَه خِدمتی واسی بَه مِن آدوعَه بییَه.

اوّلین نامَه تیموتائوسیرا 3:16

راس راسی که دینداری بَرک یالَه سِرّی یَه: اَ جِسمی دیلَه کا ظاهر آبَه، خِدا روح واسطه نَه تصدیق بَه، ملائیکه اِن اَیی ویندِشونَه، قومون دیلَه کا اِعلام بَه، دنیا دیلَه کا بَیی ایمان وَردِشونه، جلالی نَه، بَردَه بَه کَفا.

اوّلین نامَه تیموتائوسیرا 4:7

تِه داستانونی نَه که کفرآمیزَه و پوچی نَه کاریر مَبو، بَلکَم اِشتَن دینداری کا تربیت بِکَه؛

اوّلین نامَه تیموتائوسیرا 6:11

امّا تِه که مِردِ خِدا ایش، اِم چییون کا دَوَز، و صالحی، دینداری، ایمان، مُحبت، پابَرجایی و ملایمتی دومله بِبَش.

اوّلین نامَه تیموتائوسیرا 6:20

اِی تیموتائوس، اَ، اَمانتی که بَه تِن دَسپَرده بییَه، حِفظ بِکَه. مِفتَه گفون کا و مخالف فیکرونی کا که اِشتباهی معرفت بَواتین، دوری بِکَه؛

دِوُّمین نامَه تیموتائوسیرا 2:14

اِمی چَوون ویر بوعَه، و خِدا حضوری کا اَوون سفارش بِکَه که کلماتی سَر دعوامُرافه مَکَرِن، که فایده ای نیشَه، بَلکَم فقط باعث بَبی، راه کا بَرشون.

دِوُّمین نامَه تیموتائوسیرا 2:22

بَس جَوونی هَواهَوسی کا دَوز، و کسونی نَه که پاکَه دیلی نَه خِداوندی دَخونِن، صالِحی، ایمان، محبت، صُلح و سلامتی دومله بِبَش.

دِوُّمین نامَه تیموتائوسیرا 2:23

اَ بحثونی کا که نادونی و نَفهمی کایَه دوری بِکَه، چییرا که بَزنیش دعوامُرافه راه دَلکِه.

دِوُّمین نامَه تیموتائوسیرا 4:4

و اَوِن، حقیقتی گوش دوعِه کا دیم آگاردِنییَشونه، داستانون طرف گمراه بَبین.

نامَه تیتوسیرا 1:1

پولُسی طرفی کا، خِدا نوکر و عیسایِ مسیح رسول، که تعیین بیمَه تا خِدا اِنتخاب بییَه اون ایمانی تقویت بِکَرِم و اَ حقیقتی که دینداری نَه مطابقَه بوآجِم،

نامَه تیتوسیرا 1:14

یهودی داستانون و چَوون حُکمون که حقیقتی کا دوری نَه،گوش مَدَن.

نامَه تیتوسیرا 3:9

ولی جَنگ و دعوا اونی کا که نادونی کا یَه، شجَره نومچه اون و اِختلافون و دعوا مُرافه اونی کا که شریعتی دربارَه یَه دوری بِکَه، چوم اِمِن بی فایده و بی اِرزِشی نَه.

نامَه، عِبرانیه نَتاجَه مسیحیونرا 13:9

جور بَه جور و عَجیبَه تعلیمون نَه راه کا بَمَرشَه؛ چوم اِم چاکَه که اِنسانی دیل، فیضی کا قوّت بِگِرِه، نِه اَ غذا اونی کا که کسونی را که چَوون دومله بَشین هیچ مَنفعی نیشَه.

پطروسی دومین نامه 1:16

چوم اَ موقع که چَمَه خداوند عیسایِ مَسیح قوّت و چَیی اومِه شِمَه را اِعلام بَکَردیمون، داستانونی دومله نِشیمونَه که زیرنگی نَه وَج آبَیینه، بَلکَم چَیی شکوه و جلالی چَمَه چِمون نَه ویندَمون بَه.