اوّلین نامَه تَسالونیکی کلیسا را 5:6 - کتاب مقدس به زبان تالشی شمالی

⁶ بَس بقیه شیوار اِشتَن بِه خاو مَژَنَم، بَلکَم آگا و هوشیار بِبییَم.

کتاب مقدس به زبان تالشي - گویش مرکزی

⁶ پس هنته دییَرَ کسون شیوار بَشتن خاو نِژَنم، بَسکم بیدار و هوش ببَم.

اوّلین نامَه تَسالونیکی کلیسا را 5:6 Iomraidhean Croise

مَتّی 13:25

امّا وختی گِرد چَیی نوکَرِن خِت بینَه، چَیی دِشمِن اومَه و گندِمون میانَه کا، واش کاشتِشه و شَه.

مَتّی 24:42

بَس آگا بِبییَه، چوم نیمَزنَه شِمَه خِداوند چِه روزی کا بومَی.

مَتّی 25:13

بَس ویرا بِبییَه، چوم شِمَه اَ روز و اَ ساعتی کا خَوَر نیرونَه.

مَتّی 25:5

وختی زِما عَری آکَردِشه، گِردی چِمِن سَنگین آبینَه و خاو آشینَه.

مَتّی 26:38

و دومله اَوون نَه واتِشه: «غُورصَه کا نِزدیکَه بِمِرِم. شِمَه اییا کا بومونَه و مِنَه آگا بِبییَه.»

مَرقُس 13:37

اَ چیی که شِمَه نَه بَواتیم، گِردی نَه بَواتیم: آگا بِبییَه!»

انجیل لوقا 12:37

خَسَه بِبو نوکَرونی که وختی چَوون اَرباب بومَی، اَوون آگا بِوینِه. حقیقتَن شِمَه نَه بَواتیم، چَوون خِدمت کَردِه را کَمَر دَوَسِه؛ اَوون سِفره سَری کا نِشونِه و بومَی و اَوون کا پذیرایی بَکَردی.

انجیل لوقا 12:39

«امّا بِزونَه اَگم کَ صاحیب بَزنی که دِزد چِه ساعتی کا بومَی، نییَرزی دِزد چَیی کَ کا دِزدی بِکَرِه.

انجیل لوقا 21:36

بَس هَمیشه ویرا بِبییَه و دعا بِکَرَه که قدرت بِدارَه تا گِرد اِم چییون کا که هِم زودییون پیش بومَین، بِشایَه دَوَزَه و اِنسانی زوعَه حضوری کا بومونَه.»

انجیل لوقا 22:46

اَوون نَه واتِشه: «چیرا خِتیرونَه؟ پِرِزَه و دعا بِکَرَه که آزمایش مَبییَه.»

رَسولون اَعمال 20:31

بَس هوشیار بِبییَه و ویر بواَرَه که از سِه سال تمون، شَواَنده روز، اِسِرگون نَه ایی لَحظه نی شِمَه هشدار دوعِه کا، دَس نِپِگِتِمَه.

اوّلین نامَه قورَنتیانیرا 15:34

اِم بیخودی یَه گفون کا که چَوون مَست آبَه ایرونه بِه اِشتَن بایَه و دِ گناه مَکَرَه؛ چوم بعضی اِن اِستینه که خِدا آنِزونِن. اِمی بَواتیم تا شرمَنده بِبییَه.

اوّلین نامَه قورَنتیانیرا 16:13

شِمَه هَواس جَمع بِبو؛ ایمانی کا پابَرجا بومونَه؛ مِرد بِبییَه و قوی بِبییَه.

نامَه اَفسوسی کلیسارا 2:3

اَمَه نی گِرد ایی زمانی چَوون دیلَه کا چَمَه جِسمی هَواهوسی دیلَه کا زِندگی بَکَردیمون، و چَمَه جِسمی فیکرون و پیستَه اون اَنجام بَدایمون؛ و بقیه آدَمون شیوار، بینا بِه چَمَه ذات، خِدا غَضَبی محکوم بیمونه.

نامَه اَفسوسی کلیسارا 5:14

چوم هَر چیی آشکار بِبو نورَه. اِمی واسی واتَه بییَه که: «اِی تِه ایی که خِتیش، پِرِز، مَردَه اون دیلَه کا، زِندَه آبَش، و مسیح اِشتَن نوری بَه تِن دَتاوونه.»

نامَه اَفسوسی کلیسارا 6:18

و همیشه، هَمه جورَه دعا و مِنَتی نَه، خِدا روح کا دعا بِکَرَه و اِمی واسی آگا و هوشیار بِبییَه و همیشه مقاومتی نَه گِردِ مقدسون را دعا بِکَرَه.

نامَه فیلیپی کلیسا را 4:5

بِدارَه گِرد بِوینِن شِمَه با ملاحضه آدَمونی اِستیرونه. خِداوند نِزدیکه؛

نامَه کُولُسی کلیسا را 4:2

همیشه دعا کا پابَرجا بِبییَه، شُکرکَردِه نَه، دعا کا شِمَه هَواس جمع بِبو.

اوّلین نامَه تَسالونیکی کلیسا را 4:13

ولی اِی بِرااِن، اَمَه نِپیستِمونَه اَ ایماندارونی درباره که مَردَه اینه بی خَور بِبییَه، نَبادا دییَر مردمی شیوار که اُمیدی نِدارِن، ماتم بِگِرَه.

اوّلین نامَه تَسالونیکی کلیسا را 5:10

اَ که چَمَه واسی مَردَه تا چِه آگا بِبییَم و چِه خاو، اَیی نَه زِندگی بِکَرَم.

اوّلین نامَه تَسالونیکی کلیسا را 5:8

امّا چوم اَمَه روزی شِنی مونه، بَسی هوشیار بِبییَم، ایمان و محبتی زِرِه دَکَرَم، و نجاتی اُمیدی ایلَه کُلاهخودی شیوار چَمَه سَری کا پِنَیَم.

اوّلین نامَه تیموتائوسیرا 2:15

امّا ژِن، خِردَن دنیا وَردِه نَه نجات پیدا بَکَردی، اَگم ایمان و مُحبت و مقدّس بییِه کا، نجابَتی نَه بومونِه.

اوّلین نامَه تیموتائوسیرا 2:9

هِنتَه نی پیستِمَه که ژِنَکِن آبرومندانَه خَلا دَکَرِن، نجابت و حَیا نَه، نِه وَته گیسه اون نَه، یا طِلا و مِرواری نَه، یا گِرونَ خَلااون نَه،

اوّلین نامَه تیموتائوسیرا 3:11

هِنته نی، چَوون ژِنَکِن نی بَسی باوَقار بِبون، بُختون ژَن مَبون، بَلکَم هوشیار بِبون و گِردِ چییون کا وفادار بِبون.

اوّلین نامَه تیموتائوسیرا 3:2

بَس ایلَه ناظر بَسی چَیی زندگی کا هیچی مَبو که چَیی واسی سَرکوفت بَرِه، ایلَه ژِن بِدارِه، هوشیار بِبو، اِشتَن پیشی بِگِرِه و آبرومَند بِبو، میهمون‌ نواز بِبو و بِشا تعلیم بِده؛

دِوُّمین نامَه تیموتائوسیرا 4:5

امّا اِشتِه هَواس هَر چیی کا جَمع بِبو؛ عذابون تاو بوعَه، اِنجیلی اِعلام کَردِه کاری اَنجام بِدَه و اِشتِه خدمتی تَمام کمال بِه آخِر آرِساوون.

نامَه تیتوسیرا 2:12

و بَمون آموجِه که بی‌دینی و دنیایی یَه هَواهَوسون وِل آکَرَم، چَمَه پیشی بِگِرَم و صالحی و دینداری نَه اِم دورَه کا زِندگی بِکَرَم،

نامَه تیتوسیرا 2:6

هِنتَه نی، جَوونَ مِردَکون نی اِصرار بِکَه تا اِشتَن پیشی بِگِرِن.

پطروسی اوّلین نامَه 1:13

بَس شِمَه فیکرون آمادَه آکَرَه عمل کَردِه را، شِمَه هَواس جمع بِبو، و شِمَه امید تمام کمال اَ فیضی کا بِبو که عیسایِ مسیح ظهوری موقع شِمَه آدوعه بَبی.

پطروسی اوّلین نامَه 4:7

گِردِ چییون آخِر نِزدیکَه؛ بَس شِمَه دعا اون واسی شِمَه هَواس جمع بِبو و شِمَه پیشی بِگِرَه.

پطروسی اوّلین نامَه 5:8

ویرا بِبیَه، شِمَه هَواس جمع بِبو، شِمه دِشمِن اِبلیس ایلَه شیری شیوار غُرِش بَکَردی و هَر طرفی را کارا بَگردِستی، ایی نفری بِتلَفِه که اَیی ویبَرِه.

یوحنا موکاشیفَه 16:15

«دَیِس، از ایلَه دِزدی شیوار بومَیم! خَسه بِبو اَ کسی که آگا بَمندی و خَلا دَکَردَش بِبو، مَبو که لُخت و سُوخت راه دَلَکِه و گِرد چَیی رِسوایی بِوینِن.»

یوحنا موکاشیفَه 3:2

پِرِز و اَچیی که باقی مَندَه و کارا بَمَردی، تقویت بِکَه! چوم که از اِشتِه کارون چِمِن خِدا وَری کا کامل نِویندِمَه.